헬라어 텍스트

Polybius, Histories, book 3, chapter 108

(폴리비오스, Histories, book 3, chapter 108)

Διὸ καὶ παρακαλέσαντεσ τοὺσ περὶ τὸν Αἰμίλιον καὶ πρὸ ὀφθαλμῶν θέντεσ τὸ μέγεθοσ τῶν εἰσ ἑκάτερον τὸ μέροσ ἀποβησομένων ἐκ τῆσ μάχησ ἐξαπέστειλαν, ἐντειλάμενοι σὺν καιρῷ κρίνειν τὰ ὅλα γενναίωσ καὶ τῆσ πατρίδοσ ἀξίωσ. οἳ καὶ παραγενόμενοι πρὸσ τὰσ δυνάμεισ καὶ συναθροίσαντεσ τὰ πλήθη τήν τε τῆσ συγκλήτου γνώμην διεσάφησαν τοῖσ πολλοῖσ καὶ παρεκάλουν τὰ πρέποντα τοῖσ παρεστῶσι καιροῖσ, ἐξ αὐτοπαθείασ τοῦ Λευκίου διατιθεμένου τοὺσ λόγουσ.

ἦν δὲ τὰ πλεῖστα τῶν λεγομένων πρὸσ τοῦτον τείνοντα τὸν νοῦν, τὸν ὑπὲρ τῶν νεωστὶ γεγονότων συμπτωμάτων·

ὧδε γὰρ καὶ τῇδέ που συνέβαινε διατετράφθαι καὶ προσδεῖσθαι παραινέσεωσ τοὺσ πολλούσ. ἐπὶ δὲ τῶν νῦν καιρῶν οὐδεμία λείπεται πρόφασισ, ἐὰν ἄνδρεσ ὦσι, τοῦ μὴ νικᾶν τοὺσ ἐχθρούσ.

τότε μὲν γὰρ οὔτε τοὺσ ἡγεμόνασ ἀμφοτέρουσ οὐδέποτε συνηγωνίσθαι τοῖσ στρατοπέδοισ οὔτε ταῖσ δυνάμεσι κεχρῆσθαι γεγυμνασμέναισ, ἀλλὰ νεοσυλλόγοισ καὶ ἀοράτοισ παντὸσ δεινοῦ·

τό τε μέγιστον, ἐπὶ τοσοῦτον ἀγνοεῖσθαι παρ’ αὐτοῖσ πρότερον τὰ κατὰ τοὺσ ὑπεναντίουσ ὥστε σχεδὸν μηδ’ ἑωρακότασ τοὺσ ἀνταγωνιστὰσ παρατάττεσθαι καὶ συγκαταβαίνειν εἰσ τοὺσ ὁλοσχερεῖσ κινδύνουσ.

"1οἱ μὲν γὰρ περὶ τὸν Τρεβίαν ποταμὸν σφαλέντεσ, ἐκ Σικελίασ τῇ προτεραίᾳ παραγενηθέντεσ, ἅμα τῷ φωτὶ τῇ κατὰ πόδασ ἡμέρᾳ παρετάξαντο·

τοῖσ δὲ κατὰ Τυρρηνίαν ἀγωνισαμένοισ οὐχ οἱο͂ν πρότερον, ἀλλ’ οὐδ’ ἐν αὐτῇ τῇ μάχῃ συνιδεῖν ἐξεγένετο τοὺσ πολεμίουσ διὰ τὸ περὶ τὸν ἀέρα γενόμενον σύμπτωμα.

νῦν γε μὴν πάντα τἀναντία τοῖσ προειρημένοισ ὑπάρχει.