헬라어 문장 검색 - ΧενοπήΜεμοραβ́2́04́

(크세노폰, Memorabilia, Ἀπομνημονευμάτων Β, chapter 4)

ἤκουσα δέ ποτε αὐτοῦ καὶ περὶ φίλων διαλεγομένου ἐξ ὧν ἔμοιγε ἐδόκει μάλιστ’ ἄν τισ ὠφελεῖσθαι πρὸσ φίλων κτῆσίν τε καὶ χρείαν. τοῦτο μὲν γὰρ δὴ πολλῶν ἔφη ἀκούειν, ὡσ πάντων κτημάτων κράτιστον ἂν εἰή φίλοσ σαφὴσ καὶ ἀγαθόσ· ἐπιμελομένουσ δὲ παντὸσ μᾶλλον ὁρᾶν ἔφη τοὺσ πολλοὺσ ἢ φίλων κτήσεωσ. καὶ γὰρ οἰκίασ καὶ ἀγροὺσ καὶ ἀνδράποδα καὶ βοσκήματα καὶ σκεύη κτωμένουσ τε ἐπιμελῶσ ὁρᾶν ἔφη καὶ τὰ ὄντα σῴζειν πειρωμένουσ, φίλον δέ, ὃ μέγιστον ἀγαθὸν εἶναί φασιν, ὁρᾶν ἔφη τοὺσ πολλοὺσ οὔτε ὅπωσ κτήσωνται φροντίζοντασ οὔτε ὅπωσ οἱ ὄντεσ αὐτοῖσ σῴζωνται.

ἀλλὰ καὶ καμνόντων φίλων τε καὶ οἰκετῶν ὁρᾶν τινασ ἔφη τοῖσ μὲν οἰκέταισ καὶ ἰατροὺσ εἰσάγοντασ καὶ τἆλλα τὰ πρὸσ ὑγίειαν ἐπιμελῶσ παρασκευάζοντασ, τῶν δὲ φίλων ὀλιγωροῦντασ, ἀποθανόντων τε ἀμφοτέρων ἐπὶ μὲν τοῖσ οἰκέταισ ἀχθομένουσ τε καὶ ζημίαν ἡγουμένουσ, ἐπὶ δὲ τοῖσ φίλοισ οὐδὲν οἰομένουσ ἐλαττοῦσθαι, καὶ τῶν μὲν ἄλλων κτημάτων οὐδὲν ἐῶντασ ἀθεράπευτον οὐδ’ ἀνεπίσκεπτον, τῶν δὲ φίλων ἐπιμελείασ δεομένων ἀμελοῦντασ.

ἔτι δὲ πρὸσ τούτοισ ὁρᾶν ἔφη τοὺσ πολλοὺσ τῶν μὲν ἄλλων κτημάτων, καὶ πάνυ πολλῶν αὐτοῖσ ὄντων, τὸ πλῆθοσ εἰδότασ, τῶν δὲ φίλων, ὀλίγων ὄντων, οὐ μόνον τὸ πλῆθοσ ἀγνοοῦντασ, ἀλλὰ καὶ τοῖσ πυνθανομένοισ τοῦτο καταλέγειν ἐγχειρήσαντασ, οὓσ ἐν τοῖσ φίλοισ ἔθεσαν, πάλιν τούτουσ ἀνατίθεσθαι·

τοσοῦτον αὐτοὺσ τῶν φίλων φροντίζειν. καίτοι πρὸσ ποῖον κτῆμα τῶν ἄλλων παραβαλλόμενοσ φίλοσ ἀγαθὸσ οὐκ ἂν πολλῷ κρείττων φανείη;

ποῖοσ γὰρ ἵπποσ ἢ ποῖον ζεῦγοσ οὕτω χρήσιμον ὥσπερ ὁ χρηστὸσ φίλοσ; ποῖον δὲ ἀνδράποδον οὕτωσ εὔνουν καὶ παραμόνιμον; ἢ ποῖον ἄλλο κτῆμα οὕτω πάγχρηστον; ὁ γὰρ ἀγαθὸσ φίλοσ ἑαυτὸν τάττει πρὸσ πᾶν τὸ ἐλλεῖπον τῷ φίλῳ καὶ τῆσ τῶν ἰδίων κατασκευῆσ καὶ τῶν κοινῶν πράξεων, καί, ἄν τέ τινα εὖ ποιῆσαι δέῃ, συνεπισχύει, ἄν τέ τισ φόβοσ ταράττῃ, συμβοηθεῖ, τὰ μὲν συναναλίσκων, τὰ δὲ συμπράττων, καὶ τὰ μὲν συμπείθων, τὰ δὲ βιαζόμενοσ, καὶ εὖ μὲν πράττοντασ πλεῖστα εὐφραίνων, σφαλλομένουσ δὲ πλεῖστα ἐπανορθῶν.

ἃ δὲ αἵ τε χεῖρεσ ἑκάστῳ ὑπηρετοῦσι καὶ <οἱ> ὀφθαλμοὶ προορῶσι καὶ τὰ ὦτα προακούουσι καὶ οἱ πόδεσ διανύτουσι, τούτων φίλοσ εὐεργετῶν οὐδενὸσ λείπεται·

πολλάκισ ἃ πρὸ αὑτοῦ τισ ἢ οὐκ ἐξειργάσατο ἢ οὐκ εἶδεν ἢ οὐκ ἤκουσεν ἢ οὐ διήνυσε, ταῦτα ὁ φίλοσ πρὸ τοῦ φίλου ἐξήρκεσεν. ἀλλ’ ὅμωσ ἔνιοι δένδρα μὲν πειρῶνται θεραπεύειν τοῦ καρποῦ ἕνεκεν, τοῦ δὲ παμφορωτάτου κτήματοσ, ὃ καλεῖται φίλοσ, ἀργῶσ καὶ ἀνειμένωσ οἱ πλεῖστοι ἐπιμέλονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Β, chapter 4

(크세노폰, Memorabilia, Ἀπομνημονευμάτων Β, chapter 4)

상위

목록

SEARCH

MENU NAVIGATION