헬라어 텍스트

Polybius, Histories, book 3, chapter 101

(폴리비오스, Histories, book 3, chapter 101)

Μάρκοσ δὲ παρειληφὼσ τὰσ δυνάμεισ παρὰ Φαβίου τὸ μὲν πρῶτον ἀντιπαρῆγε ταῖσ ἀκρωρείαισ, πεπεισμένοσ ἀεὶ περὶ τὰσ ὑπερβολὰσ συμπεσεῖσθαί ποτε τοῖσ Καρχηδονίοισ. ἀκούσασ δὲ τὸ μὲν Γερούνιον τοὺσ περὶ τὸν Ἀννίβαν ἤδη κατέχειν, τὴν δὲ χώραν σιτολογεῖν, πρὸ δὲ τῆσ πόλεωσ χάρακα βεβλημένουσ στρατοπεδεύειν, ἐπιστρέψασ ἐκ τῶν ἀκρωρειῶν κατέβαινε κατὰ τὴν ἐπὶ τὰ πεδία κατατείνουσαν ῥάχιν.

ἀφικόμενοσ δ’ ἐπὶ τὴν ἄκραν, ἣ κεῖται μὲν ἐπὶ τῆσ Λαρινάτιδοσ χώρασ προσαγορεύεται δὲ Καλήνη, κατεστρατοπέδευσε περὶ ταύτην, πρόχειροσ ὢν ἐκ παντὸσ τρόπου συμπλέκεσθαι τοῖσ πολεμίοισ.

Ἀννίβασ δὲ θεωρῶν ἐγγίζοντασ τοὺσ πολεμίουσ τὸ μὲν τρίτον μέροσ τῆσ δυνάμεωσ εἰάσε σιτολογεῖν, τὰ δὲ δύο μέρη λαβὼν καὶ προελθὼν ἀπὸ τῆσ πόλεωσ ἑκκαίδεκα σταδίουσ πρὸσ τοὺσ πολεμίουσ ἐπί τινοσ βουνοῦ κατεστρατοπέδευσε, βουλόμενοσ ἅμα μὲν καταπλήξασθαι τοὺσ ὑπεναντίουσ, ἅμα δὲ τοῖσ σιτολογοῦσι τὴν ἀσφάλειαν παρασκευάζειν.

μετὰ δὲ ταῦτα, γεωλόφου τινὸσ ὑπάρχοντοσ μεταξὺ τῶν στρατοπέδων, ὃσ εὐκαίρωσ καὶ σύνεγγυσ ἐπέκειτο τῇ τῶν πολεμίων παρεμβολῇ, τοῦτον ἔτι νυκτὸσ ἐξαποστείλασ περὶ δισχιλίουσ τῶν λογχοφόρων κατελάβετο.

οὓσ ἐπιγενομένησ τῆσ ἡμέρασ συνιδὼν Μάρκοσ ἐξῆγε τοὺσ εὐζώνουσ καὶ προσέβαλε τῷ λόφῳ.

γενομένου δ’ ἀκροβολισμοῦ νεανικοῦ, τέλοσ ἐπεκράτησαν οἱ Ῥωμαῖοι καὶ μετὰ ταῦτα τὴν ὅλην στρατοπεδείαν μετεβίβασαν εἰσ τοῦτον τὸν τόπον.

ὁ δ’ Ἀννίβασ ἑώσ μέν τινοσ διὰ τὴν ἀντιστρατοπεδείαν συνεῖχεν τὸ πλεῖστον μέροσ τῆσ δυνάμεωσ ἐφ’ αὑτόν.

σπουδάζων κατὰ τὴν ἐν ἀρχῇ πρόθεσιν μήτε τὴν λείαν καταφθεῖραι τόν τε σῖτον ὡσ πλεῖστον συναγαγεῖν, ἵνα πάντων ᾖ κατὰ τὴν παραχειμασίαν δαψίλεια τοῖσ ἀνδράσιν, μὴ χεῖρον δὲ τοῖσ ὑποζυγίοισ καὶ τοῖσ ἵπποισ·

εἶχε γὰρ τὰσ πλείστασ ἐλπίδασ τῆσ αὑτοῦ δυνάμεωσ ἐν τῷ τῶν ἱππέων τάγματι.