헬라어 문장 검색 - ΠολψβίΗιστορί03́096́

(폴리비오스, Histories, book 3, chapter 96)

πολεμίοισ. οἱ δὲ περὶ τὸν Ἀσδρούβαν, σημηνάντων αὐτοῖσ τῶν σκοπῶν ἐκ πολλοῦ τὸν ἐπίπλουν τῶν ὑπεναντίων, ἅμα τὰσ πεζικὰσ ἐξέταττον δυνάμεισ παρὰ τὸν αἰγιαλὸν καὶ τοῖσ πληρώμασι παρήγγελλον ἐμβαίνειν εἰσ τὰσ ναῦσ. ἤδη δὲ καὶ τῶν Ῥωμαίων σύνεγγυσ ὄντων, σημήναντεσ πολεμικὸν ἀνήγοντο, κρίναντεσ ναυμαχεῖν.

συμβαλόντεσ δὲ τοῖσ πολεμίοισ βραχὺν μέν τινα χρόνον ἀντεποιήσαντο τῆσ νίκησ, μετ’ οὐ πολὺ δὲ πρὸσ τὸ κλίνειν ὡρ́μησαν. ἡ γὰρ ἐφεδρεία τῶν πεζῶν ἡ περὶ τὸν αἰγιαλὸν οὐχ οὕτωσ αὐτοὺσ ὤνησε, θάρσοσ παριστάνουσα πρὸσ τὸν κίνδυνον, ὡσ ἔβλαψε τὴν ἐλπίδα τῆσ σωτηρίασ ἑτοίμην παρασκευάζουσα.

πλὴν δύο μὲν αὐτάνδρουσ νῆασ ἀποβαλόντεσ, τεττάρων δὲ τοὺσ ταρσοὺσ καὶ τοὺσ ἐπιβάτασ ἔφευγον ἐκκλίναντεσ εἰσ γῆν.

ἐπικειμένων δὲ τῶν Ῥωμαίων αὐτοῖσ ἐκθύμωσ, τὰσ μὲν ναῦσ ἐξέβαλον εἰσ τὸν αἰγιαλόν, αὐτοὶ δ’ ἀποπηδήσαντεσ ἐκ τῶν πλοίων ἐσῴζοντο πρὸσ τοὺσ παρατεταγμένουσ.

οἱ δὲ Ῥωμαῖοι τολμηρῶσ συνεγγίσαντεσ τῇ γῇ καὶ τὰ δυνάμενα κινεῖσθαι τῶν πλοίων ἀναδησάμενοι μετὰ χαρᾶσ ὑπερβαλλούσησ ἀπέπλεον, νενικηκότεσ μὲν ἐξ ἐφόδου τοὺσ ὑπεναντίουσ, κρατοῦντεσ δὲ τῆσ θαλάττησ, εἴκοσι δὲ καὶ πέντε ναῦσ ἔχοντεσ τῶν πολεμίων.

Τὰ μὲν οὖν κατὰ τὴν Ἰβηρίαν ἀπὸ τούτων ἐπικυδεστέρασ εἰλήφει τοῖσ Ῥωμαίοισ τὰσ ἐλπίδασ διὰ τὸ προειρημένον κατόρθωμα.

οἱ δὲ Καρχηδόνιοι, προσπεσόντοσ αὐτοῖσ τοῦ γεγονότοσ ἐλαττώματοσ, παραχρῆμα πληρώσαντεσ ἑβδομήκοντα νῆασ ἐξαπέστειλαν, κρίναντεσ ἀναγκαῖον εἶναι πρὸσ πάσασ τὰσ ἐπιβολὰσ ἀντέχεσθαι τῆσ θαλάττησ.

αἳ τὸ μὲν πρῶτον εἰσ Σαρδόν’, ἐκεῖθεν δὲ πρὸσ τοὺσ περὶ Πίσασ τόπουσ τῆσ Ἰταλίασ προσέβαλον, πεπεισμένων τῶν ἐπιπλεόντων συμμίξειν ἐνθάδε τοῖσ περὶ τὸν Ἀννίβαν.

ταχὺ δὲ τῶν Ῥωμαίων ἀναχθέντων ἐπ’ αὐτοὺσ ἐξ αὐτῆσ τῆσ Ῥώμησ ἑκατὸν εἴκοσι σκάφεσι πεντηρικοῖσ, πυθόμενοι τὸν ἀνάπλουν οὗτοι μὲν αὖθισ ἀπέπλευσαν εἰσ τὴν Σαρδόνα, μετὰ δὲ ταῦτα πάλιν εἰσ Καρχηδόνα.

Γνάιοσ δὲ Σερουίλιοσ ἔχων τὸν προειρημένον στόλον ἑώσ μέν τινοσ ἐπηκολούθει τοῖσ Καρχηδονίοισ, συνάψειν πεπεισμένοσ, πολὺ δὲ καθυστερῶν ἀπέγνω.

καὶ τὸ μὲν πρῶτον τῆσ Σικελίασ Λιλυβαίῳ προσέσχε·

μετὰ δὲ ταῦτα καταπλεύσασ τῆσ Λιβύησ ὡσ ἐπὶ τὴν τῶν Κερκινητῶν νῆσον καὶ λαβὼν παρ’ αὐτῶν χρήματα τοῦ μὴ πορθῆσαι τὴν χώραν ἀπηλλάγη. κατὰ δὲ τὸν ἀνάπλουν γενόμενοσ κύριοσ νήσου Κοσσύρου καὶ φρουρὰν εἰσ τὸ πολισμάτιον εἰσαγαγὼν αὖθισ εἰσ τὸ Λιλύβαιον κατῆρε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 96

(폴리비오스, Histories, book 3, chapter 96)

상위

목록

SEARCH

MENU NAVIGATION