헬라어 문장 검색 - ΠολψβίΗιστορί03́094́

(폴리비오스, Histories, book 3, chapter 94)

ἧκε πρὸσ τὰ στενὰ καὶ τὰσ διεκβολάσ. τῶν δὲ Ῥωμαίων οἱ μὲν ἐπὶ τοῖσ στενοῖσ φυλάττοντεσ ἅμα τῷ συνιδεῖν τὰ φῶτα προσβάλλοντα πρὸσ τὰσ ὑπερβολάσ, νομίσαντεσ ταύτῃ ποιεῖσθαι τὴν ὁρμὴν τὸν Ἀννίβαν, ἀπολιπόντεσ τὰσ δυσχωρίασ παρεβοήθουν τοῖσ ἄκροισ. ἐγγίζοντεσ δὲ τοῖσ βουσὶν ἠποροῦντο διὰ τὰ φῶτα, μεῖζόν τι τοῦ συμβαίνοντοσ καὶ δεινότερον ἀναπλάττοντεσ καὶ προσδοκῶντεσ.

οὗτοι μὲν βραχέα πρὸσ ἀλλήλουσ ἀκροβολισάμενοι, τῶν βοῶν αὐτοῖσ ἐμπιπτόντων ἔμειναν διαστάντεσ ἐπὶ τῶν ἄκρων ἀμφότεροι καὶ προσανεῖχον καραδοκοῦντεσ τὴν ἐπιφάνειαν τῆσ ἡμέρασ διὰ τὸ μὴ δύνασθαι γνῶναι τὸ γινόμενον.

Φάβιοσ δὲ τὰ μὲν ἀπορούμενοσ ἐπὶ τῷ συμβαίνοντι καὶ κατὰ τὸν ποιητὴν ὀισσάμενοσ δόλον εἶναι, τὰ δὲ κατὰ τὴν ἐξ ἀρχῆσ ὑπόθεσιν οὐδαμῶσ κρίνων ἐκκυβεύειν οὐδὲ παραβάλλεσθαι τοῖσ ὅλοισ, ἦγε τὴν ἡσυχίαν ἐπὶ τῷ χάρακι καὶ προσεδέχετο τὴν ἡμέραν.

κατὰ δὲ τὸν καιρὸν τοῦτον Ἀννίβασ, προχωρούντων αὐτῷ τῶν πραγμάτων κατὰ τὴν ἐπιβολήν, τήν τε δύναμιν διεκόμισε διὰ τῶν στενῶν μετ’ ἀσφαλείασ καὶ τὴν λείαν, λελοιπότων τοὺσ τόπουσ τῶν παραφυλαττόντων τὰσ δυσχωρίασ.

ἅμα δὲ τῷ φωτὶ συνιδὼν τοὺσ ἐν τοῖσ ἄκροισ ἀντικαθημένουσ τοῖσ λογχοφόροισ ἐπαπέστειλέ τινασ τῶν Ἰβήρων, οἳ καὶ συμμίξαντεσ κατέβαλον μὲν τῶν Ῥωμαίων εἰσ χιλίουσ, ῥᾳδίωσ δὲ τοὺσ παρὰ σφῶν εὐζώνουσ ἐκδεξάμενοι κατεβίβασαν.

Ἀννίβασ μὲν οὖν τοιαύτην ἐκ τοῦ Φαλέρνου ποιησάμενοσ τὴν ἔξοδον, λοιπὸν ἤδη στρατοπεδεύων ἀσφαλῶσ κατεσκέπτετο καὶ προυνοεῖτο περὶ τῆσ χειμασίασ ποῦ καὶ πῶσ ποιήσεται, μέγαν φόβον καὶ πολλὴν ἀπορίαν παρεστακὼσ ταῖσ πόλεσι καὶ τοῖσ κατὰ τὴν Ἰταλίαν ἀνθρώποισ.

Φάβιοσ δὲ κακῶσ μὲν ἤκουε παρὰ τοῖσ πολλοῖσ, ὡσ ἀνάνδρωσ ἐκ τοιούτων τόπων προέμενοσ τοὺσ ὑπεναντίουσ, οὐ μὴν ἀφίστατό γε τῆσ προθέσεωσ.

καὶ ἀναγκασθεὶσ δὲ μετ’ ὀλίγασ ἡμέρασ ἐπί τινασ ἀπελθεῖν θυσίασ εἰσ τὴν Ῥώμην παρέδωκεν τῷ συνάρχοντι τὰ στρατόπεδα καὶ πολλὰ χωριζόμενοσ ἐνετείλατο μὴ τοσαύτην ποιεῖσθαι σπουδὴν ὑπὲρ τοῦ βλάψαι τοὺσ πολεμίουσ ἡλίκην ὑπὲρ τοῦ μηδὲν αὐτοὺσ παθεῖν δεινόν.

ὧν οὐδὲ μικρὸν ἐν νῷ τιθέμενοσ Μάρκοσ ἔτι λέγοντοσ αὐτοῦ ταῦτα πρὸσ τῷ παραβάλλεσθαι καὶ τῷ διακινδυνεύειν ὅλοσ καὶ πᾶσ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 94

(폴리비오스, Histories, book 3, chapter 94)

상위

목록

SEARCH

MENU NAVIGATION