호흡부호 보기
강세부호 보기
장단부호 보기
작은 Iota 보기
모든 부호 보기
τοὺσ δὲ τὰ πέμματα προσέτι τε τοὺσ ποιοῦντασ τοὺσ πλακοῦντασ οἱ πρότερον δημιουργοὺσ ἐκάλουν. Μένανδροσ Ψευδηρακλεῖ· καταμεμφόμενοσ δὲ τοὺσ μαγείρουσ ὡσ ἐπιχειροῦντασ καὶ οἷσ μὴ δεῖ φησιν μάγειρ’, ἀηδήσ μοι δοκεῖσ εἶναι σφόδρα, πόσασ τραπέζασ μέλλομεν ποιεῖν, τρίτον ἤδη μ’ ἐρωτᾷσ, χοιρίδιον ἓν θύομεν, ὀκτὼ ποιήσοντεσ τραπέζασ δ’ ἢ μίαν, τί σοι διαφέρει τοῦτο; παράθεσ σήμερον.
οὐκ ἔστι κανδύλουσ ποεῖν οὐδ’ οἱᾶ σὺ εἰώθασ εἰσ ταὐτὸν καρυκεύειν μέλι, σεμίδαλιν, ᾠά· πάντα γὰρ τἀναντία νῦν ἐστιν ὁ μάγειροσ γὰρ ἐγχύτουσ ποεῖ, πλακοῦντασ ὀπτᾷ, χόνδρον ἕψει καὶ φέρει μετὰ τὸ τάριχοσ, εἶτα θρῖον καὶ βότρυσ· ἡ δημιουργὸσ δ’ ἀντιπαρατεταγμένη κρεᾴδι’ ὀπτᾷ καὶ κίχλασ τραγήματα. ἔπειθ’ ὁ δειπνῶν μὲν τραγηματίζεται, μυρισάμενοσ δὲ καὶ στεφανωσάμενοσ πάλιν δειπνεῖ μελίπηκτα ταῖσ κίχλαισ. ὅτι δὲ ἐκεχώριστο τὰ τῆσ ὑπουργίασ, πεμμάτων μὲν προνοουσῶν τῶν δημιουργῶν, ὀψαρτυτικῆσ δὲ τῶν μαγείρων, Ἀντιφάνησ διεσάφησεν ἐν Χρυσίδι οὕτωσ·
τέτταρεσ δ’ αὐλητρίδεσ ἔχουσι μισθὸν καὶ μάγειροι δώδεκα καὶ δημιουργοὶ μέλιτοσ αἰτοῦσαι σκάφασ. Μένανδροσ Δημιουργῷ· τί τοῦτο, παῖ; διακονικῶσ γὰρ νὴ Δία, προελήλυθασ. β.
ναί· · πλάττομεν γὰρ πλάσματα, τὴν νύκτα τ’ ἠγρυπνήκαμεν καὶ νῦν ἔτι ἀποίητα πάμπολλ’ ἐστὶν ἡμῖν. προτέρου Στησιχόρου ἢ Ἰβύκου ἐν τοῖσ Ἄθλοισ ἐπιγραφομένοισ εἰρηκότοσ φέρεσθαι τῇ παρθένῳ δῶρα σασαμίδασ χόνδρον τε καὶ ἐγκρίδασ, ἄλλα τε πέμματα καὶ μέλι χλωρόν. ὅτι δὲ τὸ ποίημα τοῦτο Στησιχόρου ἐστὶν ἱκανώτατοσ μάρτυσ Σιμωνίδησ ὁ ποιητήσ, ὃσ περὶ τοῦ Μελεάγρου τὸν λόγον ποιούμενόσ φησιν ὃσ δουρὶ πάντασ νίκασε νέουσ δινάεντα βαλὼν Ἄναυρον ὕπερ πολυβότρυοσ ἐξ Ιὠλκοῦ· οὕτω γὰρ Ὅμηροσ ἠδὲ Στασίχοροσ ἀείσε λαοῖσ.
ὁ γὰρ Στησίχοροσ οὕτωσ εἴρηκεν ἐν τῷ προκειμένῳ ᾄσματι τοῖσ Ἄθλοισ·
θρῴσκων μὲν γὰρ Ἀμφιάραοσ, ἄκοντι δὲ νίκασεν Μελέαγροσ.
호흡부호 보기
강세부호 보기
장단부호 보기
작은 Iota 보기
모든 부호 보기