헬라어 텍스트

Polybius, Histories, book 3, chapter 76

(폴리비오스, Histories, book 3, chapter 76)

Κατὰ δὲ τοὺσ αὐτοὺσ καιροὺσ Γνάιοσ Κορνήλιοσ ὁ καταλειφθεὶσ ὑπὸ τἀδελφοῦ Ποπλίου στρατηγὸσ ἐπὶ τῆσ ναυτικῆσ δυνάμεωσ, καθάπερ ἐπάνω προεῖπον, ἀναχθεὶσ ἀπὸ τῶν τοῦ Ῥοδανοῦ στομάτων παντὶ τῷ στόλῳ προσέσχε τῆσ Ἰβηρίασ πρὸσ τοὺσ κατὰ τὸ καλούμενον Ἐμπόριον τόπουσ. ἀρξάμενοσ δ’ ἐντεῦθεν ἀποβάσεισ ἐποιεῖτο καὶ τοὺσ μὲν ἀπειθοῦντασ ἐπολιόρκει τῶν τὴν παραλίαν κατοικούντων ἑώσ Ἴβηροσ ποταμοῦ, τοὺσ δὲ προσδεχομένουσ ἐφιλανθρώπει, τὴν ἐνδεχομένην ποιούμενοσ περὶ αὐτῶν προμήθειαν.

ἀσφαλισάμενοσ δὲ τοὺσ προσκεχωρηκότασ τῶν παραθαλαττίων προῆγε παντὶ τῷ στρατεύματι, ποιούμενοσ τὴν πορείαν εἰσ τὴν μεσόγαιον·

πολὺ γὰρ ἤδη καὶ τὸ συμμαχικὸν ἡθροίκει τῶν Ἰβήρων.

ἅμα δὲ προϊὼν ἃσ μὲν προσήγετο τὰσ δὲ κατεστρέφετο τῶν πόλεων. πάντασ δὲ τοὺσ ἐντὸσ Ἴβηροσ ποταμοῦ συμμάχουσ ἐποιήσατο καὶ φίλουσ, ζωγρίᾳ δὲ τόν τε τῶν Καρχηδονίων στρατηγὸν Ἄννωνα καὶ τὸν τῶν Ἰβήρων Ἀνδοβάλην ἔλαβε.

τοῦτον δὲ συνέβαινε τύραννον μὲν εἶναι τῶν κατὰ τὴν μεσόγαιον τόπων, εὔνουν δὲ διαφερόντωσ ἀεί ποτε Καρχηδονίοισ.

ταχὺ δὲ συνεὶσ τὸ γεγονὸσ Ἀσδρούβασ ἧκε παραβοηθῶν διαβὰσ τὸν Ἴβηρα ποταμόν.

παραλαβὼν ἀπὸ τῆσ ἑαυτοῦ δυνάμεωσ πεζοὺσ μὲν εἰσ ὀκτακισχιλίουσ ἱππεῖσ δὲ περὶ χιλίουσ, καὶ καταλαβὼν ἐσκεδασμένουσ κατὰ τῆσ χώρασ τοὺσ ἀπὸ τῶν πλοίων, πολλοὺσ μὲν αὐτῶν ἀπέκτεινεν, τοὺσ δὲ λοιποὺσ ἠνάγκασε φυγεῖν ἐπὶ τὰσ ναῦσ.

οὗτοσ μὲν οὖν ἀναχωρήσασ καὶ διαβὰσ αὖθισ τὸν Ἴβηρα ποταμὸν ἐγίνετο περὶ παρασκευὴν καὶ φυλακὴν τῶν ἐντὸσ τοῦ ποταμοῦ τόπων, ποιούμενοσ τὴν παραχειμασίαν ἐν Καινῇ πόλει.

ὁ δὲ Γνάιοσ συνάψασ τῷ στόλῳ καὶ τοὺσ αἰτίουσ τῶν συμβεβηκότων κατὰ τοὺσ παρ’ αὐτοῖσ ἐθισμοὺσ κολάσασ, τὸ λοιπὸν ἤδη συναγαγὼν ἐπὶ ταὐτὸ τήν τε πεζὴν καὶ τὴν ναυτικὴν στρατιὰν ἐν Ταρράκωνι τὴν παραχειμασίαν ἐποιεῖτο.

διαδοὺσ δὲ τὴν λείαν ἴσωσ τοῖσ στρατιώταισ μεγάλην εὔνοιαν καὶ προθυμίαν ἐνειργάσατο πρὸσ τὸ μέλλον.