헬라어 텍스트

Polybius, Histories, book 3, chapter 62

(폴리비오스, Histories, book 3, chapter 62)

Κατὰ δὲ τὸν καιρὸν τοῦτον ἤδη συνεγγίζοντεσ ἀλλήλοισ Ἀννίβασ καὶ Πόπλιοσ ἐπεβάλοντο παρακαλεῖν τὰσ ἑαυτῶν δυνάμεισ, ἑκάτεροσ προθέμενοσ τὰ πρέποντα τοῖσ παροῦσι καιροῖσ. Ἀννίβασ μὲν οὖν διὰ τοιοῦδέ τινοσ ἐνεχείρει τρόπου ποιεῖσθαι τὴν παραίνεσιν.

συναγαγὼν γὰρ τὰ πλήθη παρήγαγεν νεανίσκουσ τῶν αἰχμαλώτων, οὓσ εἰλήφει κακοποιοῦντασ τὴν πορείαν ἐν ταῖσ περὶ τὰσ Ἄλπεισ δυσχωρίαισ.

τούτουσ δὲ κακῶσ διετίθετο, παρασκευαζόμενοσ πρὸσ τὸ μέλλον·

καὶ γὰρ δεσμοὺσ εἶχον βαρεῖσ καὶ τῷ λιμῷ συνέσχηντο, καὶ ταῖσ πληγαῖσ αὐτῶν τὰ σώματα διέφθαρτο. καθίσασ οὖν τούτουσ εἰσ τὸ μέσον προέθηκε πανοπλίασ Γαλατικάσ, οἱαίσ εἰώθασιν οἱ βασιλεῖσ αὐτῶν, ὅταν μονομαχεῖν μέλλωσιν, κατακοσμεῖσθαι·

πρὸσ δὲ τούτοισ ἵππουσ παρέστησε καὶ σάγουσ εἰσήνεγκε πολυτελεῖσ. κἄπειτα τῶν νεανίσκων ἤρετο τίνεσ αὐτῶν βούλονται διαγωνίσασθαι πρὸσ ἀλλήλουσ ἐφ’ ᾧ τὸν μὲν νικήσαντα τὰ προκείμενα λαμβάνειν ἆθλα, τὸν δ’ ἡττηθέντα τῶν παρόντων ἀπηλλάχθαι κακῶν, τελευτήσαντα τὸν βίον.

πάντων δ’ ἀναβοησάντων ἅμα καὶ δηλούντων ὅτι βούλονται μονομαχεῖν, κληρώσασθαι προσέταξε καὶ δύο τοὺσ λαχόντασ καθοπλισαμένουσ ἐκέλευσε μάχεσθαι πρὸσ ἀλλήλουσ.

παραυτίκα μὲν οὖν ἀκούσαντεσ οἱ νεανίσκοι ταῦτα καὶ τὰσ χεῖρασ ἐξαίροντεσ εὔχοντο τοῖσ θεοῖσ, σπεύδων ἕκαστοσ αὐτὸσ γενέσθαι τῶν λαχόντων.

ἐπεὶ δ’ ἐδηλώθη τὰ κατὰ τὸν κλῆρον, ἦσαν οἱ μὲν εἰληχότεσ περιχαρεῖσ, οἱ δ’ ἄλλοι τοὐναντίον.

γενομένησ δὲ τῆσ μάχησ οὐχ ἧττον ἐμακάριζον οἱ περιλειπόμενοι τῶν αἰχμαλώτων τὸν τεθνεῶτα τοῦ νενικηκότοσ, ὡσ πολλῶν καὶ μεγάλων κακῶν ἐκείνου μὲν ἀπολελυμένου, σφᾶσ δ’ αὐτοὺσ ἀκμὴν ὑπομένοντασ.

ἦν δὲ παραπλησία καὶ περὶ τοὺσ πολλοὺσ τῶν Καρχηδονίων ἡ διάληψισ·