헬라어 텍스트

Polybius, Histories, book 3, chapter 99

(폴리비오스, Histories, book 3, chapter 99)

λεγομένοισ. καὶ τότε μὲν ἐπανῆλθε, ταξάμενοσ ἡμέραν, ᾗ παρέσται μετὰ τῶν ἐπιτηδείων πρὸσ τὴν ἀνακομιδὴν τῶν παίδων. παραγενηθεὶσ δὲ νυκτὸσ ἐπὶ τὸ τῶν Ῥωμαίων στρατόπεδον καὶ συμμίξασ τισὶ τῶν συστρατευομένων ἐκείνοισ Ἰβήρων διὰ τούτων εἰσῆλθε πρὸσ τοὺσ στρατηγούσ.

ἐκλογιζόμενοσ δὲ διὰ πλειόνων τὴν ἐσομένην ὁρμὴν καὶ μετάπτωσιν πρὸσ αὐτοὺσ τῶν Ἰβήρων, ἐὰν ἐγκρατεῖσ γένωνται τῶν ὁμήρων, ἐπηγγείλατο παραδώσειν αὐτοῖσ τοὺσ παῖδασ.

τῶν δὲ περὶ τὸν Πόπλιον ὑπερβολῇ προθύμωσ δεξαμένων τὴν ἐλπίδα καὶ μεγάλασ ὑπισχνουμένων δωρεάσ, τότε μὲν εἰσ τὴν ἰδίαν ἀπηλλάγη, συνθέμενοσ ἡμέραν καὶ καιρὸν καὶ τόπον, ἐν ᾧ δεήσει τοὺσ ἐκδεξομένουσ αὐτὸν ὑπομένειν.

μετὰ δὲ ταῦτα παραλαβὼν τοὺσ ἐπιτηδείουσ τῶν φίλων ἧκε πρὸσ τὸν Βώστορα καί, παραδοθέντων αὐτῷ τῶν παίδων ἐκ τῆσ Ζακάνθησ, νυκτὸσ ποιησάμενοσ τὴν ἔξοδον, ὡσ θέλων λαθεῖν, παραπορευθεὶσ τὸν χάρακα τῶν πολεμίων ἧκε πρὸσ τὸν τεταγμένον καιρὸν καὶ τόπον καὶ πάντασ ἐνεχείρισε τοὺσ ὁμήρουσ τοῖσ ἡγεμόσι τῶν Ῥωμαίων.

οἱ δὲ περὶ τὸν Πόπλιον ἐτίμησάν τε διαφερόντωσ τὸν Ἀβίλυγα καὶ πρὸσ τὴν ἀποκατάστασιν τῶν ὁμήρων εἰσ τὰσ πατρίδασ ἐχρήσαντο τούτῳ, συμπέμψαντεσ τοὺσ ἐπιτηδείουσ.

ὃσ ἐπιπορευόμενοσ τὰσ πόλεισ καὶ διὰ τῆσ τῶν παίδων ἀποκαταστάσεωσ τιθεὶσ ὑπὸ τὴν ὄψιν τὴν τῶν Ῥωμαίων πρᾳότητα καὶ μεγαλοψυχίαν παρὰ τὴν Καρχηδονίων ἀπιστίαν καὶ βαρύτητα καὶ προσπαρατιθεὶσ τὴν αὑτοῦ μετάθεσιν πολλοὺσ Ἰβήρων παρώρμησε πρὸσ τὴν τῶν Ῥωμαίων φιλίαν.

Βώστωρ δὲ παιδικώτερον ἢ κατὰ τὴν ἡλικίαν δόξασ ἐγκεχειρικέναι τοὺσ ὁμήρουσ τοῖσ πολεμίοισ οὐκ εἰσ τοὺσ τυχόντασ ἐπεπτώκει κινδύνουσ.

καὶ τότε μέν, ἤδη τῆσ ὡρ́ασ κατεπειγούσησ, διέλυον εἰσ παραχειμασίαν ἀμφότεροι τὰσ δυνάμεισ, ἱκανοῦ τινοσ ἐκ τῆσ τύχησ γεγονότοσ συνεργήματοσ τοῖσ Ῥωμαίοισ τοῦ περὶ τοὺσ παῖδασ πρὸσ τὰσ ἐπικειμένασ ἐπιβολάσ.

καὶ τὰ μὲν κατὰ τὴν Ἰβηρίαν ἐν τούτοισ ἦν.