헬라어 문장 검색 - ΠολψβίΗιστορί03́033́

(폴리비오스, Histories, book 3, chapter 33)

Οἱ δὲ παρὰ τῶν Ῥωμαίων πρέσβεισ ‐ τὴν γὰρ παρέκβασιν ἐντεῦθεν ἐποιησάμεθα ‐ διακούσαντεσ τὰ παρὰ τῶν Καρχηδονίων ἄλλο μὲν οὐδὲν εἶπαν, ὁ δὲ πρεσβύτατοσ αὐτῶν δείξασ τοῖσ ἐν τῷ συνεδρίῳ τὸν κόλπον ἐνταῦθα καὶ τὸν πόλεμον αὐτοῖσ ἔφη καὶ τὴν εἰρήνην φέρειν· ἐκβαλὼν οὖν, ὁπότερον ἂν κελεύσωσιν, ἀπολείψειν.

ὁ δὲ βασιλεὺσ τῶν Καρχηδονίων, ὁπότερον αὐτοῖσ φαίνεται, τοῦτ’ ἐκβαλεῖν ἐκέλευσε.

τοῦ δὲ Ῥωμαίου φήσαντοσ τὸν πόλεμον ἐκβαλεῖν, ἀνεφώνησαν ἅμα καὶ πλείουσ τῶν ἐκ τοῦ συνεδρίου, δέχεσθαι φάσκοντεσ.

οἱ μὲν οὖν πρέσβεισ καὶ τὸ συνέδριον ἐπὶ τούτοισ ἐχωρίσθησαν. Ἀννίβασ δὲ παραχειμάζων ἐν Καινῇ πόλει πρῶτον μὲν διαφῆκε τοὺσ Ἴβηρασ ἐπὶ τὰσ ἑαυτῶν πόλεισ, βουλόμενοσ ἑτοίμουσ καὶ προθύμουσ παρασκευάζειν πρὸσ τὸ μέλλον.

δεύτερον δ’ Ἀσδρούβᾳ τἀδελφῷ διέταξε πῶσ δεήσει τῇ τε τῶν Ἰβήρων ἀρχῇ καὶ δυναστείᾳ χρῆσθαι ταῖσ τε πρὸσ Ῥωμαίουσ παρασκευαῖσ, ἐὰν αὐτὸσ χωρίζηταί που.

τρίτον ὑπὲρ τῆσ ἀσφαλείασ τῶν ἐν Λιβύῃ προυνοεῖτο πραγμάτων.

πάνυ δ’ ἐμπείρωσ καὶ φρονίμωσ ἐκλογιζόμενοσ ἐκ μὲν Λιβύησ εἰσ Ἰβηρίαν, ἐκ δ’ Ἰβηρίασ εἰσ Λιβύην διεβίβαζε στρατιώτασ, ἐκδεσμεύων τὴν ἑκατέρων πίστιν εἰσ ἀλλήλουσ διὰ τῆσ τοιαύτησ οἰκονομίασ.

οὓσ κυρίωσ μὲν καλοῦσι σφενδονήτασ, ἀπὸ δὲ τῆσ χρείασ ταύτησ συνωνύμωσ καὶ τὸ ἔθνοσ αὐτῶν προσαγορεύουσι καὶ τὴν νῆσον.

τῶν δὲ προειρημένων τοὺσ μὲν πλείουσ εἰσ τὰ Μεταγώνια τῆσ Λιβύησ, τινὰσ δ’ εἰσ αὐτὴν Καρχηδόνα κατέταξεν.

ἀπὸ δὲ τῶν πόλεων τῶν Μεταγωνιτῶν καλουμένων ἀπέστειλεν ἄλλουσ εἰσ Καρχηδόνα πεζοὺσ τετρακισχιλίουσ, ὁμηρείασ ἔχοντασ καὶ βοηθείασ ἅμα τάξιν.

ἐπὶ δὲ τῆσ Ἰβηρίασ ἀπέλιπεν Ἀσδρούβᾳ τἀδελφῷ πεντήρεισ μὲν πεντήκοντα, τετρήρεισ δὲ δύο καὶ τριήρεισ πέντε·

τούτων ἐχούσασ πληρώματα πεντήρεισ μὲν τριάκοντα δύο, τριήρεισ δὲ πέντε. πεζοὺσ δὲ Λιβύων μυρίουσ χιλίουσ ὀκτακοσίουσ πεντήκοντα, Λιγυστίνουσ τριακοσίουσ, Βαλιαρεῖσ πεντακοσίουσ, ἐλέφαντασ εἴκοσι καὶ ἕνα.

Οὐ χρὴ δὲ θαυμάζειν τὴν ἀκρίβειαν τῆσ ἀναγραφῆσ, εἰ τοιαύτῃ κεχρήμεθα περὶ τῶν ὑπ’ Ἀννίβου κατ’ Ἰβηρίαν πεπραγμένων οἱᾴ μόλισ ἂν χρήσαιτό τισ αὐτὸσ κεχειρικὼσ τὰσ κατὰ μέροσ πράξεισ, οὐδὲ προκαταγινώσκειν, εἰ πεποιήκαμεν παραπλήσιον τοῖσ ἀξιοπίστωσ ψευδομένοισ τῶν συγγραφέων.

ἡμεῖσ γὰρ εὑρόντεσ ἐπὶ Λακινίῳ τὴν γραφὴν ταύτην ἐν χαλκώματι κατατεταγμένην ὑπ’ Ἀννίβου, καθ’ οὓσ καιροὺσ ἐν τοῖσ κατὰ τὴν Ἰταλίαν τόποισ ἀνεστρέφετο, πάντωσ ἐνομίσαμεν αὐτὴν περί γε τῶν τοιούτων ἀξιόπιστον εἶναι·

διὸ καὶ κατακολουθεῖν εἱλόμεθα τῇ γραφῇ ταύτῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 33

(폴리비오스, Histories, book 3, chapter 33)

상위

목록

SEARCH

MENU NAVIGATION