Polybius, Histories, book 3, chapter 65

(폴리비오스, Histories, book 3, chapter 65)

Τῇ δὲ κατὰ πόδασ ἡμέρᾳ προῆγον ἀμφότεροι παρὰ τὸν ποταμὸν ἐκ τοῦ πρὸσ τὰσ Ἄλπεισ μέρουσ, ἔχοντεσ εὐώνυμον μὲν οἱ Ῥωμαῖοι, δεξιὸν δὲ τὸν ῥοῦν οἱ Καρχηδόνιοι. γνόντεσ δὲ τῇ δευτέρᾳ διὰ τῶν προνομευόντων ὅτι σύνεγγύσ εἰσιν ἀλλήλων, τότε μὲν αὐτοῦ καταστρατοπεδεύσαντεσ ἔμειναν.

τῇ δ’ ἐπαύριον πᾶσαν τὴν ἵππον ἀναλαβόντεσ ἀμφότεροι, Πόπλιοσ δὲ καὶ τῶν πεζῶν τοὺσ ἀκοντιστάσ, προῆγον διὰ τοῦ πεδίου, σπεύδοντεσ κατοπτεῦσαι τὰσ ἀλλήλων δυνάμεισ.

ἅμα δὲ τῷ πλησιάζειν αὑτοῖσ καὶ συνιδεῖν τὸν κονιορτὸν ἐξαιρόμενον εὐθέωσ συνετάττοντο πρὸσ μάχην.

ὁ μὲν οὖν Πόπλιοσ προθέμενοσ τοὺσ ἀκοντιστὰσ καὶ τοὺσ ἅμα τούτοισ Γαλατικοὺσ ἱππεῖσ, τοὺσ δὲ λοιποὺσ ἐν μετώπῳ καταστήσασ προῄει βάδην.

ὁ δ’ Ἀννίβασ τὴν μὲν κεχαλινωμένην ἵππον καὶ πᾶν τὸ στάσιμον αὐτῆσ κατὰ πρόσωπον τάξασ ἀπήντα τοῖσ πολεμίοισ, τοὺσ δὲ Νομαδικοὺσ ἱππεῖσ ἀφ’ ἑκατέρου τοῦ κέρατοσ ἡτοιμάκει πρὸσ κύκλωσιν.

ἀμφοτέρων δὲ καὶ τῶν ἡγεμόνων καὶ τῶν ἱππέων φιλοτίμωσ διακειμένων πρὸσ τὸν κίνδυνον, τοιαύτην συνέβη γενέσθαι τὴν πρώτην σύμπτωσιν ὥστε τοὺσ ἀκοντιστὰσ μὴ φθάσαι τὸ πρῶτον ἐκβαλόντασ βέλοσ, φεύγειν δ’ ἐγκλίναντασ εὐθέωσ διὰ τῶν διαστημάτων ὑπὸ τὰσ παρ’ αὑτῶν ἴλασ, καταπλαγέντασ τὴν ἐπιφορὰν καὶ περιδεεῖσ γενομένουσ μὴ συμπατηθῶσιν ὑπὸ τῶν ἐπιφερομένων ἱππέων.

οἱ μὲν οὖν κατὰ πρόσωπον ἀλλήλοισ συμπεσόντεσ ἐπὶ πολὺν χρόνον ἐποίουν ἰσόρροπον τὸν κίνδυνον·

ὁμοῦ γὰρ ἦν ἱππομαχία καὶ πεζομαχία διὰ τὸ πλῆθοσ τῶν παρακαταβαινόντων ἀνδρῶν ἐν αὐτῇ τῇ μάχῃ.

τῶν δὲ Νομάδων κυκλωσάντων καὶ κατόπιν ἐπιπεσόντων, οἱ μὲν πεζακοντισταὶ τὸ πρῶτον διαφυγόντεσ τὴν σύμπτωσιν τῶν ἱππέων τότε συνεπατήθησαν ὑπὸ τοῦ πλήθουσ καὶ τῆσ ἐπιφορᾶσ τῶν Νομάδων·

οἱ δὲ κατὰ πρόσωπον ἐξ ἀρχῆσ διαμαχόμενοι πρὸσ τοὺσ Καρχηδονίουσ, πολλοὺσ μὲν αὑτῶν ἀπολωλεκότεσ, ἔτι δὲ πλείουσ τῶν Καρχηδονίων διεφθαρκότεσ, συνεπιθεμένων ἀπ’ οὐρᾶσ τῶν Νομάδων, ἐτράπησαν, οἱ μὲν πολλοὶ σποράδεσ, τινὲσ δὲ περὶ τὸν ἡγεμόνα συστραφέντεσ.

일치하는 문장이 없습니다.

SEARCH

MENU NAVIGATION