Polybius, Histories, book 3, chapter 16

(폴리비오스, Histories, book 3, chapter 16)

Διὸ καὶ πρὸσ ταύτην ἁρμοζόμενοι τὴν ὑπόθεσιν ἡ σύγκλητοσ ἔκρινεν ἀσφαλίσασθαι τὰ κατὰ τὴν Ἰλλυρίδα πράγματα, προορωμένη διότι μέγασ ἔσται καὶ πολυχρόνιοσ καὶ μακρὰν ἀπὸ τῆσ οἰκείασ ὁ πόλεμοσ. πάσασ δ’ ἔχοντα τὰσ ἐλπίδασ ἐν τῇ Μακεδόνων οἰκίᾳ διὰ τὸ συμπεπολεμηκέναι καὶ μετεσχηκέναι τῶν πρὸσ Κλεομένη κινδύνων Ἀντιγόνῳ, πορθεῖν μὲν καὶ καταστρέφεσθαι τὰσ κατὰ τὴν Ἰλλυρίδα πόλεισ τὰσ ὑπὸ Ῥωμαίουσ ταττομένασ, πεπλευκέναι δ’ ἔξω τοῦ Λίσσου παρὰ τὰσ συνθήκασ πεντήκοντα λέμβοισ καὶ πεπορθηκέναι πολλὰσ τῶν Κυκλάδων νήσων.

εἰσ ἃ βλέποντεσ Ῥωμαῖοι καὶ θεωροῦντεσ ἀνθοῦσαν τὴν Μακεδόνων οἰκίαν ἔσπευδον ἀσφαλίσασθαι τὰ πρὸσ ἑώ τῆσ Ἰταλίασ πεπεισμένοι καταταχήσειν διορθωσάμενοι μὲν τὴν Ἰλλυριῶν ἄγνοιαν, ἐπιτιμήσαντεσ δὲ καὶ κολάσαντεσ τὴν ἀχαριστίαν καὶ προπέτειαν τὴν Δημητρίου.

διεψεύσθησαν δὲ τοῖσ λογισμοῖσ·

κατετάχησε γὰρ αὐτοὺσ Ἀννίβασ, ἐξελὼν τὴν Ζακανθαίων πόλιν. καὶ παρὰ τοῦτο συνέβη τὸν πόλεμον οὐκ ἐν Ἰβηρίᾳ, πρὸσ αὐτῇ δὲ τῇ Ῥώμῃ καὶ κατὰ πᾶσαν γενέσθαι τὴν Ἰταλίαν.

일치하는 문장이 없습니다.

SEARCH

MENU NAVIGATION