Polybius, Histories, book 3, chapter 60

(폴리비오스, Histories, book 3, chapter 60)

Τὸ μὲν οὖν πλῆθοσ τῆσ δυνάμεωσ, ὅπερ ἔχων Ἀννίβασ ἐνέβαλεν εἰσ Ἰταλίαν, ἤδη δεδηλώκαμεν. μετὰ δὲ τὴν εἰσβολὴν καταστρατοπεδεύσασ ὑπ’ αὐτὴν τὴν παρώρειαν τῶν Ἄλπεων τὰσ μὲν ἀρχὰσ ἀνελάμβανε τὰσ δυνάμεισ.

οὐ γὰρ μόνον ὑπὸ τῶν ἀναβάσεων καὶ καταβάσεων, ἔτι δὲ τραχυτήτων τῶν κατὰ τὰσ ὑπερβολάσ, δεινῶσ τεταλαιπωρήκει τὸ σύμπαν αὐτῷ στρατόπεδον, ἀλλὰ καὶ τῇ τῶν ἐπιτηδείων σπάνει καὶ ταῖσ τῶν σωμάτων ἀθεραπευσίαισ κακῶσ ἀπήλλαττε.

πολλοὶ δὲ καὶ καθυφεῖνθ’ ἑαυτοὺσ ὁλοσχερῶσ διὰ τὴν ἔνδειαν καὶ συνέχειαν τῶν πόνων.

οὔτε γὰρ διακομίζειν εἰσ τοσαύτασ μυριάδασ διὰ τοιούτων τόπων δαψιλῆ τὰ πρὸσ τὴν τροφὴν οἱοῖ́ τ’ ἦσαν, ἅ τε καὶ παρεκόμιζον, ἅμα τῇ τῶν ὑποζυγίων καταφθορᾷ καὶ τούτων τὰ πλεῖστα συναπώλλυτο. διόπερ ὁρμήσασ ἀπὸ τῆσ τοῦ Ῥοδανοῦ διαβάσεωσ, πεζοὺσ μὲν εἰσ ὀκτακισχιλίουσ καὶ τρισμυρίουσ ἔχων ἱππεῖσ δὲ πλείουσ ὀκτακισχιλίων, σχεδόν που τὴν ἡμίσειαν τῆσ δυνάμεωσ, καθάπερ ἐπάνω προεῖπον, ἐν ταῖσ ὑπερβολαῖσ διέφθειρεν.

οἵ γε μὴν σωθέντεσ καὶ ταῖσ ἐπιφανείαισ καὶ τῇ λοιπῇ διαθέσει διὰ τὴν συνέχειαν τῶν προειρημένων πόνων οἱο͂ν ἀποτεθηριωμένοι πάντεσ ἦσαν.

πολλὴν οὖν ποιούμενοσ πρόνοιαν Ἀννίβασ τῆσ ἐπιμελείασ αὐτῶν ἀνεκτᾶτο καὶ τὰσ ψυχὰσ ἅμα καὶ τὰ σώματα τῶν ἀνδρῶν, ὁμοίωσ δὲ καὶ τῶν ἵππων.

μετὰ δὲ ταῦτα, προσανειληφυίασ ἤδη τῆσ δυνάμεωσ, τῶν Ταυρίνων, οἳ τυγχάνουσι πρὸσ τῇ παρωρείᾳ κατοικοῦντεσ, στασιαζόντων μὲν πρὸσ τοὺσ Ἴνσομβρασ ἀπιστούντων δὲ τοῖσ Καρχηδονίοισ, τὸ μὲν πρῶτον αὐτοὺσ εἰσ φιλίαν προυκαλεῖτο καὶ συμμαχίαν·

οὐχ ὑπακουόντων δὲ περιστρατοπεδεύσασ τὴν βαρυτάτην πόλιν ἐν τρισὶν ἡμέραισ ἐξεπολιόρκησεν.

κατασφάξασ δὲ τοὺσ ἐναντιωθέντασ αὐτῷ τοιοῦτον ἐνειργάσατο φόβον τοῖσ σύνεγγυσ κατοικοῦσιν τῶν βαρβάρων ὥστε πάντασ ἐκ χειρὸσ παραγίνεσθαι, διδόντασ αὑτοὺσ εἰσ τὴν πίστιν.

τὸ δὲ λοιπὸν πλῆθοσ τῶν τὰ πεδία κατοικούντων Κελτῶν ἐσπούδαζε μὲν κοινωνεῖν τοῖσ Καρχηδονίοισ τῶν πραγμάτων κατὰ τὴν ἐξ ἀρχῆσ ἐπιβολήν·

παρηλλαχότων δὲ τῶν Ῥωμαϊκῶν στρατοπέδων ἤδη τοὺσ πλείστουσ αὐτῶν καὶ διακεκλεικότων, ἡσυχίαν ἦγον·

τινὲσ δὲ καὶ συστρατεύειν ἠναγκάζοντο τοῖσ Ῥωμαίοισ. εἰσ ἃ βλέπων Ἀννίβασ ἔκρινε μὴ μέλλειν ἀλλὰ προάγειν εἰσ τοὔμπροσθεν καὶ πράττειν τι πρὸσ τὸ θαρρῆσαι τοὺσ βουλομένουσ μετέχειν σφίσι τῶν αὐτῶν ἐλπίδων.

일치하는 문장이 없습니다.

SEARCH

MENU NAVIGATION