헬라어 텍스트

Polybius, Histories, book 3, chapter 42

(폴리비오스, Histories, book 3, chapter 42)

Ἀννίβασ δὲ προσμίξασ τοῖσ περὶ τὸν ποταμὸν τόποισ εὐθέωσ ἐνεχείρει ποιεῖσθαι τὴν διάβασιν κατὰ τὴν ἁπλῆν ῥύσιν, σχεδὸν ἡμερῶν τεττάρων ὁδὸν ἀπέχων στρατοπέδῳ τῆσ θαλάττησ. καὶ φιλοποιησάμενοσ παντὶ τρόπῳ τοὺσ παροικοῦντασ τὸν ποταμὸν ἐξηγόρασε παρ’ αὐτῶν τά τε μονόξυλα πλοῖα πάντα καὶ τοὺσ λέμβουσ, ὄντασ ἱκανοὺσ τῷ πλήθει διὰ τὸ ταῖσ ἐκ τῆσ θαλάττησ ἐμπορίαισ πολλοὺσ χρῆσθαι τῶν παροικούντων τὸν Ῥοδανόν.

ἔτι δὲ τὴν ἁρμόζουσαν ξυλείαν ἐξέλαβε πρὸσ τὴν κατασκευὴν τῶν μονοξύλων·

ἐξ ὧν ἐν δυσὶν ἡμέραισ πλῆθοσ ἀναρίθμητον ἐγένετο πορθμείων, ἑκάστου σπεύδοντοσ μὴ προσδεῖσθαι τοῦ πέλασ, ἐν αὑτῷ δ’ ἔχειν τὰσ τῆσ διαβάσεωσ ἐλπίδασ. κατὰ δὲ τὸν καιρὸν τοῦτον ἐν τῷ πέραν πλῆθοσ ἡθροίσθη βαρβάρων χάριν τοῦ κωλύειν τὴν τῶν Καρχηδονίων διάβασιν.

ἐπιγενομένησ τῆσ τρίτησ νυκτὸσ ἐξαποστέλλει μέροσ τι τῆσ δυνάμεωσ, συστήσασ καθηγεμόνασ ἐγχωρίουσ, ἐπὶ δὲ πάντων Ἄννωνα τὸν Βοαμίλκου τοῦ βασιλέωσ.

οἳ ποιησάμενοι τὴν πορείαν ἀντίοι τῷ ῥεύματι παρὰ τὸν ποταμὸν ἐπὶ διακόσια στάδια, παραγενόμενοι πρόσ τινα τόπον, ἐν ᾧ συνέβαινε περί τι χωρίον νησίζον περισχίζεσθαι τὸν ποταμόν, ἐνταῦθα κατέμειναν.

ἐκ δὲ τῆσ παρακειμένησ ὕλησ τὰ μὲν συμπηγνύντεσ τῶν ξύλων τὰ δὲ συνδεσμεύοντεσ ἐν ὀλίγῳ χρόνῳ πολλὰσ ἡρ́μοσαν σχεδίασ, ἀρκούσασ τῇ χρείᾳ πρὸσ τὸ παρόν·

ἐφ’ αἷσ διεκομίσθησαν ἀσφαλῶσ οὐδενὸσ κωλύοντοσ. καταλαβόμενοι δὲ τόπον ἐχυρὸν ἐκείνην μὲν τὴν ἡμέραν ἔμειναν ἀναπαύοντεσ σφᾶσ ἐκ τῆσ προγεγενημένησ κακοπαθείασ, ἅμα δὲ παρασκευαζόμενοι πρὸσ τὴν ἐπιοῦσαν χρείαν κατὰ τὸ συντεταγμένον.

καὶ μὴν Ἀννίβασ τὸ παραπλήσιον ἐποίει περὶ τὰσ μεθ’ ἑαυτοῦ καταλειφθείσασ δυνάμεισ.

μάλιστα δ’ αὐτῷ παρεῖχε δυσχρηστίαν ἡ τῶν ἐλεφάντων διάβασισ·

οὗτοι δ’ ἦσαν ἑπτὰ καὶ τριάκοντα τὸν ἀριθμόν.