헬라어 문장 검색 - Πλυταρ́Αριστιδ́06́

(플루타르코스, Ἀριστείδης, chapter 6)

πασῶν δὲ τῶν περὶ αὐτὸν ἀρετῶν ἡ δικαιοσύνη μάλιστα τοῖσ πολλοῖσ αἴσθησιν παρεῖχε διὰ τὸ τὴν χρείαν ἐνδελεχεστάτην αὐτῆσ καὶ κοινοτάτην ὑπάρχειν. ὅθεν ἀνὴρ πένησ καὶ δημοτικὸσ ἐκτήσατο τὴν βασιλικωτάτην καὶ θειοτάτην προσηγορίαν τὸν Δίκαιον· ὃ τῶν βασιλέων καὶ τυράννων οὐδεὶσ ἐζήλωσεν, ἀλλὰ Πολιορκηταὶ καὶ Κεραυνοὶ καὶ Νικάτορεσ, ἔνιοι δ’ Αἐτοὶ καὶ Ιἕρακεσ ἔχαιρον προσαγορευόμενοι, τὴν ἀπὸ τῆσ βίασ καὶ τῆσ δυνάμεωσ, ὡσ ἐοίκε, μᾶλλον ἢ τὴν ἀπὸ τῆσ ἀρετῆσ δόξαν ἀγαπῶντεσ.

καίτοι τὸ θεῖον, ᾧ γλίχονται συνοικειοῦν καὶ συναφομοιοῦν αὑτούσ, τρισὶ δοκεῖ διαφέρειν, ἀφθαρσίᾳ καὶ δυνάμει καὶ ἀρετῇ, ὧν καὶ σεμνότατον ἡ ἀρετὴ καὶ θειότατόν ἐστιν. ἀφθάρτῳ μὲν γὰρ εἶναι καὶ τῷ κενῷ καὶ τοῖσ στοιχείοισ συμβέβηκε, δύναμιν δὲ καὶ σεισμοὶ καὶ κεραυνοὶ καὶ πνευμάτων ὁρμαὶ καὶ ῥευμάτων ἐπιφοραὶ μεγάλην ἔχουσι, δίκησ δὲ καὶ θέμιδοσ οὐδὲν ὅτι μὴ τῷ φρονεῖν καὶ λογίζεσθαι μεταλαγχάνει.

διὸ καὶ τριῶν ὄντων, ἃ πεπόνθασιν οἱ πολλοὶ πρὸσ τὸ θεῖον, ζήλου καὶ φόβου καὶ τιμῆσ, ζηλοῦν μὲν αὐτοὺσ καὶ μακαρίζειν ἐοίκασι κατὰ τὸ ἄφθαρτον καὶ ἀί̈διον, ἐκπλήττεσθαι δὲ καὶ δεδιέναι κατὰ τὸ κύριον καὶ δυνατόν, ἀγαπᾶν δὲ καὶ τιμᾶν καὶ σέβεσθαι κατὰ τὴν δικαιοσύνην. ἀλλά, καίπερ οὕτω διακείμενοι, τῆσ μὲν ἀθανασίασ, ἣν ἡ φύσισ ἡμῶν οὐ δέχεται, καὶ τῆσ δυνάμεωσ, ἧσ ἐν τῇ τύχῃ κεῖται τὸ πλεῖστον, ἐπιθυμοῦσι, τὴν δ’ ἀρετήν, ὃ μόνον ἐστὶ τῶν θείων ἀγαθῶν ἐφ’ ἡμῖν, ἐν ὑστέρῳ τίθενται, κακῶσ φρονοῦντεσ, ὡσ τὸν ἐν δυνάμει καὶ τύχῃ μεγάλῃ καὶ ἀρχῇ βίον ἡ μὲν δικαιοσύνη ποιεῖ θεῖον, ἡ δ’ ἀδικία θηριώδη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 6

(플루타르코스, Ἀριστείδης, chapter 6)

상위

목록

SEARCH

MENU NAVIGATION