헬라어 텍스트

Polybius, Histories, book 3, chapter 110

(폴리비오스, Histories, book 3, chapter 110)

Τῇ δ’ ἐπαύριον ἀναζεύξαντεσ ἦγον τὴν δύναμιν οὗ τοὺσ πολεμίουσ ἤκουον στρατοπεδεύειν. δευτεραῖοι δ’ ἐπιβαλόντεσ παρενέβαλον, περὶ πεντήκοντα σταδίουσ ἀποσχόντεσ τῶν πολεμίων. ὁ μὲν οὖν Λεύκιοσ συνθεασάμενοσ ἐπιπέδουσ καὶ ψιλοὺσ ὄντασ τοὺσ πέριξ τόπουσ οὐκ ἔφη δεῖν συμβάλλειν ἱπποκρατούντων τῶν πολεμίων, ἀλλ’ ἐπισπᾶσθαι καὶ προάγειν μᾶλλον εἰσ τόπουσ τοιούτουσ ἐν οἷσ τὸ πλέον ἔσται διὰ τῶν πεζικῶν στρατοπέδων ἡ μάχη.

τοῦ δὲ Γαί̈ου διὰ τὴν ἀπειρίαν ὑπὲρ τῆσ ἐναντίασ ὑπάρχοντοσ γνώμησ, ἦν ἀμφισβήτησισ καὶ δυσχρηστία περὶ τοὺσ ἡγεμόνασ, ὃ πάντων ἐστὶ σφαλερώτατον.

τῆσ δ’ ἡγεμονίασ τῷ Γαί̈ῳ καθηκούσησ εἰσ τὴν ἐπιοῦσαν ἡμέραν διὰ τὸ παρὰ μίαν ἐκ τῶν ἐθισμῶν μεταλαμβάνειν τὴν ἀρχὴν τοὺσ ὑπάτουσ, ἀναστρατοπεδεύσασ προῆγε, βουλόμενοσ ἐγγίσαι τοῖσ πολεμίοισ, πολλὰ διαμαρτυρομένου καὶ κωλύοντοσ τοῦ Λευκίου.

ὁ δ’ Ἀννίβασ ἀναλαβὼν τοὺσ εὐζώνουσ καὶ τοὺσ ἱππεῖσ ἀπήντα καὶ προσπεσὼν ἔτι κατὰ πορείαν οὖσι παραδόξωσ συνεπλέκετο καὶ πολὺν ἐν αὐτοῖσ ἐποιεῖτο θόρυβον.

οἱ δὲ Ῥωμαῖοι τὴν μὲν πρώτην ἐπιφορὰν ἐδέξαντο, προθέμενοί τινασ τῶν ἐν τοῖσ βαρέσι καθοπλισμοῖσ·

μετὰ δὲ ταῦτα τοὺσ ἀκοντιστὰσ καὶ τοὺσ ἱππεῖσ ἐπαφέντεσ ἐπροτέρουν κατὰ τὴν ὅλην συμπλοκὴν διὰ τὸ τοῖσ μὲν Καρχηδονίοισ μηδὲν ἐφεδρεύειν ἀξιόλογον, τοῖσ δὲ Ῥωμαίοισ ἀναμεμιγμένασ τοῖσ εὐζώνοισ ὁμόσε κινδυνεύειν τινὰσ σπείρασ. τότε μὲν οὖν ἐπιγενομένησ νυκτὸσ ἐχωρίσθησαν ἀπ’ ἀλλήλων, οὐ κατὰ τὴν ἐλπίδα τοῖσ Καρχηδονίοισ ἐκβάσησ τῆσ ἐπιθέσεωσ·

εἰσ δὲ τὴν ἐπαύριον ὁ Λεύκιοσ οὔτε μάχεσθαι κρίνων οὔτε μὴν ἀπάγειν ἀσφαλῶσ τὴν στρατιὰν ἔτι δυνάμενοσ τοῖσ μὲν δυσὶ μέρεσι κατεστρατοπέδευσε παρὰ τὸν Αὔφιδον καλούμενον ποταμόν, ὃσ μόνοσ διαρρεῖ τὸν Ἀπεννῖνον ‐ τοῦτο δ’ ἔστιν ὄροσ συνεχέσ, ὃ διείργει πάσασ τὰσ κατὰ τὴν Ἰταλίαν ῥύσεισ, τὰσ μὲν εἰσ τὸ Τυρρηνικὸν πέλαγοσ, τὰσ δ’ εἰσ τὸν Ἀδρίαν·

βουλόμενοσ διὰ τούτων προκαθῆσθαι μὲν τῶν ἐκ τῆσ πέραν παρεμβολῆσ προνομευόντων, ἐπικεῖσθαι δὲ τοῖσ παρὰ τῶν Καρχηδονίων.