Polybius, Histories, book 3, chapter 67

(폴리비오스, Histories, book 3, chapter 67)

Οἱ δὲ συστρατευόμενοι Κελτοὶ τοῖσ Ῥωμαίοισ θεωροῦντεσ ἐπικυδεστέρασ τὰσ τῶν Καρχηδονίων ἐλπίδασ, συνταξάμενοι πρὸσ ἀλλήλουσ καιρὸν ἐπετήρουν πρὸσ ἐπίθεσιν, μένοντεσ ἐν ταῖσ ἑαυτῶν ἕκαστοι σκηναῖσ. δειπνοποιησαμένων δὲ καὶ κατακοιμισθέντων τῶν ἐν τῷ χάρακι, παρελθεῖν ἐάσαντεσ τὸ πλεῖον μέροσ τῆσ νυκτὸσ καθωπλισμένοι περὶ τὴν ἑωθινὴν φυλακὴν ἐπιτίθενται τοῖσ σύνεγγυσ τῶν Ῥωμαίων παραστρατοπεδεύουσι.

καὶ πολλοὺσ μὲν αὐτῶν ἀπέκτειναν, οὐκ ὀλίγουσ δὲ κατετραυμάτισαν·

τέλοσ δὲ τὰσ κεφαλὰσ ἀποτεμόντεσ τῶν τεθνεώτων ἀπεχώρουν πρὸσ τοὺσ Καρχηδονίουσ, ὄντεσ πεζοὶ μὲν εἰσ δισχιλίουσ, ἱππεῖσ δὲ μικρῷ λείποντεσ διακοσίων. Ἀννίβασ δὲ φιλοφρόνωσ ἀποδεξάμενοσ αὐτῶν τὴν παρουσίαν, τούτουσ μὲν εὐθέωσ παρακαλέσασ καὶ δωρεὰσ ἑκάστοισ τὰσ ἁρμοζούσασ ἐπαγγειλάμενοσ ἐξέπεμψεν εἰσ τὰσ αὑτῶν πόλεισ, δηλώσοντασ μὲν τὰ πεπραγμένα τοῖσ πολίταισ, παρακαλέσοντασ δὲ πρὸσ τὴν αὑτοῦ συμμαχίαν.

ᾔδει γὰρ ὅτι πάντεσ κατ’ ἀνάγκην αὐτῷ κοινωνήσουσι τῶν πραγμάτων, ἐπιγνόντεσ τὸ γεγονὸσ ἐκ τῶν σφετέρων πολιτῶν παρασπόνδημα κατὰ τῶν Ῥωμαίων.

ἅμα δὲ τούτοισ καὶ τῶν Βοίων παραγεγονότων καὶ τοὺσ τρεῖσ ἄνδρασ ἐγχειριζόντων αὐτῷ τοὺσ ἐπὶ τὴν διάδοσιν τῆσ χώρασ ὑπὸ Ῥωμαίων ἐξαπεσταλμένουσ, ὧν κατ’ ἀρχὰσ ἐκυρίευσαν τοῦ πολέμου παρασπονδήσαντεσ, καθάπερ ἐπάνω προεῖπον, ἀποδεξάμενοσ Ἀννίβασ τὴν εὔνοιαν αὐτῶν ὑπὲρ μὲν τῆσ φιλίασ καὶ συμμαχίασ ἔθετο πρὸσ τοὺσ παρόντασ πίστεισ·

τούσ γε μὴν ἄνδρασ αὐτοῖσ ἀπέδωκε, παραγγείλασ τηρεῖν, ἵνα παρὰ τούτων κομίσωνται τοὺσ αὑτῶν ὁμήρουσ κατὰ τὴν ἐξ ἀρχῆσ πρόθεσιν.

Πόπλιοσ δὲ σχετλιάζων ἐπὶ τῷ γεγονότι παρασπονδήματι καὶ συλλογισάμενοσ ὅτι πάλαι τῶν Κελτῶν πρὸσ αὐτοὺσ ἀλλοτρίωσ διακειμένων, τούτων ἐπιγεγονότων πάντασ τοὺσ πέριξ Γαλάτασ συμβήσεται πρὸσ τοὺσ Καρχηδονίουσ ἀπονεύειν, ἔγνω δεῖν εὐλαβηθῆναι τὸ μέλλον.

일치하는 문장이 없습니다.

SEARCH

MENU NAVIGATION