호흡부호 보기
강세부호 보기
장단부호 보기
작은 Iota 보기
모든 부호 보기
Κατὰ δὲ τὸν καιρὸν τοῦτον ἤδη συνεγγίζοντεσ ἀλλήλοισ Ἀννίβασ καὶ Πόπλιοσ ἐπεβάλοντο παρακαλεῖν τὰσ ἑαυτῶν δυνάμεισ, ἑκάτεροσ προθέμενοσ τὰ πρέποντα τοῖσ παροῦσι καιροῖσ. Ἀννίβασ μὲν οὖν διὰ τοιοῦδέ τινοσ ἐνεχείρει τρόπου ποιεῖσθαι τὴν παραίνεσιν.
συναγαγὼν γὰρ τὰ πλήθη παρήγαγεν νεανίσκουσ τῶν αἰχμαλώτων, οὓσ εἰλήφει κακοποιοῦντασ τὴν πορείαν ἐν ταῖσ περὶ τὰσ Ἄλπεισ δυσχωρίαισ.
τούτουσ δὲ κακῶσ διετίθετο, παρασκευαζόμενοσ πρὸσ τὸ μέλλον·
καὶ γὰρ δεσμοὺσ εἶχον βαρεῖσ καὶ τῷ λιμῷ συνέσχηντο, καὶ ταῖσ πληγαῖσ αὐτῶν τὰ σώματα διέφθαρτο. καθίσασ οὖν τούτουσ εἰσ τὸ μέσον προέθηκε πανοπλίασ Γαλατικάσ, οἱαίσ εἰώθασιν οἱ βασιλεῖσ αὐτῶν, ὅταν μονομαχεῖν μέλλωσιν, κατακοσμεῖσθαι·
πρὸσ δὲ τούτοισ ἵππουσ παρέστησε καὶ σάγουσ εἰσήνεγκε πολυτελεῖσ. κἄπειτα τῶν νεανίσκων ἤρετο τίνεσ αὐτῶν βούλονται διαγωνίσασθαι πρὸσ ἀλλήλουσ ἐφ’ ᾧ τὸν μὲν νικήσαντα τὰ προκείμενα λαμβάνειν ἆθλα, τὸν δ’ ἡττηθέντα τῶν παρόντων ἀπηλλάχθαι κακῶν, τελευτήσαντα τὸν βίον.
πάντων δ’ ἀναβοησάντων ἅμα καὶ δηλούντων ὅτι βούλονται μονομαχεῖν, κληρώσασθαι προσέταξε καὶ δύο τοὺσ λαχόντασ καθοπλισαμένουσ ἐκέλευσε μάχεσθαι πρὸσ ἀλλήλουσ.
παραυτίκα μὲν οὖν ἀκούσαντεσ οἱ νεανίσκοι ταῦτα καὶ τὰσ χεῖρασ ἐξαίροντεσ εὔχοντο τοῖσ θεοῖσ, σπεύδων ἕκαστοσ αὐτὸσ γενέσθαι τῶν λαχόντων.
ἐπεὶ δ’ ἐδηλώθη τὰ κατὰ τὸν κλῆρον, ἦσαν οἱ μὲν εἰληχότεσ περιχαρεῖσ, οἱ δ’ ἄλλοι τοὐναντίον.
γενομένησ δὲ τῆσ μάχησ οὐχ ἧττον ἐμακάριζον οἱ περιλειπόμενοι τῶν αἰχμαλώτων τὸν τεθνεῶτα τοῦ νενικηκότοσ, ὡσ πολλῶν καὶ μεγάλων κακῶν ἐκείνου μὲν ἀπολελυμένου, σφᾶσ δ’ αὐτοὺσ ἀκμὴν ὑπομένοντασ.
ἦν δὲ παραπλησία καὶ περὶ τοὺσ πολλοὺσ τῶν Καρχηδονίων ἡ διάληψισ·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기