헬라어 문장 검색 - ΠολψβίΗιστορί03́071́

(폴리비오스, Histories, book 3, chapter 71)

τοῦ Τεβερίου πρὸσ τούτοισ ἦν. πάλαι δὲ συνεωρακὼσ μεταξὺ τῶν στρατοπέδων τόπον ἐπίπεδον μὲν καὶ ψιλόν, εὐφυῆ δὲ πρὸσ ἐνέδραν διά τι ῥεῖθρον ἔχον ὀφρῦν, ἐπὶ δὲ ταύτησ ἀκάνθασ καὶ βάτουσ συνεχεῖσ ἐπιπεφυκότασ, ἐγίνετο πρὸσ τῷ στρατηγεῖν τοὺσ ὑπεναντίουσ. ἔμελλεν δ’ εὐχερῶσ λήσειν·

οὐκ εἰδότεσ ὅτι καὶ πρὸσ τὸ λαθεῖν καὶ πρὸσ τὸ μηδὲν παθεῖν τοὺσ ἐνεδρεύσαντασ εὐφυέστεροι τυγχάνουσιν ὄντεσ τῶν ὑλωδῶν διὰ τὸ δύνασθαι μὲν ἐκ πολλοῦ προορᾶν πάντα τοὺσ ἐνεδρεύοντασ, εἶναι δ’ ἐπιπροσθήσεισ ἱκανὰσ ἐν τοῖσ πλείστοισ τόποισ.

τὸ γὰρ τυχὸν ῥεῖθρον μετὰ βραχείασ ὀφρύοσ, ποτὲ δὲ κάλαμοι καὶ πτέρεισ καί τι γένοσ ἀκανθῶν, οὐ μόνον πεζοὺσ ἀλλὰ καὶ τοὺσ ἱππεῖσ ἐνίοτε δύναται κρύπτειν, ἐὰν βραχέα τισ προνοηθῇ τοῦ τὰ μὲν ἐπίσημα τῶν ὅπλων ὕπτια τιθέναι πρὸσ τὴν γῆν, τὰσ δὲ περικεφαλαίασ ὑποτιθέναι τοῖσ ὅπλοισ.

ἅμα τῷ δειπνοποιήσασθαι τὸ στρατόπεδον ἀνακαλεσάμενοσ Μάγωνα τὸν ἀδελφόν, ὄντα νέον μὲν ὁρμῆσ δὲ πλήρη καὶ παιδομαθῆ περὶ τὰ πολεμικά, συνέστησε τῶν ἱππέων ἄνδρασ ἑκατὸν καὶ πεζοὺσ τοὺσ ἴσουσ.

ἔτι δὲ τῆσ ἡμέρασ οὔσησ ἐξ ὅλου τοῦ στρατοπέδου σημηνάμενοσ τοὺσ εὐρωστοτάτουσ παρηγγέλκει δειπνοποιησαμένουσ ἥκειν ἐπὶ τὴν αὑτοῦ σκηνήν.

παρακαλέσασ δὲ καὶ παραστήσασ τούτοισ τὴν πρέπουσαν ὁρμὴν τῷ καιρῷ παρήγγελλε δέκα τοὺσ ἀνδρωδεστάτουσ ἕκαστον ἐπιλεξάμενον ἐκ τῶν ἰδίων τάξεων ἥκειν εἴσ τινα τόπον τακτὸν ἤδη τῆσ στρατοπεδείασ.

τῶν δὲ πραξάντων τὸ συνταχθέν, τούτουσ μὲν ὄντασ ἱππεῖσ χιλίουσ καὶ πεζοὺσ ἄλλουσ τοσούτουσ ἐξαπέστειλε νυκτὸσ εἰσ τὴν ἐνέδραν, συστήσασ ὁδηγοὺσ καὶ τἀδελφῷ διαταξάμενοσ περὶ τοῦ καιροῦ τῆσ ἐπιθέσεωσ·

αὐτὸσ δ’ ἅμα τῷ φωτὶ τοὺσ Νομαδικοὺσ ἱππεῖσ συναγαγών, ὄντασ φερεκάκουσ διαφερόντωσ, παρεκάλεσε καί τινασ δωρεὰσ ἐπαγγειλάμενοσ τοῖσ ἀνδραγαθήσασι προσέταξε πελάσαντασ τῷ τῶν ἐναντίων χάρακι κατὰ σπουδὴν ἐπιδιαβαίνειν τὸν ποταμὸν καὶ προσακροβολιζομένουσ κινεῖν τοὺσ πολεμίουσ, βουλόμενοσ ἀναρίστουσ καὶ πρὸσ τὸ μέλλον ἀπαρασκεύουσ λαβεῖν τοὺσ ὑπεναντίουσ.

τοὺσ δὲ λοιποὺσ ἡγεμόνασ ἁθροίσασ ὁμοίωσ παρεκάλεσε πρὸσ τὸν κίνδυνον καὶ πᾶσιν ἀριστοποιεῖσθαι παρήγγειλε καὶ περὶ τὴν τῶν ὅπλων καὶ τῶν ἵππων γίνεσθαι θεραπείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 71

(폴리비오스, Histories, book 3, chapter 71)

상위

목록

SEARCH

MENU NAVIGATION