Xenophon, Memorabilia, Ἀπομνημονευμάτων Β, chapter 7 6:

ἆρ’ οὖν, ἔφη, τεχνῖταί εἰσιν οἱ χρήσιμόν τι ποιεῖν ἐπιστάμενοι; μάλιστά γ’, ἔφη. οὐκοῦν χρήσιμά γ’ ἄλφιτα; σφόδρα γε. τί δ’ ἄρτοι; οὐδὲν ἧττον. τί γάρ; ἔφη, ἱμάτιά τε ἀνδρεῖα καὶ γυναικεῖα καὶ χιτωνίσκοι καὶ χλαμύδεσ καὶ ἐξωμίδεσ; σφόδρα γ’, ἔφη, καὶ πάντα ταῦτα χρήσιμα. ἔπειτα, ἔφη, οἱ παρὰ σοὶ τούτων οὐδὲν ἐπίστανται ποιεῖν; πάντα μὲν οὖν, ὡσ ἐγᾦμαι.