Xenophon, Memorabilia, Ἀπομνημονευμάτων Β, chapter 2 13:

ναὶ μὰ Δί’ ἔγωγε, ἔφη. οὐκοῦν, ἔφη ὁ Σωκράτησ, καὶ τῷ γείτονι βούλῃ σὺ ἀρέσκειν, ἵνα σοι καὶ πῦρ ἐναύῃ, ὅταν τούτου δέῃ, καὶ ἀγαθοῦ τέ σοι γίγνηται συλλήπτωρ καί, ἄν τι σφαλλόμενοσ τύχῃσ, εὐνοϊκῶσ ἐγγύθεν βοηθῇ σοι; ἔγωγε, ἔφη. τί δέ; συνοδοιπόρον ἢ σύμπλουν, ἢ εἴ τῳ ἄλλῳ ἐντυγχάνοισ, οὐδὲν ἄν σοι διαφέροι φίλον ἢ ἐχθρὸν γενέσθαι, ἢ καὶ τῆσ παρὰ τούτων εὐνοίασ οἰεί δεῖν ἐπιμελεῖσθαι;