Plutarch, Dion, chapter 26 3:

ταχὺ δὲ τῆσ φήμησ διαδραμούσησ εἰσ Συρακούσασ Τιμοκράτησ, ὁ τῇ Δίωνοσ γυναικὶ συνοικῶν, Διονυσίου δ’ ἀδελφῇ, τῶν ἀπολελειμμένων ἐν τῇ πόλει φίλων προεστώσ, ἐκπέμπει κατὰ τάχοσ ἄγγελον τῷ Διονυσίῳ γράμματα κομίζοντα περὶ τῆσ Δίωνοσ ἀφίξεωσ. αὐτὸσ δὲ τοῖσ κατὰ τὴν πόλιν προσεῖχε θορύβοισ καὶ κινήμασιν, ἐπηρμένων μὲν πάντων, διὰ δ’ ἀπιστίαν ἔτι καὶ φόβον ἡσυχαζόντων. τῷ δὲ πεμφθέντι γραμματοφόρῳ τύχη τισ συμπίπτει παράλογοσ.