헬라어 문장 검색 - ΧενοπήΜεμοραβ́2́08́

(크세노폰, Memorabilia, Ἀπομνημονευμάτων Β, chapter 8)

ἄλλον δέ ποτε ἀρχαῖον ἑταῖρον διὰ χρόνου ἰδών, πόθεν, ἔφη, Εὔθηρε, φαίνῃ; ὑπὸ μὲν τὴν κατάλυσιν τοῦ πολέμου, ἔφη, ὦ Σώκρατεσ, ἐκ τῆσ ἀποδημίασ, νυνὶ μέντοι αὐτόθεν. ἐπειδὴ γὰρ ἀφῃρέθημεν τὰ ἐν τῇ ὑπερορίᾳ κτήματα, ἐν δὲ τῇ Ἀττικῇ ὁ πατήρ μοι οὐδὲν κατέλιπεν, ἀναγκάζομαι νῦν ἐπιδημήσασ τῷ σώματι ἐργαζόμενοσ τὰ ἐπιτήδεια πορίζεσθαι. δοκεῖ δέ μοι τοῦτο κρεῖττον εἶναι ἢ δεῖσθαί τινοσ ἀνθρώπων, ἄλλωσ τε καὶ μηδὲν ἔχοντα ἐφ’ ὅτῳ ἂν δανειζοίμην. καὶ πόσον χρόνον οἰεί σοι, ἔφη, τὸ σῶμα ἱκανὸν εἶναι μισθοῦ τὰ ἐπιτήδεια ἐργάζεσθαι;

μὰ τὸν Δί’, ἔφη, οὐ πολὺν χρόνον. καὶ μήν, ἔφη, ὅταν γε πρεσβύτεροσ γένῃ, δῆλον ὅτι δαπάνησ μὲν δεήσῃ, μισθὸν δὲ οὐδείσ σοι θελήσει τῶν τοῦ σώματοσ ἔργων διδόναι. ἀληθῆ λέγεισ, ἔφη.

οὐκοῦν, ἔφη, κρεῖττόν ἐστιν αὐτόθεν τοῖσ τοιούτοισ τῶν ἔργων ἐπιτίθεσθαι, ἃ καὶ πρεσβυτέρῳ γενομένῳ ἐπαρκέσει, καὶ προσελθόντα τῳ τῶν πλείω χρήματα κεκτημένων, τῷ δεομένῳ τοῦ συνεπιμελησομένου, ἔργων τε ἐπιστατοῦντα καὶ συγκομίζοντα τοὺσ καρποὺσ καὶ συμφυλάττοντα τὴν οὐσίαν, ὠφελοῦντα ἀντωφελεῖσθαι. χαλεπῶσ ἄν, ἔφη, ἐγώ, ὦ Σώκρατεσ, δουλείαν ὑπομείναιμι.

καὶ μὴν οἵ γε ἐν ταῖσ πόλεσι προστατεύοντεσ καὶ τῶν δημοσίων ἐπιμελούμενοι οὐ δουλοπρεπέστεροι ἕνεκα τούτου, ἀλλ’ ἐλευθεριώτεροι νομίζονται. ὅλωσ, ἔφη, ὦ Σώκρατεσ, τὸ ὑπαίτιον εἶναί τινι οὐ πάνυ προσίεμαι.

καὶ μήν, ἔφη, Εὔθηρε, οὐ πάνυ γε ῥᾴδιόν ἐστιν εὑρεῖν ἔργον ἐφ’ ᾧ οὐκ ἄν τισ αἰτίαν ἔχοι. χαλεπὸν γὰρ οὕτω τι ποιῆσαι ὥστε μηδὲν ἁμαρτεῖν, χαλεπὸν δὲ καὶ ἀναμαρτήτωσ τι ποιήσαντα μὴ ἀγνώμονι κριτῇ περιτυχεῖν· ἐπεὶ καὶ οἷσ νῦν ἐργάζεσθαι φῂσ θαυμάζω εἰ ῥᾴδιόν ἐστιν ἀνέγκλητον διαγίγνεσθαι. χρὴ οὖν πειρᾶσθαι τοὺσ φιλαιτίουσ φεύγειν καὶ τοὺσ εὐγνώμονασ διώκειν, καὶ τῶν πραγμάτων ὅσα μὲν δύνασαι ποιεῖν ὑπομένειν, ὅσα δὲ μὴ δύνασαι φυλάττεσθαι, ὅ τι δ’ ἂν πράττῃσ, τούτου ὡσ κάλλιστα καὶ προθυμότατα ἐπιμελεῖσθαι.

οὕτω γὰρ ἥκιστ’ ἂν μέν σε οἶμαι ἐν αἰτίᾳ εἶναι, μάλιστα δὲ τῇ ἀπορίᾳ βοήθειαν εὑρεῖν, ῥᾷστα δὲ καὶ ἀκινδυνότατα ζῆν καὶ εἰσ τὸ γῆρασ διαρκέστατα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Β, chapter 8

(크세노폰, Memorabilia, Ἀπομνημονευμάτων Β, chapter 8)

상위

목록

SEARCH

MENU NAVIGATION