헬라어 문장 검색 - ΧενοπήΜεμοραβ́2́10́

(크세노폰, Memorabilia, Ἀπομνημονευμάτων Β, chapter 10)

οἶδα δὲ καὶ Διοδώρῳ αὐτὸν ἑταίρῳ ὄντι τοιάδε διαλεχθέντα· εἰπέ μοι, ἔφη, ὦ Διόδωρε, ἄν τίσ σοι τῶν οἰκετῶν ἀποδρᾷ, ἐπιμελῇ, ὅπωσ ἀνασώσῃ; καὶ ἄλλουσ γε νὴ Δί’, ἔφη, παρακαλῶ, σῶστρα τούτου ἀνακηρύττων.

τί γάρ; ἔφη, ἐάν τίσ σοι κάμνῃ τῶν οἰκετῶν, τούτου ἐπιμελῇ καὶ παρακαλεῖσ ἰατρούσ, ὅπωσ μὴ ἀποθάνῃ; σφόδρα γ’, ἔφη. εἰ δέ τίσ σοι τῶν γνωρίμων, ἔφη, πολὺ τῶν οἰκετῶν χρησιμώτεροσ ὢν κινδυνεύει δι’ ἔνδειαν ἀπολέσθαι, οὐκ οἰεί σοι ἄξιον εἶναι ἐπιμεληθῆναι ὅπωσ διασωθῇ; καὶ μὴν οἶσθά γε ὅτι οὐκ ἀγνώμων ἐστὶν Ἑρμογένησ, αἰσχύνοιτο δ’ ἄν, εἰ ὠφελούμενοσ ὑπὸ σοῦ μὴ ἀντωφελοίη σε·

καίτοι τὸ ὑπηρέτην ἑκόντα τε καὶ εὔνουν καὶ παραμόνιμον καὶ τὸ κελευόμενον ἱκανὸν ποιεῖν ἔχειν, καὶ μὴ μόνον τὸ κελευόμενον ἱκανὸν ὄντα ποιεῖν, ἀλλὰ δυνάμενον καὶ ἀφ’ ἑαυτοῦ χρήσιμον εἶναι καὶ προνοεῖν καὶ προβουλεύεσθαι πολλῶν οἰκετῶν οἶμαι ἀντάξιον εἶναι. οἱ μέντοι ἀγαθοὶ οἰκονόμοι, ὅταν τὸ πολλοῦ ἄξιον μικροῦ ἐξῇ πρίασθαι, τότε φασὶ δεῖν ὠνεῖσθαι·

νῦν δὲ διὰ τὰ πράγματα εὐωνοτάτουσ ἔστι φίλουσ ἀγαθοὺσ κτήσασθαι. καὶ ὁ Διόδωροσ, ἀλλὰ καλῶσ γε, ἔφη, λέγεισ, ὦ Σώκρατεσ, καὶ κέλευσον ἐλθεῖν ὡσ ἐμὲ τὸν Ἑρμογένην.

μὰ Δί’, ἔφη, οὐκ ἔγωγε· νομίζω γὰρ οὔτε σοὶ κάλλιον εἶναι τὸ καλέσαι ἐκεῖνον τοῦ αὐτὸν ἐλθεῖν πρὸσ ἐκεῖνον οὔτ’ ἐκείνῳ μεῖζον ἀγαθὸν τὸ πραχθῆναι ταῦτα ἢ σοί. οὕτω δὴ ὁ Διόδωροσ ᾤχετο πρὸσ τὸν Ἑρμογένην·

καὶ οὐ πολὺ τελέσασ ἐκτήσατο φίλον, ὃσ ἔργον εἶχε σκοπεῖν ὅ τι ἂν ἢ λέγων ἢ πράττων ὠφελοίη τε καὶ εὐφραίνοι Διόδωρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Β, chapter 10

(크세노폰, Memorabilia, Ἀπομνημονευμάτων Β, chapter 10)

상위

목록

SEARCH

MENU NAVIGATION