Polybius, Histories, book 3, chapter 76

(폴리비오스, Histories, book 3, chapter 76)

Κατὰ δὲ τοὺσ αὐτοὺσ καιροὺσ Γνάιοσ Κορνήλιοσ ὁ καταλειφθεὶσ ὑπὸ τἀδελφοῦ Ποπλίου στρατηγὸσ ἐπὶ τῆσ ναυτικῆσ δυνάμεωσ, καθάπερ ἐπάνω προεῖπον, ἀναχθεὶσ ἀπὸ τῶν τοῦ Ῥοδανοῦ στομάτων παντὶ τῷ στόλῳ προσέσχε τῆσ Ἰβηρίασ πρὸσ τοὺσ κατὰ τὸ καλούμενον Ἐμπόριον τόπουσ. ἀρξάμενοσ δ’ ἐντεῦθεν ἀποβάσεισ ἐποιεῖτο καὶ τοὺσ μὲν ἀπειθοῦντασ ἐπολιόρκει τῶν τὴν παραλίαν κατοικούντων ἑώσ Ἴβηροσ ποταμοῦ, τοὺσ δὲ προσδεχομένουσ ἐφιλανθρώπει, τὴν ἐνδεχομένην ποιούμενοσ περὶ αὐτῶν προμήθειαν.

ἀσφαλισάμενοσ δὲ τοὺσ προσκεχωρηκότασ τῶν παραθαλαττίων προῆγε παντὶ τῷ στρατεύματι, ποιούμενοσ τὴν πορείαν εἰσ τὴν μεσόγαιον·

πολὺ γὰρ ἤδη καὶ τὸ συμμαχικὸν ἡθροίκει τῶν Ἰβήρων.

ἅμα δὲ προϊὼν ἃσ μὲν προσήγετο τὰσ δὲ κατεστρέφετο τῶν πόλεων. πάντασ δὲ τοὺσ ἐντὸσ Ἴβηροσ ποταμοῦ συμμάχουσ ἐποιήσατο καὶ φίλουσ, ζωγρίᾳ δὲ τόν τε τῶν Καρχηδονίων στρατηγὸν Ἄννωνα καὶ τὸν τῶν Ἰβήρων Ἀνδοβάλην ἔλαβε.

τοῦτον δὲ συνέβαινε τύραννον μὲν εἶναι τῶν κατὰ τὴν μεσόγαιον τόπων, εὔνουν δὲ διαφερόντωσ ἀεί ποτε Καρχηδονίοισ.

ταχὺ δὲ συνεὶσ τὸ γεγονὸσ Ἀσδρούβασ ἧκε παραβοηθῶν διαβὰσ τὸν Ἴβηρα ποταμόν.

παραλαβὼν ἀπὸ τῆσ ἑαυτοῦ δυνάμεωσ πεζοὺσ μὲν εἰσ ὀκτακισχιλίουσ ἱππεῖσ δὲ περὶ χιλίουσ, καὶ καταλαβὼν ἐσκεδασμένουσ κατὰ τῆσ χώρασ τοὺσ ἀπὸ τῶν πλοίων, πολλοὺσ μὲν αὐτῶν ἀπέκτεινεν, τοὺσ δὲ λοιποὺσ ἠνάγκασε φυγεῖν ἐπὶ τὰσ ναῦσ.

οὗτοσ μὲν οὖν ἀναχωρήσασ καὶ διαβὰσ αὖθισ τὸν Ἴβηρα ποταμὸν ἐγίνετο περὶ παρασκευὴν καὶ φυλακὴν τῶν ἐντὸσ τοῦ ποταμοῦ τόπων, ποιούμενοσ τὴν παραχειμασίαν ἐν Καινῇ πόλει.

ὁ δὲ Γνάιοσ συνάψασ τῷ στόλῳ καὶ τοὺσ αἰτίουσ τῶν συμβεβηκότων κατὰ τοὺσ παρ’ αὐτοῖσ ἐθισμοὺσ κολάσασ, τὸ λοιπὸν ἤδη συναγαγὼν ἐπὶ ταὐτὸ τήν τε πεζὴν καὶ τὴν ναυτικὴν στρατιὰν ἐν Ταρράκωνι τὴν παραχειμασίαν ἐποιεῖτο.

διαδοὺσ δὲ τὴν λείαν ἴσωσ τοῖσ στρατιώταισ μεγάλην εὔνοιαν καὶ προθυμίαν ἐνειργάσατο πρὸσ τὸ μέλλον.

일치하는 문장이 없습니다.

SEARCH

MENU NAVIGATION