헬라어 문장 검색 - Πλυταρ́Αριστιδ́10́

(플루타르코스, Ἀριστείδης, chapter 10)

ἐκ τούτου Ξέρξησ μὲν περίφοβοσ γενόμενοσ εὐθὺσ ἐπὶ τὸν Ἑλλήσποντον ἠπείγετο, Μαρδόνιοσ δὲ τοῦ στρατοῦ τὸ δοκιμώτατον ἔχων περὶ τριάκοντα μυριάδασ ὑπελείπετο, καὶ φοβερὸσ ἦν ἀπ’ ἰσχυρᾶσ τῆσ περὶ τὸ πεζὸν ἐλπίδοσ ἀπειλῶν τοῖσ Ἕλλησι καὶ γράφων τοιαῦτα· "νενικήκατε θαλασσίοισ ξύλοισ χερσαίουσ ἀνθρώπουσ οὐκ ἐπισταμένουσ κώπην ἐλαύνειν·

"ἀλλὰ νῦν πλατεῖα μὲν ἡ Θετταλῶν γῆ, καλὸν δὲ τὸ Βοιώτιον πεδίον ἀγαθοῖσ ἱππεῦσι καὶ ὁπλίταισ ἐναγωνίσασθαι. πρὸσ δὲ Ἀθηναίουσ ἔπεμψεν ἰδίᾳ γράμματα καὶ λόγουσ παρὰ βασιλέωσ, τήν τε πόλιν αὐτοῖσ ἀναστήσειν ἐπαγγελλομένου καὶ χρήματα πολλὰ δώσειν καὶ τῶν Ἑλλήνων κυρίουσ καταστήσειν ἐκποδὼν τοῦ πολέμου γενομένουσ. οἱ δὲ Λακεδαιμόνιοι πυθόμενοι ταῦτα καὶ δείσαντεσ ἔπεμψαν Ἀθήναζε πρέσβεισ, δεόμενοι τῶν Ἀθηναίων, ὅπωσ παῖδασ μὲν καὶ γυναῖκασ εἰσ Σπάρτην ἀποστείλωσι, τοῖσ δὲ πρεσβυτέροισ τροφὰσ παρ’ αὐτῶν λαμβάνωσιν·

ἰσχυρὰ γὰρ ἦν ἀπορία περὶ τὸν δῆμον ἀπολωλεκότα καὶ τὴν χώραν καὶ τὴν πόλιν. οὐ μὴν ἀλλὰ τῶν πρέσβεων ἀκούσαντεσ, Ἀριστείδου ψήφισμα γράψαντοσ, ἀπεκρίναντο θαυμαστὴν ἀπόκρισιν, τοῖσ μὲν πολεμίοισ συγγνώμην ἔχειν φάσκοντεσ, εἰ πάντα πλούτου καὶ χρημάτων ὤνια νομίζοιεν, ὧν κρεῖττον οὐδὲν ἴσασιν, ὀργίζεσθαι δὲ Λακεδαιμονίοισ, ὅτι τὴν πενίαν καὶ τὴν ἀπορίαν τὴν νῦν παροῦσαν Ἀθηναίοισ μόνον ὁρῶσι, τῆσ δ’ ἀρετῆσ καὶ τῆσ φιλοτιμίασ ἀμνημονοῦσιν ἐπὶ σιτίοισ ὑπὲρ τῆσ Ἑλλάδοσ ἀγωνίζεσθαι παρακαλοῦντεσ.

ταῦτα γράψασ Ἀριστείδησ καὶ τοὺσ πρέσβεισ εἰσ τὴν ἐκκλησίαν παραγαγών, Λακεδαιμονίοισ μὲν ἐκέλευσε φράζειν, ὡσ οὐκ ἔστι χρυσοῦ τοσοῦτον πλῆθοσ οὔθ’ ὑπὲρ γῆν οὔθ’ ὑπὸ γῆν, ὅσον Ἀθηναῖοι δέξαιντο ἂν πρὸ τῆσ τῶν Ἑλλήνων ἐλευθερίασ.

"ταύτην πορεύηται τὴν πορείαν, Ἀθηναῖοι πολεμήσουσι Πέρσαισ ὑπὲρ τῆσ δεδῃωμένησ χώρασ καὶ τῶν ἠσεβημένων καὶ κατακεκαυμένων ἱερῶν. ἔτι δὲ ἀρὰσ θέσθαι τοὺσ ἱερεῖσ ἔγραψεν, εἴ τισ ἐπικηρυκεύσαιτο Μήδοισ ἢ τὴν συμμαχίαν ἀπολίποι τῶν Ἑλλήνων.

ἐμβαλόντοσ δὲ Μαρδονίου τὸ δεύτερον εἰσ τὴν Ἀττικήν, αὖθισ εἰσ Σαλαμῖνα διεπέρασαν. Ἀριστείδησ δὲ πεμφθεὶσ εἰσ Λακεδαίμονα τῆσ μὲν βραδυτῆτοσ αὐτοῖσ ἐνεκάλει καὶ τῆσ ὀλιγωρίασ, προεμένοισ αὖθισ τῷ βαρβάρῳ τὰσ Ἀθήνασ, ἠξίου δὲ πρὸσ τὰ ἔτι σωζόμενα τῆσ Ἑλλάδοσ βοηθεῖν. ταῦτα ἀκούσαντεσ οἱ Ἔφοροι μεθ’ ἡμέραν μὲν ἐδόκουν παίζειν καὶ ῥᾳθυμεῖν ἑορτάζοντεσ·

ἦν γὰρ αὐτοῖσ Υἁκίνθια· νυκτὸσ δὲ πεντακισχιλίουσ Σπαρτιατῶν ἐπιλέξαντεσ, ὧν ἕκαστοσ ἑπτὰ περὶ αὑτὸν εἵλωτασ εἶχεν, ἐξέπεμψαν οὐκ εἰδότων τῶν Ἀθηναίων. ἐπεὶ δὲ πάλιν ἐγκαλῶν ὁ Ἀριστείδησ προσῆλθεν, οἱ δὲ σὺν γέλωτι ληρεῖν αὐτὸν ἔφασκον καὶ καθεύδειν, ἤδη γὰρ ἐν Ὀρεστείῳ τὸν στρατὸν εἶναι πορευόμενον ἐπὶ τοὺσ ξένουσ ξένουσ γὰρ ἐκάλουν τοὺσ Πέρσασ, οὐ κατὰ καιρὸν ἔφη παίζειν αὐτοὺσ ὁ Ἀριστείδησ, ἀντὶ τῶν πολεμίων τοὺσ φίλουσ ἐξαπατῶντασ. ταῦθ’ οἱ περὶ τὸν Ἰδομενέα λέγουσιν.

ἐν δὲ τῷ ψηφίσματι τοῦ Ἀριστείδου πρεσβευτὴσ οὐκ αὐτόσ, ἀλλὰ Κίμων καὶ Ξάνθιπποσ καὶ Μυρωνίδησ φέρονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 10

(플루타르코스, Ἀριστείδης, chapter 10)

상위

목록

SEARCH

MENU NAVIGATION