헬라어 문장 검색 - Αππιαν́ΤηεΞιϝί4́07́

(아피아노스, The Civil Wars, book 4, chapter 7)

Τὰ μὲν δὴ παρὰ δόξαν τισὶ τῶν προγραφέντων εἴσ τε κίνδυνον καὶ σωτηρίαν γενόμενα, πολλὰ καὶ ἄλλα παραλιπόντι τοιάδε μάλιστα ἦν· γιγνομένων δὲ τούτων ἐν Ῥώμῃ, καὶ τὰ ὑπερόρια πάντα πολέμοισ διὰ τήνδε τὴν στάσιν ἐδονεῖτο·

καὶ τῶν πολέμων οἱ μείζουσ ἦσαν ἀμφί τε Λιβύην Κορνιφικίου πρὸσ Σέξστιον καὶ ἐν Συρίᾳ Κασσίου πρὸσ Δολοβέλλαν καὶ περὶ Σικελίαν Πομπηίου. πάθη τε πολλὰ συνηνέχθη πόλεσιν ἐκ δοριαλωσίασ, ὑπεριδόντι δὲ τῶν ἐλασσόνων τὰ μέγιστα δὴ καὶ δι’ ἀξίωσιν τῶν ἄλλων περιφανέστατα Λαοδικεῦσι καὶ Ταρσεῦσι καὶ Ῥοδίοισ καὶ Παταρεῦσι καὶ Ξανθίοισ. καὶ αὐτῶν ἕκαστα, ὡσ ἐν κεφαλαίῳ συναγαγόντι φράσαι, τοιάδε ἦν. Λιβύησ Ῥωμαῖοι τὴν μὲν ἔτι καλοῦσι παλαιάν, ὅσην Καρχηδονίουσ ἀφείλοντο·

ἣν δὲ Ιὄβασ εἶχεν, ὕστερόν τε ἔλαβον ἐπὶ Γαϊού Καίσαροσ καὶ διὰ τοῦτο νέαν προσαγορεύουσι Λιβύην· εἰή δ’ ἂν τῆσ Νομαδικῆσ. Σέξστιοσ οὖν ὑπὸ Καίσαρι τῆσ νέασ ἡγούμενοσ ᾔτει Κορνιφίκιον ἐκστῆναί οἱ τῆσ παλαιᾶσ, ὡσ Λιβύησ ἁπάσησ ἐν τῇ λήξει τῶν τριῶν ἀνδρῶν Καίσαρι νενεμημένησ. ὁ δὲ οὔτε τὴν λῆξιν ἔφη γιγνώσκειν τῶν τριῶν ἐφ’ ἑαυτῶν πεποιημένων, οὔτε τὴν ἀρχὴν παρὰ τῆσ βουλῆσ λαβὼν ἄλλῳ μεθήσειν χωρὶσ αὐτῆσ· ἐκ μὲν δὴ τούτων ἀλλήλοισ ἐπολέμουν, στρατὸν δὲ εἶχεν ὁ μὲν βαρύν τε καὶ πλείονα, ὁ δὲ Σέξστιοσ κουφότερόν τε καὶ ὀλιγώτερον, ᾧ δὴ καὶ τὰ μεσόγαια τοῦ Κορνιφικίου περιιὼν ἀφίστη καὶ Οὐεντίδιον, στρατηγὸν τοῦ Κορνιφικίου, μετὰ πλειόνων ἐπελθόντα ἀπεμάχετο πολιορκούμενοσ. ἐδῄου δὲ καὶ Λαίλιοσ, ἕτεροσ τοῦ Κορνιφικίου στρατηγόσ, τὴν Σεξστίου Λιβύην καὶ Κίρταν περικαθήμενοσ ἐπολιόρκει. Καὶ πάντεσ ἐπρέσβευον περὶ συμμαχίασ ἔσ τε Ἀραβίωνα βασιλέα καὶ τοὺσ καλουμένουσ Σιττιανούσ, οἳ ἀπὸ τοιᾶσδε συντυχίασ οὕτωσ ὠνομάζοντο.

προσέθεντο δὲ καὶ οἱ Σιττιανοί, κατ’ εὔνοιαν οἵδε πατρῴαν τοῦ Καίσαροσ. Σίττιοσ ἐν Ῥώμῃ δίκην ἰδίαν οὐχ ὑποστὰσ ἔφυγε καὶ στρατὸν ἀγείρασ ἔκ τε αὐτῆσ Ἰταλίασ καὶ Ἰβηρίασ ἐσ Λιβύην διέπλευσε καὶ τοῖσ Λιβύων βασιλεῦσι πολεμοῦσιν ἀλλήλοισ ἀνὰ μέροσ συνεμάχει. ἀεὶ δὲ οἷσ προσθοῖτο νικώντων, ὁ Σίττιοσ ἐπὶ ὀνόματοσ ἐγίγνετο, καὶ ὁ στρατὸσ αὐτῷ γεγύμναστο λαμπρῶσ. Γαϊῴ τε Καίσαρι διώκοντι τοὺσ Πομπηιανοὺσ ἐν Λιβύῃ συνεμάχησε, καὶ Σαβόρραν, Ιὄβα στρατηγὸν διώνυμον, ἀνεῖλε καὶ γέρασ τούτων ἔλαβε παρὰ Καίσαροσ τὴν Μασανάσσου γῆν, οὐχ ἅπασαν, ἀλλὰ τὸ κράτιστον αὐτῆσ. Μασανάσσησ δ’ ἦν Ἀραβίωνοσ τοῦδε πατήρ, Ιὄβα σύμμαχοσ, καὶ αὐτοῦ τὴν χώραν ὁ Καῖσαρ τῷδε τῷ Σιττίῳ καὶ Βόκχῳ, Μαυρουσίων βασιλεῖ, δεδώρητο· καὶ τὸ μέροσ ὁ Σίττιοσ τοῖσ ὑπ’ αὐτὸν ἀνδράσιν ἐπιδιεῖλεν. Ἀραβίων δὲ τότε μὲν ἐσ Ἰβηρίαν ἐξέφυγε πρὸσ τοὺσ παῖδασ τοὺσ Πομπηίου, Γαϊού δὲ Καίσαροσ ἀναιρεθέντοσ ἐσ Λιβύην ἐπανῆλθε, καὶ Λιβύων τινὰσ ἀεὶ τῷ νεωτέρῳ Πομπηίῳ πέμπων ἐσ Ἰβηρίαν καὶ γεγυμνασμένουσ ἀπολαμβάνων Βόκχον ἀφῄρητο τὴν. χώραν καὶ Σίττιον ἀνῃρήκει δόλῳ. εὔνουσ δὲ ὢν τοῖσ Πομπηιανοῖσ διὰ τάδε, κατεγίνωσκεν ἀεὶ τῆσ μοίρασ ὡσ ἀτυχούσησ ἀμειλίκτωσ καὶ Σεξστίῳ προσέθετο, εὐμενιζόμενοσ δι’ αὐτοῦ Καίσαρα. Θαρρήσασ οὖν ὁ Σέξστιοσ ἐξῄει τῆσ πολιορκίασ ἐσ μάχην καὶ πεσόντοσ τοῦ Οὐεντιδίου καὶ τοῦ στρατοῦ φεύγοντοσ ὑπ’ ἀναρχίασ, εἵπετο κτείνων τε καὶ ζωγρῶν.

