헬라어 텍스트

Polybius, Histories, book 3, chapter 78

(폴리비오스, Histories, book 3, chapter 78)

Ἐχρήσατο δέ τινι καὶ Φοινικικῷ στρατηγήματι τοιούτῳ κατὰ τὴν παραχειμασίαν. ἀγωνιῶν γὰρ τὴν ἀθεσίαν τῶν Κελτῶν καὶ τὰσ ἐπιβουλὰσ τὰσ περὶ τὸ σῶμα διὰ τὸ πρόσφατον τῆσ πρὸσ αὐτοὺσ συστάσεωσ κατεσκευάσατο περιθετὰσ τρίχασ, ἁρμοζούσασ ταῖσ κατὰ τὰσ ὁλοσχερεῖσ διαφορὰσ τῶν ἡλικιῶν ἐπιπρεπείαισ, καὶ ταύταισ ἐχρῆτο συνεχῶσ μετατιθέμενοσ·

ὁμοίωσ δὲ καὶ τὰσ ἐσθῆτασ μετελάμβανε τὰσ καθηκούσασ ἀεὶ ταῖσ περιθεταῖσ.

δι’ ὧν οὐ μόνον τοῖσ αἰφνιδίωσ ἰδοῦσι δύσγνωστοσ ἦν, ἀλλὰ καὶ τοῖσ ἐν συνηθείᾳ γεγονόσιν.

Θεωρῶν δὲ τοὺσ Κελτοὺσ δυσχεραίνοντασ ἐπὶ τῷ τὸν πόλεμον ἐν τῇ παρ’ αὑτῶν χώρᾳ λαμβάνειν τὴν τριβήν, σπεύδοντασ δὲ καὶ μετεώρουσ ὄντασ εἰσ τὴν πολεμίαν, προφάσει μὲν διὰ τὴν πρὸσ Ῥωμαίουσ ὀργήν, τὸ δὲ πλεῖον διὰ τὰσ ὠφελείασ, ἔκρινε τὴν ταχίστην ἀναζευγνύειν καὶ συνεκπληροῦν τὰσ τῶν δυνάμεων ὁρμάσ.

διόπερ ἅμα τῷ τὴν ὡρ́αν μεταβάλλειν πυνθανόμενοσ τῶν μάλιστα τῆσ χώρασ δοκούντων ἐμπειρεῖν τὰσ μὲν ἄλλασ ἐμβολὰσ τὰσ εἰσ τὴν πολεμίαν μακρὰσ εὑρ́ισκε καὶ προδήλουσ τοῖσ ὑπεναντίοισ, τὴν δὲ διὰ τῶν ἑλῶν εἰσ Τυρρηνίαν φέρουσαν δυσχερῆ μὲν σύντομον δὲ καὶ παράδοξον φανησομένην τοῖσ περὶ τὸν Φλαμίνιον.

ἀεὶ δέ πωσ οἰκεῖοσ ὢν τῇ φύσει τούτου τοῦ μέρουσ ταύτῃ προέθετο ποιεῖσθαι τὴν πορείαν.