헬라어 문장 검색 - ΠολψβίΗιστορί03́109́

(폴리비오스, Histories, book 3, chapter 109)

πρῶτον γὰρ ἡμεῖσ ἀμφότεροι πάρεσμεν, οὐ μόνον αὐτοὶ κοινωνήσοντεσ ὑμῖν τῶν κινδύνων, ἀλλὰ καὶ τοὺσ ἐκ τοῦ πρότερον ἔτουσ ἄρχοντασ ἑτοίμουσ παρεσκευάκαμεν πρὸσ τὸ μένειν καὶ μετέχειν τῶν αὐτῶν ἀγώνων. ὑμεῖσ γε μὴν οὐ μόνον ἑωράκατε τοὺσ καθοπλισμούσ, τὰσ τάξεισ, τὰ πλήθη τῶν πολεμίων, ἀλλὰ καὶ διαμαχόμενοι μόνον οὐ καθ’ ἑκάστην ἡμέραν δεύτερον ἐνιαυτὸν ἤδη διατελεῖτε.

πάντων οὖν τῶν κατὰ μέροσ ἐναντίωσ ἐχόντων ταῖσ προγεγενημέναισ μάχαισ, εἰκὸσ καὶ τὸ τέλοσ ἐναντίον ἐκβήσεσθαι τοῦ νῦν ἀγῶνοσ.

καὶ γὰρ ἄτοπον, μᾶλλον δ’ ὡσ εἰπεῖν ἀδύνατον, ἐν μὲν τοῖσ κατὰ μέροσ ἀκροβολισμοῖσ ἴσουσ πρὸσ ἴσουσ συμπίπτοντασ τὸ πλεῖον ἐπικρατεῖν, ὁμοῦ δὲ πάντασ παραταξαμένουσ πλείουσ ὄντασ ἢ διπλασίουσ τῶν ὑπεναντίων ἐλαττωθῆναι.

διόπερ, ὦ ἄνδρεσ, πάντων ὑμῖν παρεσκευασμένων πρὸσ τὸ νικᾶν, ἑνὸσ προσδεῖται τὰ πράγματα, τῆσ ὑμετέρασ βουλήσεωσ καὶ προθυμίασ, ὑπὲρ ἧσ οὐδὲ παρακαλεῖσθαι πλείω πρέπειν ὑμῖν ὑπολαμβάνω.

τοῖσ μέν γε μισθοῦ παρά τισι στρατευομένοισ ἢ τοῖσ κατὰ συμμαχίαν ὑπὲρ τῶν πέλασ μέλλουσι κινδυνεύειν, οἷσ κατ’ αὐτὸν τὸν ἀγῶνα καιρόσ ἐστι δεινότατοσ, τὰ δ’ ἐκ τῶν ἀποβαινόντων βραχεῖαν ἔχει διαφοράν, ἀναγκαῖοσ ὁ τῆσ παρακλήσεωσ γίνεται τρόποσ·

οἷσ δέ, καθάπερ ὑμῖν νῦν, οὐχ ὑπὲρ ἑτέρων ἀλλ’ ὑπὲρ σφῶν αὐτῶν καὶ πατρίδοσ καὶ γυναικῶν καὶ τέκνων ὁ κίνδυνοσ συνέστηκεν, καὶ πολλαπλασίαν τὰ μετὰ ταῦτα συμβαίνοντα τὴν διαφορὰν ἔχει τῶν ἐνεστώτων ἀεὶ κινδύνων, ὑπομνήσεωσ μόνον, παρακλήσεωσ δ’ οὐ προσδεῖ.

τίσ γὰρ οὐκ ἂν βούλοιτο μάλιστα μὲν νικᾶν ἀγωνιζόμενοσ, εἰ δὲ μὴ τοῦτ’ εἰή δυνατόν, τεθνάναι πρόσθεν μαχόμενοσ ἢ ζῶν ἐπιδεῖν τὴν τῶν προειρημένων ὕβριν καὶ καταφθοράν;

διόπερ, ὦ ἄνδρεσ, χωρὶσ τῶν ὑπ’ ἐμοῦ λεγομένων, αὐτοὶ λαμβάνοντεσ πρὸ ὀφθαλμῶν τὴν ἐκ τοῦ λείπεσθαι καὶ τοῦ νικᾶν διαφορὰν καὶ τὰ συνεξακολουθοῦντα τούτοισ, οὕτωσ ἑαυτοὺσ παραστήσεσθε πρὸσ τὴν μάχην ὡσ τῆσ πατρίδοσ οὐ κινδυνευούσησ νῦν αὐτοῖσ τοῖσ στρατοπέδοισ, ἀλλὰ τοῖσ ὅλοισ.

τί γὰρ ἔτι προσθεῖσα τοῖσ ὑποκειμένοισ, ἐὰν ἄλλωσ πωσ τὰ παρόντα κριθῇ, περιγενήσεται τῶν ἐχθρῶν, οὐκ ἔχει.

πᾶσαν γὰρ τὴν αὑτῆσ προθυμίαν καὶ δύναμιν εἰσ ὑμᾶσ ἀπήρεισται, καὶ πάσασ τὰσ ἐλπίδασ ἔχει τῆσ σωτηρίασ ἐν ὑμῖν.

ἀλλ’ ἀπόδοτε μὲν τῇ πατρίδι τὰσ ἁρμοζούσασ χάριτασ, φανερὸν δὲ πᾶσιν ἀνθρώποισ ποιήσατε διότι καὶ τὰ πρότερον ἐλαττώματα γέγονεν οὐ διὰ τὸ Ῥωμαίουσ χείρουσ ἄνδρασ εἶναι Καρχηδονίων, ἀλλὰ δι’ ἀπειρίαν τῶν τότε μαχομένων καὶ διὰ τὰσ ἐκ τῶν καιρῶν περιστάσεισ.

"2 τότε μὲν οὖν ταῦτα καὶ τοιαῦτα παρακαλέσασ ὁ Λεύκιοσ διαφῆκε τοὺσ πολλούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 109

(폴리비오스, Histories, book 3, chapter 109)

상위

목록

SEARCH

MENU NAVIGATION