헬라어 텍스트

Polybius, Histories, book 3, chapter 69

(폴리비오스, Histories, book 3, chapter 69)

Κατὰ δὲ τοὺσ αὐτοὺσ καιροὺσ Ἀννίβασ πραξικοπήσασ πόλιν Κλαστίδιον, ἐνδόντοσ αὐτῷ τοῦ πεπιστευμένου παρὰ Ῥωμαίων, ἀνδρὸσ Βρεντεσίνου, κατέσχε. δεῖγμα βουλόμενοσ ἐκφέρειν τῆσ σφετέρασ προαιρέσεωσ πρὸσ τὸ μὴ δεδιότασ ἀπελπίζειν τὴν παρ’ αὐτοῦ σωτηρίαν τοὺσ ὑπὸ τῶν καιρῶν καταλαμβανομένουσ.

τὸν δὲ προδότην ἐτίμησε μεγαλείωσ, ἐκκαλέσασθαι σπουδάζων τοὺσ ἐπὶ πραγμάτων ταττομένουσ πρὸσ τὰσ Καρχηδονίων ἐλπίδασ.

ἐξαποστέλλει πεζοὺσ μὲν δισχιλίουσ, ἱππεῖσ δὲ Κελτοὺσ καὶ Νομάδασ εἰσ χιλίουσ, προστάξασ ἐπιδραμεῖν αὐτῶν τὴν χώραν.

τῶν δὲ πραξάντων τὸ προσταχθὲν καὶ πολλὴν περιβαλομένων λείαν, εὐθέωσ οἱ Κελτοὶ παρῆσαν ἐπὶ τὸν χάρακα τῶν Ῥωμαίων, δεόμενοι σφίσι βοηθεῖν.

Τεβέριοσ δὲ καὶ πάλαι ζητῶν ἀφορμὴν τοῦ πράττειν τότε λαβὼν πρόφασιν ἐξαπέστειλε τῶν μὲν ἱππέων τὸ πλεῖστον μέροσ, πεζοὺσ δὲ σὺν τούτοισ ἀκοντιστὰσ εἰσ χιλίουσ.

σπουδῇ δὲ τούτων προσμιξάντων πέραν τοῦ Τρεβία καὶ διαμαχομένων τοῖσ πολεμίοισ ὑπὲρ τῆσ λείασ, ἐτράπησαν οἱ Κελτοὶ σὺν τοῖσ Νομάσι καὶ τὴν ἀποχώρησιν ἐπὶ τὸν ἑαυτῶν ἐποιοῦντο χάρακα.

ταχὺ δὲ συννοήσαντεσ τὸ γινόμενον οἱ προκαθήμενοι τῆσ τῶν Καρχηδονίων παρεμβολῆσ ἐντεῦθεν ταῖσ ἐφεδρείαισ ἐβοήθουν τοῖσ πιεζομένοισ·

οὗ γενομένου τραπέντεσ οἱ Ῥωμαῖοι πάλιν ἐποιοῦντο τὴν ἀπόλυσιν εἰσ τὴν ἑαυτῶν παρεμβολήν. Τεβέριοσ δὲ συνορῶν τὸ γινόμενον πάντασ ἐπαφῆκε τοὺσ ἵππουσ καὶ τοὺσ ἀκοντιστάσ.

τούτου δὲ συμπεσόντοσ αὖθισ ἐγκλίναντεσ οἱ Κελτοὶ πρὸσ τὴν ἑαυτῶν ἀσφάλειαν ἀπεχώρουν. ὁ δὲ στρατηγὸσ τῶν Καρχηδονίων ἀπαράσκευοσ ὢν πρὸσ τὸ κρίνειν τὰ ὅλα καὶ νομίζων δεῖν μηδέποτε χωρὶσ προθέσεωσ μηδ’ ἐκ πάσησ ἀφορμῆσ ποιεῖσθαι τοὺσ ὁλοσχερεῖσ κινδύνουσ, ὅπερ εἶναι φατέον ἡγεμόνοσ ἔργον ἀγαθοῦ, τότε μὲν ἐπέσχε τοὺσ παρ’ αὑτοῦ συνεγγίσαντασ τῷ χάρακι καὶ στῆναι μὲν ἐκ μεταβολῆσ ἠνάγκασε, διώκειν δὲ καὶ συμπλέκεσθαι τοῖσ πολεμίοισ ἐκώλυσε, διὰ τῶν ὑπηρετῶν καὶ σαλπιγκτῶν ἀνακαλούμενοσ.

ὀλίγουσ μὲν αὑτῶν ἀποβαλόντεσ, πλείουσ δὲ τῶν Καρχηδονίων διεφθαρκότεσ.