Polybius, Histories, book 3, chapter 23

(폴리비오스, Histories, book 3, chapter 23)

Τὸ μὲν οὖν Καλὸν ἀκρωτήριόν ἐστι τὸ προκείμενον αὐτῆσ τῆσ Καρχηδόνοσ ὡσ πρὸσ τὰσ ἄρκτουσ· οὗ καθάπαξ ἐπέκεινα πλεῖν ὡσ πρὸσ μεσημβρίαν οὐκ οἰόνται δεῖν οἱ Καρχηδόνιοι τοὺσ Ῥωμαίουσ μακραῖσ ναυσὶ διὰ τὸ μὴ βούλεσθαι γινώσκειν αὐτούσ, ὡσ ἐμοὶ δοκεῖ, μήτε τοὺσ κατὰ τὴν Βυσσάτιν μήτε τοὺσ κατὰ τὴν μικρὰν Σύρτιν τόπουσ, ἃ δὴ καλοῦσιν Ἐμπόρια, διὰ τὴν ἀρετὴν τῆσ χώρασ.

ἐὰν δέ τισ ὑπὸ χειμῶνοσ ἢ πολεμίων βίᾳ κατενεχθεὶσ δέηταί του τῶν ἀναγκαίων πρὸσ ἱερὰ καὶ πρὸσ ἐπισκευὴν πλοίου, ταῦτα, πάρεξ δὲ μηδὲν οἰόνται δεῖν λαμβάνειν, καὶ κατ’ ἀνάγκην ἐν πένθ’ ἡμέραισ ἀπαλλάττεσθαι τοὺσ καθορμισθέντασ.

εἰσ δὲ Καρχηδόνα καὶ πᾶσαν τὴν ἐπὶ τάδε τοῦ Καλοῦ ἀκρωτηρίου τῆσ Λιβύησ καὶ Σαρδόνα καὶ Σικελίαν, ἧσ ἐπάρχουσι Καρχηδόνιοι, κατ’ ἐμπορίαν πλεῖν Ῥωμαίοισ ἔξεστι, καὶ τὸ δίκαιον ὑπισχνοῦνται βεβαιώσειν οἱ Καρχηδόνιοι δημοσίᾳ πίστει.

ἐκ δὲ τούτων τῶν συνθηκῶν περὶ μὲν Σαρδόνοσ καὶ Λιβύησ ἐμφαίνουσιν ὡσ περὶ ἰδίασ ποιούμενοι τὸν λόγον·

ὑπὲρ δὲ Σικελίασ τἀναντία διαστέλλονται ῥητῶσ, ὑπὲρ αὐτῶν τούτων ποιούμενοι τὰσ συνθήκασ, ὅσα τῆσ Σικελίασ ὑπὸ τὴν Καρχηδονίων πίπτει δυναστείαν. ὁμοίωσ δὲ καὶ Ῥωμαῖοι περὶ τῆσ Λατίνησ αὐτῆσ χώρασ ποιοῦνται τὰσ συνθήκασ, τῆσ δὲ λοιπῆσ Ἰταλίασ οὐ μνημονεύουσι διὰ τὸ μὴ πίπτειν ὑπὸ τὴν αὐτῶν ἐξουσίαν.

일치하는 문장이 없습니다.

SEARCH

MENU NAVIGATION