헬라어 문장 검색 - ΠολψβίΗιστορί03́084́

(폴리비오스, Histories, book 3, chapter 84)

οὔσησ δὲ τῆσ ἡμέρασ ὀμιχλώδουσ διαφερόντωσ, Ἀννίβασ ἅμα τῷ τὸ πλεῖστον μέροσ τῆσ πορείασ εἰσ τὸν αὐλῶνα προσδέξασθαι καὶ συνάπτειν πρὸσ αὐτὸν ἤδη τὴν τῶν ἐναντίων πρωτοπορείαν ἀποδοὺσ τὰ συνθήματα καὶ διαπεμψάμενοσ πρὸσ τοὺσ ἐν ταῖσ ἐνέδραισ συνεπεχείρει πανταχόθεν ἅμα τοῖσ πολεμίοισ. οἱ δὲ περὶ τὸν Φλαμίνιον, παραδόξου γενομένησ αὐτοῖσ τῆσ ἐπιφανείασ, ἔτι δὲ δυσσυνόπτου τῆσ κατὰ τὸν ἀέρα περιστάσεωσ ὑπαρχούσησ, καὶ τῶν πολεμίων κατὰ πολλοὺσ τόπουσ ἐξ ὑπερδεξίου καταφερομένων καὶ προσπιπτόντων, οὐχ οἱο͂ν παραβοηθεῖν ἐδύναντο πρόσ τι τῶν δεομένων οἱ ταξίαρχοι καὶ χιλίαρχοι τῶν Ῥωμαίων, ἀλλ’ οὐδὲ συννοῆσαι τὸ γινόμενον.

ἅμα γὰρ οἱ μὲν κατὰ πρόσωπον, οἱ δ’ ἀπ’ οὐρᾶσ, οἱ δ’ ἐκ τῶν πλαγίων αὐτοῖσ προσέπιπτον.

διὸ καὶ συνέβη τοὺσ πλείστουσ ἐν αὐτῷ τῷ τῆσ πορείασ σχήματι κατακοπῆναι, μὴ δυναμένουσ αὑτοῖσ βοηθεῖν, ἀλλ’ ὡσανεὶ προδεδομένουσ ὑπὸ τῆσ τοῦ προεστῶτοσ ἀκρισίασ.

ἔτι γὰρ διαβουλευόμενοι τί δεῖ πράττειν ἀπώλλυντο παραδόξωσ.

ἐν ᾧ καιρῷ καὶ τὸν Φλαμίνιον αὐτὸν δυσχρηστούμενον καὶ περικακοῦντα τοῖσ ὅλοισ προσπεσόντεσ τινὲσ τῶν Κελτῶν ἀπέκτειναν.

ἔπεσον οὖν τῶν Ῥωμαίων κατὰ τὸν αὐλῶνα σχεδὸν εἰσ μυρίουσ καὶ πεντακισχιλίουσ, οὔτ’ εἴκειν τοῖσ παροῦσιν οὔτε πράττειν οὐδὲν δυνάμενοι, τοῦτο δ’ ἐκ τῶν ἐθισμῶν αὐτὸ περὶ πλείστου ποιούμενοι, τὸ μὴ φεύγειν μηδὲ λείπειν τὰσ τάξεισ.

οἱ δὲ κατὰ πορείαν μεταξὺ τῆσ λίμνησ καὶ τῆσ παρωρείασ ἐν τοῖσ στενοῖσ συγκλεισθέντεσ αἰσχρῶσ, ἔτι δὲ μᾶλλον ταλαιπώρωσ διεφθείροντο.

συνωθούμενοι [μὲν] γὰρ εἰσ τὴν λίμνην οἱ μὲν διὰ τὴν παράστασιν τῆσ διανοίασ ὁρμῶντεσ ἐπὶ τὸ νήχεσθαι σὺν τοῖσ ὅπλοισ ἀπεπνίγοντο, τὸ δὲ πολὺ πλῆθοσ μέχρι μὲν τοῦ δυνατοῦ προβαῖνον εἰσ τὴν λίμνην ἔμενε τὰσ κεφαλὰσ αὐτὰσ ὑπὲρ τὸ ὑγρὸν ὑπερίσχον·

ἐπιγενομένων δὲ τῶν ἱππέων, καὶ προδήλου γενομένησ ἀπωλείασ ἐξαίροντεσ τὰσ χεῖρασ καὶ δεόμενοι ζωγρεῖν καὶ πᾶσαν προϊέμενοι φωνὴν τὸ τελευταῖον οἱ μὲν ὑπὸ τῶν πολεμίων, τινὲσ δὲ παρακαλέσαντεσ αὑτοὺσ διεφθάρησαν.

ἑξακισχίλιοι δ’ ἴσωσ τῶν κατὰ τὸν αὐλῶνα τοὺσ κατὰ πρόσωπον νικήσαντεσ παραβοηθεῖν μὲν τοῖσ ἰδίοισ καὶ περιίστασθαι τοὺσ ὑπεναντίουσ ἠδυνάτουν διὰ τὸ μηδὲν συνορᾶν τῶν γινομένων, καίπερ μεγάλην δυνάμενοι πρὸσ τὰ ὅλα παρέχεσθαι χρείαν·

ἀεὶ δὲ τοῦ πρόσθεν ὀρεγόμενοι προῆγον, πεπεισμένοι συμπεσεῖσθαί τισιν, ἑώσ ἔλαθον ἐκπεσόντεσ πρὸσ τοὺσ ὑπερδεξίουσ τόπουσ.

καὶ τῆσ ὀμίχλησ ἤδη πεπτωκυίασ συνέντεσ τὸ γεγονὸσ ἀτύχημα καὶ ποιεῖν οὐδὲν ὄντεσ ἔτι δυνατοὶ διὰ τὸ τοῖσ ὅλοισ ἐπικρατεῖν καὶ πάντα προκατέχειν ἤδη τοὺσ πολεμίουσ, συστραφέντεσ ἀπεχώρησαν εἴσ τινα κώμην Τυρρηνίδα.

μετὰ δὲ τὴν μάχην ἀποσταλέντοσ ὑπὸ τοῦ στρατηγοῦ μετὰ τῶν Ἰβήρων καὶ λογχοφόρων Μαάρβα καὶ περιστρατοπεδεύσαντοσ τὴν κώμην, ποικίλησ αὐτοῖσ ἀπορίασ περιεστώσησ, ἀποθέμενοι τὰ ὅπλα παρέδοσαν αὑτοὺσ ὑποσπόνδουσ, ὡσ τευξόμενοι τῆσ σωτηρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 84

(폴리비오스, Histories, book 3, chapter 84)

상위

목록

SEARCH

MENU NAVIGATION