헬라어 문장 검색 - ΠολψβίΗιστορί03́111́

(폴리비오스, Histories, book 3, chapter 111)

Ἀννίβασ δὲ κατὰ τὸν αὐτὸν καιρὸν θεωρῶν ὅτι καλεῖ τὰ πράγματα μάχεσθαι καὶ συμβάλλειν τοῖσ πολεμίοισ, εὐλαβούμενοσ δὲ μὴ διατέτραπται τὸ πλῆθοσ ἐκ τοῦ προγεγονότοσ ἐλαττώματοσ, κρίνασ προσδεῖσθαι παρακλήσεωσ τὸν καιρὸν συνῆγε τοὺσ πολλούσ. ἁθροισθέντων δέ, περιβλέψαι κελεύσασ πάντασ εἰσ τοὺσ πέριξ τόπουσ, ἤρετο τί μεῖζον εὔξασθαι τοῖσ θεοῖσ κατὰ τοὺσ παρόντασ ἐδύναντο καιρούσ, δοθείσησ αὐτοῖσ ἐξουσίασ, τοῦ παρὰ πολὺ τῶν πολεμίων ἱπποκρατοῦντασ ἐν τοιούτοισ τόποισ διακριθῆναι περὶ τῶν ὅλων.

πάντων δὲ τὸ ῥηθὲν ἐπισημηναμένων διὰ τὴν ἐνάργειαν "1τούτου τοιγαροῦν"2 ἔφη "1πρῶτον μὲν τοῖσ θεοῖσ ἔχετε χάριν·

ἐκεῖνοι γὰρ ἡμῖν συγκατασκευάζοντεσ τὴν νίκην εἰσ τοιούτουσ τόπουσ ἤχασι τοὺσ ἐχθρούσ· δεύτερον δ’ ἡμῖν, ὅτι καὶ μάχεσθαι τοὺσ πολεμίουσ συνηναγκάσαμεν·

οὐ γὰρ ἔτι δύνανται τοῦτο διαφυγεῖν· καὶ μάχεσθαι προφανῶσ ἐν τοῖσ ἡμετέροισ προτερήμασι. τὸ δὲ παρακαλεῖν ὑμᾶσ νῦν διὰ πλειόνων εὐθαρσεῖσ καὶ προθύμουσ εἶναι πρὸσ τὸν κίνδυνον οὐδαμῶσ μοι δοκεῖ καθήκειν.

ὅτε μὲν γὰρ ἀπείρωσ διέκεισθε τῆσ πρὸσ Ῥωμαίουσ μάχησ, ἔδει τοῦτο ποιεῖν, καὶ μεθ’ ὑποδειγμάτων ἐγὼ πρὸσ ὑμᾶσ πολλοὺσ διεθέμην λόγουσ·

ὅτε δὲ κατὰ τὸ συνεχὲσ τρισὶ μάχαισ τηλικαύταισ ἐξ ὁμολογουμένου νενικήκατε Ῥωμαίουσ, ποῖοσ ἂν ἔτι λόγοσ ὑμῖν ἰσχυρότερον παραστήσαι θάρσοσ αὐτῶν τῶν ἔργων;

διὰ μὲν οὖν τῶν πρὸ τοῦ κινδύνων κεκρατήκατε τῆσ χώρασ καὶ τῶν ἐκ ταύτησ ἀγαθῶν κατὰ τὰσ ἡμετέρασ ἐπαγγελίασ, ἀψευστούντων ἡμῶν ἐν πᾶσι τοῖσ πρὸσ ὑμᾶσ εἰρημένοισ·

ὁ δὲ νῦν ἀγὼν ἐνέστηκεν περὶ τῶν πόλεων καὶ τῶν ἐν αὐταῖσ ἀγαθῶν. οὗ κρατήσαντεσ κύριοι μὲν ἔσεσθε παραχρῆμα πάσησ Ἰταλίασ, ἀπαλλαγέντεσ δὲ τῶν νῦν πόνων, γενόμενοι συμπάσησ ἐγκρατεῖσ τῆσ Ῥωμαίων εὐδαιμονίασ, ἡγεμόνεσ ἅμα καὶ δεσπόται πάντων γενήσεσθε διὰ ταύτησ τῆσ μάχησ.

διόπερ οὐκέτι λόγων ἀλλ’ ἔργων ἐστὶν ἡ χρεία·

θεῶν γὰρ βουλομένων ὅσον οὔπω βεβαιώσειν ὑμῖν πέπεισμαι τὰσ ἐπαγγελίασ. "2 ταῦτα δὲ καὶ τούτοισ παραπλήσια διαλεχθείσ, προθύμωσ αὐτὸν ἐπισημαινομένου τοῦ πλήθουσ, ἐπαινέσασ καὶ δεξάμενοσ αὐτῶν τὴν ὁρμὴν ἀφῆκε καὶ παραχρῆμα κατεστρατοπέδευσε, ποιούμενοσ τὸν χάρακα παρὰ τὴν αὐτὴν πλευρὰν τοῦ ποταμοῦ τῇ μείζονι στρατοπεδείᾳ τῶν ὑπεναντίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 111

(폴리비오스, Histories, book 3, chapter 111)

상위

목록

SEARCH

MENU NAVIGATION