Polybius, Histories, book 3, chapter 72

(폴리비오스, Histories, book 3, chapter 72)

Ὁ δὲ Τεβέριοσ ἅμα τῷ συνιδεῖν ἐγγίζοντασ τοὺσ Νομαδικοὺσ ἱππεῖσ παραυτίκα μὲν αὐτὴν τὴν ἵππον ἐξαπέστελλε, προστάξασ ἔχεσθαι καὶ συμπλέκεσθαι τοῖσ πολεμίοισ. ἑξῆσ δὲ τούτοισ ἐξέπεμπε τοὺσ πεζακοντιστὰσ εἰσ ἑξακισχιλίουσ·

ἐκίνει δὲ καὶ τὴν λοιπὴν δύναμιν ἐκ τοῦ χάρακοσ, ὡσ ἐξ ἐπιφανείασ κριθησομένων τῶν ὅλων, ἐπαιρόμενοσ τῷ τε πλήθει τῶν ἀνδρῶν καὶ τῷ γεγονότι τῇ προτεραίᾳ περὶ τοὺσ ἱππεῖσ εὐημερήματι. οὔσησ δὲ τῆσ ὡρ́ασ περὶ χειμερινὰσ τροπὰσ καὶ τῆσ ἡμέρασ νιφετώδουσ καὶ ψυχρᾶσ διαφερόντωσ, τῶν δ’ ἀνδρῶν καὶ τῶν ἵππων σχεδὸν ὡσ εἰπεῖν ἁπάντων ἀναρίστων ἐκπεπορευμένων, τὸ μὲν πρῶτον ὁρμῇ καὶ προθυμίᾳ περιῆν τὸ πλῆθοσ·

ἐπιγενομένησ δὲ τῆσ τοῦ Τρεβία ποταμοῦ διαβάσεωσ, καὶ προσαναβεβηκότοσ τῷ ῥεύματι διὰ τὸν ἐν τῇ νυκτὶ γενόμενον ἐν τοῖσ ὑπὲρ τὰ στρατόπεδα τόποισ ὄμβρον, μόλισ ἑώσ τῶν μασθῶν οἱ πεζοὶ βαπτιζόμενοι διέβαινον·

ἐξ ὧν ἐκακοπάθει τὸ στρατόπεδον ὑπό τε τοῦ ψύχουσ καὶ τῆσ ἐνδείασ, ὡσ ἂν ἤδη καὶ τῆσ ἡμέρασ προβαινούσησ.

οἱ δὲ Καρχηδόνιοι κατὰ σκηνὰσ βεβρωκότεσ καὶ πεπωκότεσ καὶ τοὺσ ἵππουσ ἡτοιμακότεσ ἠλείφοντο καὶ καθωπλίζοντο περὶ τὰ πυρὰ πάντεσ.

Ἀννίβασ δὲ τὸν καιρὸν ἐπιτηρῶν ἅμα τῷ συνιδεῖν διαβεβηκότασ τοὺσ Ῥωμαίουσ τὸν ποταμὸν προβαλόμενοσ ἐφεδρείαν τοὺσ λογχοφόρουσ καὶ Βαλιαρεῖσ, ὄντασ εἰσ ὀκτακισχιλίουσ, ἐξῆγε τὴν δύναμιν.

τοὺσ δ’ ἱππεῖσ διελὼν ἐφ’ ἑκάτερον παρέστησε τὸ κέρασ, πλείουσ ὄντασ μυρίων σὺν τοῖσ παρὰ τῶν Κελτῶν συμμάχοισ, τὰ δὲ θηρία μερίσασ πρὸ τῶν κεράτων δι’ ἀμφοτέρων προεβάλετο.

Τεβέριοσ δὲ κατὰ τὸν αὐτὸν καιρὸν τοὺσ μὲν ἱππεῖσ ἀνεκαλεῖτο, θεωρῶν οὐκ ἔχοντασ ὅ,τι χρήσονται τοῖσ ὑπεναντίοισ διὰ τὸ τοὺσ Νομάδασ ἀποχωρεῖν μὲν εὐχερῶσ καὶ σποράδην, ἐπικεῖσθαι δὲ πάλιν ἐκ μεταβολῆσ τολμηρῶσ καὶ θρασέωσ·

τὸ γὰρ τῆσ Νομαδικῆσ μάχησ ἴδιόν ἐστι τοῦτο· τοὺσ δὲ πεζοὺσ παρενέβαλε κατὰ τὰσ εἰθισμένασ παρ’ αὐτοῖσ τάξεισ, ὄντασ τοὺσ μὲν Ῥωμαίουσ εἰσ μυρίουσ ἑξακισχιλίουσ, τοὺσ δὲ συμμάχουσ εἰσ δισμυρίουσ.

τὸ γὰρ τέλειον στρατόπεδον παρ’ αὐτοῖσ πρὸσ τὰσ ὁλοσχερεῖσ ἐπιβολὰσ ἐκ τοσούτων ἀνδρῶν ἐστιν, ὅταν ὁμοῦ τοὺσ ὑπάτουσ ἑκατέρουσ οἱ καιροὶ συνάγωσιν.

일치하는 문장이 없습니다.

SEARCH

MENU NAVIGATION