헬라어 문장 검색 - Πλυταρ́Αριστιδ́15́

(플루타르코스, Ἀριστείδης, chapter 15)

μετὰ δὲ τὴν ἱππομαχίαν ἀμφότεροι μάχησ ἔσχοντο χρόνον πολύν· ἀμυνομένοισ γὰρ οἱ μάντεισ νίκην προὔφαινον ἐκ τῶν ἱερῶν ὁμοίωσ καὶ τοῖσ Πέρσαισ καὶ τοῖσ Ἕλλησιν, εἰ δ’ ἐπιχειροῖεν, ἧτταν. ἔπειτα Μαρδόνιοσ, ὡσ αὐτῷ μὲν ἡμερῶν ὀλίγων τὰ ἐπιτήδεια περιῆν, οἱ δ’ Ἕλληνεσ ἀεί τινων ἐπιρρεόντων πλείονεσ ἐγίνοντο, δυσανασχετῶν ἔγνω μηκέτι μένειν, ἀλλὰ διαβὰσ ἅμα φάει τὸν Ἀσωπὸν ἐπιθέσθαι τοῖσ Ἕλλησιν ἀπροσδοκήτωσ· καὶ παράγγελμα τοῖσ ἡγεμόσιν ἑσπέρασ ἔδωκε. μεσούσησ δὲ μάλιστα τῆσ νυκτὸσ ἀνὴρ ἵππον ἔχων ἀτρέμα προσεμίγνυε τῷ στρατοπέδῳ τῶν Ἑλλήνων·

ἐντυχὼν δὲ ταῖσ φυλακαῖσ ἐκέλευεν αὐτῷ προσελθεῖν Ἀριστείδην τὸν Ἀθηναῖον. ὑπακούσαντοσ δὲ ταχέωσ ἔφησεν· "εἰμὶ μὲν Ἀλέξανδροσ ὁ Μακεδών, ἥκω δὲ κινδύνων τὸν μέγιστον εὐνοίᾳ τῇ πρὸσ ὑμᾶσ αἰρόμενοσ, ὡσ μὴ τὸ αἰφνίδιον ἐκπλήξειεν ὑμᾶσ χεῖρον ἀγωνίσασθαι. "μαχεῖται γὰρ ὑμῖν Μαρδόνιοσ αὔριον, οὐχ ὑπ’ ἐλπίδοσ χρηστῆσ οὐδὲ θάρσουσ, ἀλλ’ ἀπορίασ τῶν παρόντων, ἐπεὶ καὶ μάντεισ ἐκεῖνον ἀπαισίοισ ἱεροῖσ καὶ λογίοισ χρησμῶν εἴργουσι μάχησ, καὶ τὸν στρατὸν ἔχει δυσθυμία πολλὴ καὶ κατάπληξισ. "ἀλλ’ ἀνάγκη τολμῶντα πειρᾶσθαι τῆσ τύχησ ἢ τὴν ἐσχάτην ὑπομένειν ἀπορίαν καθεζόμενον. ταῦτα φράσασ ὁ Ἀλέξανδροσ ἐδεῖτο τὸν Ἀριστείδην αὐτὸν εἰδέναι καὶ μνημονεύειν, ἑτέρῳ δὲ μὴ κατειπεῖν.

ὁ δ’ οὐ καλῶσ ἔχειν ἔφη ταῦτα Παυσανίαν ἀποκρύψασθαι, ἐκείνῳ γὰρ ἀνακεῖσθαι τὴν ἡγεμονίαν, πρὸσ δὲ τοὺσ ἄλλουσ ἄρρητα πρὸ τῆσ μάχησ ἔδοξεν ἔσεσθαι, νικώσησ δὲ τῆσ Ἑλλάδοσ οὐδένα τὴν Ἀλεξάνδρου προθυμίαν καὶ ἀρετὴν ἀγνοήσειν. λεχθέντων δὲ τούτων ὅ τε βασιλεὺσ τῶν Μακεδόνων ἀπήλαυνεν ὀπίσω πάλιν, ὅ τε Ἀριστείδησ ἀφικόμενοσ ἐπὶ τὴν σκηνὴν τοῦ Παυσανίου διηγεῖτο τοὺσ λόγουσ·

καὶ μετεπέμποντο τοὺσ ἄλλουσ ἡγεμόνασ καὶ παρήγγελλον ἐν κόσμῳ τὸν στρατὸν ἔχειν, ὡσ μάχησ ἐσομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 15

(플루타르코스, Ἀριστείδης, chapter 15)

상위

목록

SEARCH

MENU NAVIGATION