Polybius, Histories, book 3, chapter 90

(폴리비오스, Histories, book 3, chapter 90)

καὶ χειρῶν πλῆθοσ. διόπερ κατὰ τοὺσ ἑξῆσ χρόνουσ ἀντιπαρῆγεν τοῖσ πολεμίοισ ἀεὶ καὶ τοὺσ εὐκαίρουσ προκατελάμβανε τόπουσ κατὰ τὴν ἐμπειρίαν. ἔχων δὲ κατὰ νώτου τὰσ χορηγίασ ἀφθόνουσ οὐδέποτε τοὺσ στρατιώτασ ἠφίει προνομεύειν οὐδὲ χωρίζεσθαι καθάπαξ ἐκ τοῦ χάρακοσ, ἅθρουσ δ’ ἀεὶ καὶ συνεστραμμένουσ τηρῶν ἐφήδρευε τοῖσ τόποισ καὶ καιροῖσ.

καὶ πολλοὺσ τῶν πολεμίων ἀποσπωμένουσ ἀπὸ τῆσ ἰδίασ παρεμβολῆσ ἐπὶ τὰσ προνομὰσ διὰ τὸ καταφρονεῖν ὑποχειρίουσ ἐλάμβανε καὶ κατέφθειρε τῷ τοιούτῳ τρόπῳ.

ταῦτα δ’ ἐποίει, βουλόμενοσ ἅμα μὲν ἀφ’ ὡρισμένου πλήθουσ ἐλαττοῦν ἀεὶ τοὺσ ὑπεναντίουσ, ἅμα δὲ τὰσ τῶν ἰδίων δυνάμεων ψυχὰσ προηττημένασ τοῖσ ὅλοισ διὰ τῶν κατὰ μέροσ προτερημάτων κατὰ βραχὺ σωματοποιεῖν καὶ προσαναλαμβάνειν.

εἰσ ὁλοσχερῆ δὲ κρίσιν ἐξ ὁμολόγου συγκαταβαίνειν οὐδαμῶσ οἱο͂́σ τ’ ἦν.

οὐ μὴν Μάρκῳ γε τῷ συνάρχοντι τούτων οὐδὲν ἤρεσκεν.

σύμψηφον δὲ τοῖσ ὄχλοισ ποιῶν αὑτὸν τὸν μὲν Φάβιον κατελάλει πρὸσ πάντασ, ὡσ ἀγεννῶσ χρώμενον τοῖσ πράγμασιν καὶ νωθρῶσ, αὐτὸσ δὲ πρόθυμοσ ἦν παραβάλλεσθαι καὶ διακινδυνεύειν. Οἱ δὲ Καρχηδόνιοι καταφθείραντεσ τοὺσ προειρημένουσ τόπουσ ὑπερέβαλον τὸν Ἀπεννῖνον καὶ κατάραντεσ εἰσ τὴν Σαυνῖτιν χώραν, οὖσαν εὐδαίμονα καὶ πολλῶν χρόνων ἀπολέμητον, ἐν τοιαύτῃ περιουσίᾳ τῶν ἐπιτηδείων ἦσαν ὥστε μήτε χρωμένουσ μήτε καταφθείροντασ ἀνύειν δύνασθαι τὰσ λείασ.

κατέδραμον δὲ καὶ τὴν Οὐενοαντανήν, Ῥωμαίων ἀποικίαν ὑπάρχουσαν· εἷλον δὲ καὶ πόλιν Οὐενουσίαν, ἀτείχιστον οὖσαν καὶ πολλῆσ καὶ παντοδαπῆσ ἀποσκευῆσ γέμουσαν.

οἱ δὲ Ῥωμαῖοι κατόπιν μὲν εἵποντο συνεχῶσ, μιᾶσ καὶ δυεῖν ἡμερῶν ὁδὸν ἀπέχοντεσ, ἐγγίζειν γε μὴν καὶ συμπλέκεσθαι τοῖσ πολεμίοισ οὐχ οἱοῖ́ τ’ ἦσαν.

πεπεισμένοσ δυεῖν θάτερον, ἢ μάχεσθαι τοὺσ πολεμίουσ ἀναγκάσειν ἢ πᾶσι δῆλον ποιήσειν ὅτι κρατεῖ τῶν ὅλων καὶ παραχωροῦσι Ῥωμαῖοι τῶν ὑπαίθρων αὐτοῖσ.

οὗ γενομένου καταπλαγείσασ ἤλπιζε τὰσ πόλεισ ὁρμήσειν πρὸσ τὴν ἀπὸ Ῥωμαίων ἀπόστασιν.

ἑώσ γὰρ τότε δυσὶ μάχαισ ἤδη λελειμμένων αὐτῶν οὐδεμία πόλισ ἀπέστη τῶν κατὰ τὴν Ἰταλίαν πρὸσ Καρχηδονίουσ, ἀλλὰ διετήρουν τὴν πίστιν, καίπερ ἔνιαι πάσχουσαι κακῶσ.

ἐξ ὧν καὶ παρασημήναιτ’ ἄν τισ τὴν κατάπληξιν καὶ καταξίωσιν παρὰ τοῖσ συμμάχοισ τοῦ Ῥωμαίων πολιτεύματοσ.

일치하는 문장이 없습니다.

SEARCH

MENU NAVIGATION