헬라어 문장 검색 - ΠολψβίΗιστορί03́079́

(폴리비오스, Histories, book 3, chapter 79)

τοὺσ λιμνώδεισ τῶν τόπων. Ἀννίβασ δ’ ἐπιμελῶσ ἐξητακὼσ τεναγώδεισ καὶ στερεοὺσ ὑπάρχοντασ τοὺσ κατὰ τὴν δίοδον τόπουσ, ἀναζεύξασ εἰσ μὲν τὴν πρωτοπορείαν ἔθηκε τοὺσ Λίβυασ καὶ Ἴβηρασ καὶ πᾶν τὸ χρησιμώτερον μέροσ τῆσ σφετέρασ δυνάμεωσ, συγκαταμίξασ αὐτοῖσ τὴν ἀποσκευήν, ἵνα πρὸσ τὸ παρὸν εὐπορῶσι τῶν ἐπιτηδείων· πρὸσ γὰρ τὸ μέλλον εἰσ τέλοσ ἀφροντίστωσ εἶχε περὶ παντὸσ τοῦ σκευοφόρου, λογιζόμενοσ ὡσ ἐὰν ἅψηται τῆσ πολεμίασ, ἡττηθεὶσ μὲν οὐ προσδεήσεται τῶν ἀναγκαίων, κρατῶν δὲ τῶν ὑπαίθρων οὐκ ἀπορήσει τῶν ἐπιτηδείων.

ἐπὶ δὲ τοῖσ προειρημένοισ ἐπέβαλε τοὺσ Κελτούσ, ἐπὶ δὲ πᾶσι τοὺσ ἱππεῖσ.

ἐπιμελητὴν δὲ τῆσ οὐραγίασ τὸν ἀδελφὸν ἀπέλιπε Μάγωνα τῶν τε λοιπῶν χάριν καὶ μάλιστα τῆσ τῶν Κελτῶν μαλακίασ καὶ φυγοπονίασ, ἵν’ ἐὰν κακοπαθοῦντεσ τρέπωνται πάλιν εἰσ τοὐπίσω, κωλύῃ διὰ τῶν ἱππέων καὶ προσφέρῃ τὰσ χεῖρασ αὐτοῖσ.

οἱ μὲν οὖν Ἴβηρεσ καὶ Λίβυεσ δι’ ἀκεραίων τῶν ἑλῶν ποιούμενοι τὴν πορείαν μετρίωσ κακοπαθοῦντεσ ἤνυον, ἅτε καὶ φερέκακοι πάντεσ ὄντεσ καὶ συνήθεισ ταῖσ τοιαύταισ ταλαιπωρίαισ.

οἱ δὲ Κελτοὶ δυσχερῶσ μὲν εἰσ τοὔμπροσθεν προύβαινον, τεταραγμένων καὶ διαπεπατημένων εἰσ βάθοσ τῶν ἑλῶν, ἐπιπόνωσ δὲ καὶ ταλαιπώρωσ ὑπέμενον τὴν κακοπάθειαν, ἄπειροι πάσησ τῆσ τοιαύτησ ὄντεσ κακουχίασ.

ἐκωλύοντο δὲ πάλιν ἀπονεύειν εἰσ τοὐπίσω διὰ τοὺσ ἐφεστῶτασ αὐτοῖσ ἱππεῖσ.

πάντεσ μὲν οὖν ἐκακοπάθουν καὶ μάλιστα διὰ τὴν ἀγρυπνίαν, ὡσ ἂν ἑξῆσ ἡμέρασ τέτταρασ καὶ τρεῖσ νύκτασ συνεχῶσ δι’ ὕδατοσ ποιούμενοι τὴν πορείαν·

διαφερόντωσ γε μὴν ἐπόνουν καὶ κατεφθείρονθ’ ὑπὲρ τοὺσ ἄλλουσ οἱ Κελτοί. τῶν δ’ ὑποζυγίων αὐτοῦ τὰ πλεῖστα πίπτοντα διὰ τοὺσ πηλοὺσ ἀπώλλυντο, μίαν παρεχόμενα χρείαν ἐν τῷ πεσεῖν τοῖσ ἀνθρώποισ·

καθεζόμενοι γὰρ ἐπ’ αὐτῶν καὶ τῶν σκευῶν σωρηδὸν ὑπὲρ τὸ ὑγρὸν ὑπερεῖχον καὶ τῷ τοιούτῳ τρόπῳ βραχὺ μέροσ τῆσ νυκτὸσ ἀπεκοιμῶντο.

οὐκ ὀλίγοι δὲ καὶ τῶν ἵππων τὰσ ὁπλὰσ ἀπέβαλον διὰ τὴν συνέχειαν τῆσ διὰ τῶν πηλῶν πορείασ.

Ἀννίβασ δὲ μόλισ ἐπὶ τοῦ περιλειφθέντοσ θηρίου διεσώθη μετὰ πολλῆσ ταλαιπωρίασ, ὑπεραλγὴσ ὢν διὰ τὴν βαρύτητα τῆσ ἐπενεχθείσησ ὀφθαλμίασ αὐτῷ, δι’ ἣν καὶ τέλοσ ἐστερήθη τῆσ μιᾶσ ὄψεωσ, οὐκ ἐπιδεχομένου τοῦ καιροῦ καταμονὴν οὐδὲ θεραπείαν διὰ τὸ τῆσ περιστάσεωσ ἀδύνατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 79

(폴리비오스, Histories, book 3, chapter 79)

상위

목록

SEARCH

MENU NAVIGATION