헬라어 문장 검색 - ΧενοπήΜεμοραβ́2́09́

(크세노폰, Memorabilia, Ἀπομνημονευμάτων Β, chapter 9)

οἶδα δέ ποτε αὐτὸν καὶ Κρίτωνοσ ἀκούσαντα, ὡσ χαλεπὸν ὁ βίοσ Ἀθήνησιν εἰή ἀνδρὶ βουλομένῳ τὰ ἑαυτοῦ πράττειν. νῦν γάρ, ἔφη, ἐμέ τινεσ εἰσ δίκασ ἄγουσιν, οὐχ ὅτι ἀδικοῦνται ὑπ’ ἐμοῦ, ἀλλ’ ὅτι νομίζουσιν ἥδιον ἄν με ἀργύριον τελέσαι ἢ πράγματα ἔχειν. καὶ ὁ Σωκράτησ, εἰπέ μοι, ἔφη, ὦ Κρίτων, κύνασ δὲ τρέφεισ, ἵνα σοι τοὺσ λύκουσ ἀπὸ τῶν προβάτων ἀπερύκωσι;

καὶ μάλα, ἔφη· μᾶλλον γάρ μοι λυσιτελεῖ τρέφειν ἢ μή. οὐκ ἂν οὖν θρέψαισ καὶ ἄνδρα, ὅστισ ἐθέλοι τε καὶ δύναιτο σοῦ ἀπερύκειν τοὺσ ἐπιχειροῦντασ ἀδικεῖν σε; ἡδέωσ γ’ ἄν, ἔφη, εἰ μὴ φοβοίμην ὅπωσ μὴ ἐπ’ αὐτόν με τράποιτο.

τί δ’; ἔφη, οὐχ ὁρᾷσ ὅτι πολλῷ ἥδιόν ἐστι χαριζόμενον οἱῴ σοὶ ἀνδρὶ ἢ ἀπεχθόμενον ὠφελεῖσθαι; εὖ ἴσθι ὅτι εἰσὶν ἐνθάδε τῶν τοιούτων ἀνδρῶν, οἳ πάνυ ἂν φιλοτιμηθεῖεν φίλῳ σοι χρῆσθαι. καὶ ἐκ τούτων ἀνευρίσκουσιν Ἀρχέδημον, πάνυ μὲν ἱκανὸν εἰπεῖν τε καὶ πρᾶξαι, πένητα δέ·

οὐ γὰρ ἦν οἱο͂σ ἀπὸ παντὸσ κερδαίνειν, ἀλλὰ φιλόχρηστόσ τε καὶ ἔφη ῥᾷστον εἶναι ἀπὸ τῶν συκοφαντῶν λαμβάνειν. τούτῳ οὖν ὁ Κρίτων, ὁπότε συγκομίζοι ἢ σῖτον ἢ ἔλαιον ἢ οἶνον ἢ ἔρια ἤ τι ἄλλο τῶν ἐν ἀγρῷ γιγνομένων χρησίμων πρὸσ τὸν βίον, ἀφελὼν <ἂν> ἔδωκε· καὶ ὁπότε θύοι, ἐκάλει, καὶ τὰ τοιαῦτα πάντα ἐπεμελεῖτο. νομίσασ δὲ ὁ Ἀρχέδημοσ ἀποστροφήν οἱ τὸν Κρίτωνοσ οἶκον μάλα περιεῖπεν αὐτόν.

καὶ εὐθὺσ τῶν συκοφαντούντων τὸν Κρίτωνα ἀνευρίσκει πολλὰ μὲν ἀδικήματα, πολλοὺσ δ’ ἐχθρούσ· καὶ προσεκαλέσατο εἰσ δίκην δημοσίαν, ἐν ᾗ αὐτὸν ἔδει κριθῆναι ὅ τι δεῖ παθεῖν ἢ ἀποτεῖσαι. ὁ δὲ συνειδὼσ αὑτῷ πολλὰ καὶ πονηρὰ πάντ’ ἐποίει ὥστε ἀπαλλαγῆναι τοῦ Ἀρχεδήμου.

ὁ δὲ Ἀρχέδημοσ οὐκ ἀπηλλάττετο, ἑώσ τόν τε Κρίτωνα ἀφῆκε καὶ αὐτῷ χρήματα ἔδωκεν. ἐπεὶ δὲ τοῦτό τε καὶ ἄλλα τοιαῦτα ὁ Ἀρχέδημοσ διεπράξατο, ἤδη τότε, ὥσπερ ὅταν νομεὺσ ἀγαθὸν κύνα ἔχῃ καὶ οἱ ἄλλοι νομεῖσ βούλονται πλησίον αὐτοῦ τὰσ ἀγέλασ ἱστάναι, ἵνα τοῦ κυνὸσ ἀπολαύωσιν, οὕτω δὴ καὶ Κρίτωνοσ πολλοὶ τῶν φίλων ἐδέοντο καὶ σφίσι παρέχειν φύλακα τὸν Ἀρχέδημον.

ὁ δὲ Ἀρχέδημοσ τῷ Κρίτωνι ἡδέωσ ἐχαρίζετο, καὶ οὐχ ὅτι μόνοσ ὁ Κρίτων ἐν ἡσυχίᾳ ἦν, ἀλλὰ καὶ οἱ φίλοι αὐτοῦ.

εἰ δέ τισ αὐτῷ τούτων οἷσ ἀπήχθετο ὀνειδίζοι ὡσ ὑπὸ Κρίτωνοσ ὠφελούμενοσ κολακεύοι αὐτόν, πότερον οὖν, ἔφη ὁ Ἀρχέδημοσ, αἰσχρόν ἐστιν εὐεργετούμενον ὑπὸ χρηστῶν ἀνθρώπων καὶ ἀντευεργετοῦντα τοὺσ μὲν τοιούτουσ φίλουσ ποιεῖσθαι, τοῖσ δὲ πονηροῖσ διαφέρεσθαι, ἢ τοὺσ μὲν καλοὺσ κἀγαθοὺσ ἀδικεῖν πειρώμενον ἐχθροὺσ ποιεῖσθαι, τοῖσ δὲ πονηροῖσ συνεργοῦντα πειρᾶσθαι φίλουσ ποιεῖσθαι καὶ χρῆσθαι τούτοισ ἀντ’ ἐκείνων; ἐκ δὲ τούτου εἷσ τε τῶν Κρίτωνοσ φίλων Ἀρχέδημοσ ἦν καὶ ὑπὸ τῶν ἄλλων Κρίτωνοσ φίλων ἐτιμᾶτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Β, chapter 9

(크세노폰, Memorabilia, Ἀπομνημονευμάτων Β, chapter 9)

상위

목록

SEARCH

MENU NAVIGATION