헬라어 텍스트

Polybius, Histories, book 3, chapter 82

(폴리비오스, Histories, book 3, chapter 82)

εὐθέωσ μετέωροσ ἦν ὁ Φλαμίνιοσ καὶ θυμοῦ πλήρησ, δοξάζων ἑαυτὸν ὑπὸ τῶν ἐναντίων καταφρονεῖσθαι. μετὰ δὲ ταῦτα πορθουμένησ τῆσ χώρασ, καὶ πανταχόθεν τοῦ καπνοῦ σημαίνοντοσ τὴν καταφθορὰν αὐτῆσ, ἐσχετλίαζε, δεινὸν ἡγούμενοσ τὸ γινόμενον.

παρεκάλει δ’ αὐτοὺσ ἐν νῷ λαμβάνειν τί λέγειν εἰκὸσ τοὺσ ἐν τῇ πατρίδι τῆσ μὲν χώρασ καταφθειρομένησ σχεδὸν ἑώσ πρὸσ αὐτὴν τὴν Ῥώμην, αὐτῶν δὲ κατόπιν τῶν πολεμίων ἐν Τυρρηνίᾳ στρατοπεδευόντων.

τέλοσ δέ, ταῦτ’ εἰπών, ἀναζεύξασ προῆγε μετὰ τῆσ δυνάμεωσ, οὐ καιρόν, οὐ τόπον προορώμενοσ, μόνον δὲ σπεύδων συμπεσεῖν τοῖσ πολεμίοισ, ὡσ προδήλου τῆσ νίκησ αὐτοῖσ ὑπαρχούσησ·

τηλικοῦτον γὰρ προενεβεβλήκει κατελπισμὸν τοῖσ ὄχλοισ ὥστε πλείουσ εἶναι τῶν τὰ ὅπλα φερόντων τοὺσ ἐκτὸσ παρεπομένουσ τῆσ ὠφελείασ χάριν, κομίζοντασ ἁλύσεισ καὶ πέδασ καὶ πᾶσαν τὴν τοιαύτην παρασκευήν.

ὅ γε μὴν Ἀννίβασ ἅμα μὲν εἰσ τοὔμπροσθεν ὡσ πρὸσ τὴν Ῥώμην προῄει διὰ τῆσ Τυρρηνίασ, εὐώνυμον μὲν πόλιν ἔχων τὴν προσαγορευομένην Κυρτώνιον καὶ τὰ ταύτησ ὄρη, δεξιὰν δὲ τὴν Ταρσιμέννην καλουμένην λίμνην·

ἅμα δὲ προάγων ἐπυρπόλει καὶ κατέφθειρε τὴν χώραν, βουλόμενοσ ἐκκαλέσασθαι τὸν θυμὸν τῶν ὑπεναντίων.