헬라어 문장 검색 - ΠολψβίΗιστορί03́116́

(폴리비오스, Histories, book 3, chapter 116)

πεπτωκότασ ἐποιοῦντο τὴν μάχην· Λεύκιοσ δὲ καίπερ ὢν ἐξ ἀρχῆσ ἐπὶ τοῦ δεξιοῦ κέρατοσ καὶ μετασχὼν ἐπί τι τοῦ τῶν ἱππέων ἀγῶνοσ ὅμωσ ἔτι τότε διεσῴζετο. παριππεύων ἐπὶ τὰ μέσα τῆσ ὅλησ παρατάξεωσ ἅμα μὲν αὐτὸσ συνεπλέκετο καὶ προσέφερε τὰσ χεῖρασ τοῖσ ὑπεναντίοισ, ἅμα δὲ παρεκάλει καὶ παρώξυνε τοὺσ παρ’ αὑτοῦ στρατιώτασ.

τὸ δὲ παραπλήσιον Ἀννίβασ ἐποίει·

καὶ γὰρ οὗτοσ ἐξ ἀρχῆσ ἐπὶ τούτοισ τοῖσ μέρεσιν ἐπέστη τῆσ δυνάμεωσ. οἱ δὲ Νομάδεσ ἀπὸ τοῦ δεξιοῦ κέρατοσ προσπίπτοντεσ τοῖσ ὑπεναντίοισ ἱππεῦσι τοῖσ ἐπὶ τῶν εὐωνύμων τεταγμένοισ μέγα μὲν οὔτ’ ἐποίουν οὐδὲν οὔτ’ ἔπασχον διὰ τὴν ἰδιότητα τῆσ μάχησ, ἀπράκτουσ γε μὴν τοὺσ πολεμίουσ παρεσκεύαζον, περισπῶντεσ καὶ πανταχόθεν προσπίπτοντεσ.

ἐπεὶ δ’ οἱ περὶ τὸν Ἀσδρούβαν ἀποκτείναντεσ τοὺσ περὶ τὸν ποταμὸν ἱππεῖσ πλὴν παντελῶσ ὀλίγων παρεβοήθησαν ἀπὸ τῶν εὐωνύμων τοῖσ Νομάσιν, τότε προϊδόμενοι τὴν ἔφοδον αὐτῶν οἱ σύμμαχοι τῶν Ῥωμαίων ἱππεῖσ ἐκκλίναντεσ ἀπεχώρουν.

ἐν ᾧ καιρῷ πραγματικὸν δοκεῖ ποιῆσαι καὶ φρόνιμον ἔργον Ἀσδρούβασ·

θεωρῶν γὰρ τοὺσ Νομάδασ τῷ τε πλήθει πολλοὺσ ὄντασ καὶ πρακτικωτάτουσ καὶ φοβερωτάτουσ τοῖσ ἅπαξ ἐγκλίνασιν, τοὺσ μὲν φεύγοντασ παρέδωκε τοῖσ Νομάσιν, πρὸσ δὲ τὴν τῶν πεζῶν μάχην ἡγεῖτο, σπεύδων παραβοηθῆσαι τοῖσ Λίβυσι. προσπεσὼν δὲ τοῖσ Ῥωμαϊκοῖσ στρατοπέδοισ κατὰ νώτου καὶ ποιούμενοσ ἐκ διαδοχῆσ ταῖσ ἴλαισ ἐμβολὰσ ἅμα κατὰ πολλοὺσ τόπουσ ἐπέρρωσε μὲν τοὺσ Λίβυασ, ἐταπείνωσε δὲ καὶ κατέπληξε ταῖσ ψυχαῖσ τοὺσ Ῥωμαίουσ.

ἐν ᾧ καιρῷ καὶ Λεύκιοσ Αἰμίλιοσ περιπεσὼν βιαίοισ πληγαῖσ ἐν χειρῶν νόμῳ μετήλλαξε τὸν βίον, ἀνὴρ πάντα τὰ δίκαια τῇ πατρίδι κατὰ τὸν λοιπὸν βίον καὶ κατὰ τὸν ἔσχατον καιρόν, εἰ καί τισ ἕτεροσ, ποιήσασ.

οἱ δὲ Ῥωμαῖοι μέχρι μὲν ἐμάχοντο κατὰ τὰσ ἐπιφανείασ στρεφόμενοι πρὸσ τοὺσ κεκυκλωκότασ, ἀντεῖχον·

ἀεὶ δὲ τῶν πέριξ ἀπολλυμένων, καὶ κατὰ βραχὺ συγκλειόμενοι, τέλοσ αὐτοῦ πάντεσ, ἐν οἷσ καὶ Μάρκοσ καὶ Γνάιοσ, ἔπεσον, οἱ τὸ πρότερον ἔτοσ ὕπατοι γεγονότεσ, ἄνδρεσ ἀγαθοὶ καὶ τῆσ Ῥώμησ ἄξιοι γενόμενοι κατὰ τὸν κίνδυνον.

κατὰ δὲ τὸν τούτων φόνον καὶ τὴν συμπλοκὴν οἱ Νομάδεσ ἑπόμενοι τοῖσ φεύγουσι τῶν ἱππέων τοὺσ μὲν πλείστουσ ἀπέκτειναν, τοὺσ δὲ κατεκρήμνισαν ἀπὸ τῶν ἵππων.

ὀλίγοι δέ τινεσ εἰσ Οὐενουσίαν διέφυγον, ἐν οἷσ ἦν καὶ Γάιοσ Τερέντιοσ ὁ τῶν Ῥωμαίων στρατηγόσ, ἀνὴρ αἰσχρὰν μὲν τὴν ψυχὴν ἀλυσιτελῆ δὲ τὴν ἀρχὴν τὴν αὑτοῦ τῇ πατρίδι πεποιημένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 116

(폴리비오스, Histories, book 3, chapter 116)

상위

목록

SEARCH

MENU NAVIGATION