καὶ τάδε μαθὼν ὁ Λαίλιοσ διέλυε τὴν τῆσ Κίρτησ πολιορκίαν καὶ ἐχώρει πρὸσ τὸν Κορνιφίκιον. ὁ δὲ Σέξστιοσ ἐπαιρόμενοσ τοῖσ γεγονόσιν ἐπ’ αὐτὸν ἤδη τὸν Κορνιφίκιον ἐσ Ἰτύκην ᾔει καὶ ἀντεστρατοπέδευε μετὰ πλειόνων ὄντι. Λαίλιον δὲ τοῦ Κορνιφικίου μετὰ τῶν ἱππέων πέμψαντοσ ἔσ τινα κατάσκεψιν, ὁ Σέξστιοσ Ἀραβίωνα ἔπεμψεν ἱππομαχεῖν τῷ Λαιλίῳ κατὰ μέτωπον καὶ αὐτὸσ ᾔει μετὰ τῶν εὐζώνων ἐσ τὰ πλάγια τῆσ ἱππομαχίασ καὶ ἐμβαλὼν ἐθορύβει, μέχρι τὸν Λαίλιον οὐχ ἡσσημένον πω δεῖσαι περὶ τῆσ ἀναχωρήσεωσ, μὴ ἀποκλεισθείη, καὶ λόφον ἐν μέσῳ καταλαβεῖν, Ἀραβίωνα δὲ ἀρτώμενον αὐτοῦ κτεῖναί τε πολλοὺσ καὶ τὸν λόφον περικυκλῶσαι. ὁρῶν δὲ ταῦτα ὁ Κορνιφίκιοσ ἐξῄει τῷ πλέονι στρατῷ, βοηθήσων τῷ Λαιλίῳ· καὶ τοῦδε μὲν ὁ Σέξστιοσ ὄπισθεν γενόμενοσ ἐξήπτετο συντρέχων, καὶ αὐτὸν ἐπιστρεφόμενοσ ὁ Κορνιφίκιοσ ἀπεμάχετο μάλα κακοπαθῶσ. Ὁ δὲ Ἀραβίων ἐν τούτῳ πετροβάταισ ἀνδράσιν ἀνέρπουσι διὰ κρημνῶν ἐσ τὸ στρατόπεδον τοῦ Κορνιφικίου παρέδυ λαθών.

καὶ Ῥώσκιοσ μὲν ὁ φύλαξ, τοῦ χάρακοσ ἁλισκομένου, τῶν ὑπασπιστῶν τινι τὴν σφαγὴν ὑπέσχε καὶ ἀνῃρέθη, ὁ δὲ Κορνιφίκιοσ τῇ μάχῃ κάμνων μετεπήδα πρὸσ Λαίλιον ἐσ τὸν κολωνόν, οὐκ εἰδώσ πω περὶ τοῦ στρατοπέδου· μεταπηδῶντα δ’ αὐτὸν οἱ τοῦ Ἀραβίωνοσ ἱππέεσ ἐπιδραμόντεσ ἔκτειναν. καὶ γιγνόμενα ταῦτα ὁ Λαίλιοσ ἀπὸ τοῦ λόφου καθορῶν ἑαυτὸν διεχρήσατο. τῶν δ’ ἀρχόντων πεσόντων ὁ στρατὸσ κατὰ μέρη διέφυγεν· καὶ ὅσοι τῶν προγεγραμμένων ἦσαν παρὰ τῷ Κορνιφικίῳ, οἱ μὲν ἐσ Σικελίαν διέπλεον, οἱ δ’ ὅπῃ δύναιντο ἕκαστοσ. ὁ δὲ Σέξστιοσ Ἀραβίωνα μὲν καὶ τοὺσ Σιττιανοὺσ ἐδωρεῖτο πολλοῖσ λαφύροισ, τὰσ δὲ πόλεισ τῷ Καίσαρι καθίστατο, συγγινώσκων ἁπάσαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 7

(아피아노스, The Civil Wars, book 4, chapter 7)

상위

목록

SEARCH

MENU NAVIGATION