호흡부호 보기
강세부호 보기
장단부호 보기
작은 Iota 보기
모든 부호 보기
καὶ συνεγγίσασ τῇ παρεμβολῇ τῶν Καρχηδονίων τὰ μὲν βαρέα τῶν ὅπλων ἐξέταξε, τοὺσ δ’ ἱππεῖσ καὶ τοὺσ εὐζώνουσ κατὰ μέρη διελὼν ἐπαφῆκε τοῖσ προνομεύουσι, παραγγείλασ μηδένα ζωγρεῖν. Ἀννίβασ δὲ τούτου συμβάντοσ εἰσ ἀπορίαν ἐνεπεπτώκει μεγάλην·
οὔτε γὰρ ἀντεξάγειν τοῖσ παρατεταγμένοισ ἀξιόχρεωσ ἦν οὔτε παραβοηθεῖν τοῖσ ἐπὶ τῆσ χώρασ διεσπαρμένοισ. τῶν δὲ Ῥωμαίων οἱ μὲν ἐπὶ τοὺσ προνομεύοντασ ἐξαποσταλέντεσ πολλοὺσ τῶν ἐσκεδασμένων ἀπέκτειναν·
οἱ δὲ παρατεταγμένοι τέλοσ εἰσ τοῦτ’ ἦλθον καταφρονήσεωσ ὥστε καὶ διασπᾶν τὸν χάρακα καὶ μόνον οὐ πολιορκεῖν τοὺσ Καρχηδονίουσ. ἑώσ Ἀσδρούβασ ἀναλαβὼν τοὺσ ἀπὸ τῆσ χώρασ συμπεφευγότασ εἰσ τὸν χάρακα τὸν περὶ τὸ Γερούνιον, ὄντασ εἰσ τετρακισχιλίουσ, ἧκε παραβοηθῶν.
τότε δὲ μικρὸν ἀναθαρρήσασ ἐπεξῆλθε καὶ βραχὺ πρὸ τῆσ στρατοπεδείασ παρεμβαλὼν μόλισ ἀπεστρέψατο τὸν ἐνεστῶτα κίνδυνον.
Μάρκοσ δὲ πολλοὺσ μὲν ἐν τῇ περὶ τὸν χάρακα συμπλοκῇ τῶν πολεμίων ἀποκτείνασ, ἔτι δὲ πλείουσ ἐπὶ τῆσ χώρασ διεφθαρκώσ, τότε μὲν ἐπανῆλθεν, μεγάλασ ἐλπίδασ ἔχων ὑπὲρ τοῦ μέλλοντοσ.
τῇ δ’ ἐπαύριον ἐκλιπόντων τὸν χάρακα τῶν Καρχηδονίων, ἐπέβη καὶ κατελάβετο τὴν ἐκείνων παρεμβολήν.
ὁ γὰρ Ἀννίβασ διαγωνιάσασ τοὺσ Ῥωμαίουσ μὴ καταλαβόμενοι νυκτὸσ ἔρημον ὄντα τὸν ἐπὶ τῷ Γερουνίῳ χάρακα κύριοι γένωνται τῆσ ἀποσκευῆσ καὶ τῶν παραθέσεων, ἔκρινεν αὐτὸσ ἀναχωρεῖν καὶ πάλιν ἐκεῖ ποιεῖσθαι τὴν στρατοπεδείαν.
ἀπὸ δὲ τούτων τῶν καιρῶν οἱ μὲν Καρχηδόνιοι ταῖσ προνομαῖσ εὐλαβέστερον ἐχρῶντο καὶ φυλακτικώτερον, οἱ δὲ Ῥωμαῖοι τἀναντία θαρραλεώτερον καὶ προπετέστερον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기