헬라어 텍스트

Polybius, Histories, book 3, chapter 81

(폴리비오스, Histories, book 3, chapter 81)

ἐμφρόνωσ ἐλογίζετο ταῦτα καὶ πραγματικῶσ· οὐ γὰρ εἰκὸσ ἄλλωσ εἰπεῖν, ὡσ εἴ τισ οἰέται κυριώτερόν τι μέροσ εἶναι στρατηγίασ τοῦ γνῶναι τὴν προαίρεσιν καὶ φύσιν τοῦ τῶν ἐναντίων ἡγεμόνοσ, ἀγνοεῖ καὶ τετύφωται. ἔνιοι δὲ διὰ τὰσ τῶν ἀφροδισίων ὁρμὰσ καὶ τὴν ἐν τούτοισ ἔκπληξιν οὐ μόνον πόλεισ καὶ βίουσ ἀναστάτουσ πεποιήκασιν, ἀλλὰ καὶ τὸ ζῆν αὑτῶν ἀφῄρηνται μετ’ αἰσχύνησ.

καὶ μὴν δειλία καὶ βλακεία κατ’ ἰδίαν μὲν αὐτοῖσ ὄνειδοσ ἐπιφέρει τοῖσ ἔχουσι, περὶ δὲ τὸν τῶν ὅλων ἡγεμόνα γενομένη κοινόν ἐστι καὶ μέγιστον συμπτωμάτων.

οὐ γὰρ μόνον ἀπράκτουσ ποιεῖ τοὺσ ὑποταττομένουσ, πολλάκισ δὲ καὶ κινδύνουσ ἐπιφέρει τοὺσ μεγίστουσ τοῖσ πεπιστευκόσι.

προπέτειά γε μὴν καὶ θρασύτησ καὶ θυμὸσ ἄλογοσ, ἔτι δὲ κενοδοξία καὶ τῦφοσ εὐχείρωτα μὲν τοῖσ ἐχθροῖσ, ἐπισφαλέστατα δὲ τοῖσ φίλοισ.

πρὸσ γὰρ πᾶσαν ἐπιβουλήν, ἐνέδραν, ἀπάτην ἕτοιμοσ ὅ γε τοιοῦτοσ. διόπερ εἴ τισ δύναιτο συννοεῖν τὰ περὶ τοὺσ πέλασ ἁμαρτήματα καὶ τῇδέ που προσιέναι τοῖσ ὑπεναντίοισ, ᾗ μάλιστα καὶ δι’ ὧν εὐχείρωτοσ ἔσθ’ ὁ προεστὼσ τῶν πολεμίων, τάχιστ’ ἂν τῶν ὅλων κατακρατοίη.

τὸ ὅλον αὐτανδρὶ σκάφοσ ὑποχείριον γίνεται τοῖσ ἐχθροῖσ, τὸν αὐτὸν τρόπον ἐὰν τὸν προεστῶτα [πόλεμον] δυνάμεωσ χειρώσηταί τισ κατὰ τὰσ ἐπιβολὰσ καὶ συλλογισμούσ, αὐτανδρὶ γίνεται πολλάκισ κρατεῖν τῶν ἀντιταττομένων.

ἃ δὴ καὶ τότε προϊδόμενοσ καὶ συλλογισάμενοσ Ἀννίβασ περὶ τοῦ τῶν ἐναντίων ἡγεμόνοσ οὐ διεσφάλη τῆσ ἐπιβολῆσ.