헬라어 문장 검색 - Αρριαν́Αναβασί1́15́

(아리아노스, Anabasis, book 1, chapter 14)

Ταῦτα εἰπὼν Παρμενίωνα μὲν ἐπὶ τὸ εὐώνυμον κέρασ πέμπει ἡγησόμενον, αὐτὸσ δὲ ἐπὶ τὸ δεξιὸν παρῆγε. προετάχθησαν δὲ αὐτῷ τοῦ μὲν δεξιοῦ Φιλώτασ ὁ Παρμενίωνοσ, ἔχων τοὺσ ἑταίρουσ τοὺσ ἱππέασ καὶ τοὺσ τοξότασ καὶ τοὺσ Ἀγριᾶνασ τοὺσ ἀκοντιστάσ· Ἀμύντασ δὲ ὁ Ἀρραβαίου τούσ τε σαρισσοφόρουσ ἱππέασ ἔχων Φιλώτᾳ ἐπετάχθη καὶ τοὺσ Παίονασ καὶ τὴν ἴλην τὴν Σωκράτουσ. ἐχόμενοι δὲ τούτων ἐτάχθησαν οἱ ὑπασπισταὶ τῶν ἑταίρων, ὧν ἡγεῖτο Νικάνωρ ὁ Παρμενίωνοσ·

ἐπὶ δὲ τούτοισ ἡ Περδίκκου τοῦ Ὀρόντου φάλαγξ· ἐπὶ δὲ ἡ Κοίνου τοῦ Πολεμοκράτουσ· [ἐπὶ δὲ ἡ Κρατεροῦ τοῦ Ἀλεξάνδρου· ] ἐπὶ δὲ ἡ Ἀμύντου τοῦ Ἀνδρομένουσ· ἐπὶ δὲ ὧν Φίλιπποσ ὁ Ἀμύντου ἦρχε. τοῦ δὲ εὐωνύμου πρῶτοι μὲν οἱ Θετταλοὶ ἱππεῖσ ἐτάχθησαν, ὧν ἡγεῖτο Κάλασ ὁ Ἁρπάλου·

ἐπὶ δὲ τούτοισ οἱ ξύμμαχοι ἱππεῖσ, ὧν ἦρχε Φίλιπποσ ὁ Μενελάου· ἐπὶ δὲ τούτοισ οἱ Θρᾷκεσ, ὧν ἦρχεν Ἀγάθων· ἐχόμενοι δὲ τούτων πεζοὶ ἥ τε Κρατεροῦ φάλαγξ καὶ ἡ Μελεάγρου καὶ ἡ Φιλίππου ἔστε ἐπὶ τὸ μέσον τῆσ ξυμπάσησ τάξεωσ. Περσῶν δὲ ἱππεῖσ μὲν ἦσαν ἐσ δισμυρίουσ, ξένοι δὲ πεζοὶ μισθοφόροι ὀλίγον ἀποδέοντεσ δισμυρίων·

ἐτάχθησαν δὲ τὴν μὲν ἵππον παρατείναντεσ τῷ ποταμῷ κατὰ τὴν ὄχθην ἐπὶ φάλαγγα μακράν, τοὺσ δὲ πεζοὺσ κατόπιν τῶν ἱππέων· καὶ γὰρ ὑπερδέξια ἦν τὰ ὑπὲρ τὴν ὄχθην χωρία. ᾗ δὲ Ἀλέξανδρον αὐτὸν καθεώρων ‐ δῆλοσ γὰρ ἦν τῶν τε ὅπλων τῇ λαμπρότητι καὶ τῶν ἀμφ̓ αὐτὸν τῇ σὺν ἐκπλήξει θεραπείᾳ ‐ κατὰ τὸ εὐώνυμον [μὲν] σφῶν ἐπέχοντα, ταύτῃ πυκνὰσ ἐπέταξαν τῇ ὄχθῃ τὰσ ἴλασ τῶν ἱππέων. Χρόνον μὲν δὴ ἀμφότερα τὰ στρατεύματα ἐπ̓ ἄκρου τοῦ ποταμοῦ ἐφεστῶτεσ ὑπὸ τοῦ τὸ μέλλον ὀκνεῖν ἡσυχίαν ἦγον καὶ σιγὴ ἦν πολλὴ ἀφ̓ ἑκατέρων.

οἱ γὰρ Πέρσαι προσέμενον τοὺσ Μακεδόνασ, ὁπότε ἐσβήσονται ἐσ τὸν πόρον, ὡσ ἐπικεισόμενοι ἐκβαίνουσιν· Ἀλέξανδροσ δὲ ἀναπηδήσασ ἐπὶ τὸν ἵππον καὶ τοῖσ ἀμφ̓ αὑτὸν ἐγκελευσάμενοσ ἕπεσθαί τε καὶ ἄνδρασ ἀγαθοὺσ γίγνεσθαι, τοὺσ μὲν προδρόμουσ ἱππέασ καὶ μὴν καὶ τοὺσ Παίονασ προεμβαλεῖν ἐσ τὸν ποταμὸν ἔχοντα Ἀμύνταν τὸν Ἀρραβαίου ἔταξε καὶ τῶν πεζῶν μίαν τάξιν, καὶ πρὸ τούτων τὴν Σωκράτουσ ἴλην Πτολεμαῖον τὸν Φιλίππου ἄγοντα, ἣ δὴ καὶ ἐτύγχανε τὴν ἡγεμονίαν τοῦ ἱππικοῦ παντὸσ ἔχουσα[ν] ἐκείνῃ τῇ ἡμέρᾳ·

αὐτὸσ δὲ ἄγων τὸ δεξιὸν κέρασ ὑπὸ σαλπίγγων τε καὶ τῷ Ἐνυαλίῳ ἀλαλάζοντασ ἐμβαίνει ἐσ τὸν πόρον, λοξὴν ἀεὶ παρατείνων τὴν τάξιν, ᾗ παρεῖλκε τὸ ῥεῦμα, ἵνα δὴ μὴ ἐκβαίνοντι αὐτῷ οἱ Πέρσαι κατὰ κέρασ προσπίπτοιεν, ἀλλὰ καὶ αὐτὸσ ὡσ ἀνυστὸν τῇ φάλαγγι προσμίξῃ αὐτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 14

(아리아노스, Anabasis, book 1, chapter 14)

상위

목록

SEARCH

MENU NAVIGATION