Polybius, Histories, book 3, chapter 56

(폴리비오스, Histories, book 3, chapter 56)

πολλοὺσ μὲν ἀπολωλεκὼσ τῶν στρατιωτῶν ὑπό τε τῶν πολεμίων καὶ τῶν ποταμῶν ἐν τῇ καθόλου πορείᾳ, πολλοὺσ δ’ ὑπὸ τῶν κρημνῶν καὶ τῶν δυσχωριῶν κατὰ τὰσ Ἄλπεισ, οὐ μόνον ἄνδρασ, ἔτι δὲ πλείουσ ἵππουσ καὶ ὑποζύγια. ἔχων τὸ διασῳζόμενον μέροσ τῆσ μὲν τῶν Λιβύων δυνάμεωσ πεζοὺσ μυρίουσ καὶ δισχιλίουσ, τῆσ δὲ τῶν Ἰβήρων εἰσ ὀκτακισχιλίουσ, ἱππεῖσ δὲ τοὺσ πάντασ οὐ πλείουσ ἑξακισχιλίων, ὡσ αὐτὸσ ἐν τῇ στήλῃ τῇ περὶ τοῦ πλήθουσ ἐχούσῃ τὴν ἐπιγραφὴν ἐπὶ Λακινίῳ διασαφεῖ.

κατὰ δὲ τοὺσ αὐτοὺσ καιρούσ, ὡσ ἐπάνω προεῖπα, Πόπλιοσ ἀπολελοιπὼσ τὰσ δυνάμεισ Γναί̈ῳ τἀδελφῷ καὶ παρακεκληκὼσ αὐτὸν ἔχεσθαι τῶν ἐν Ἰβηρίᾳ πραγμάτων καὶ πολεμεῖν ἐρρωμένωσ Ἀσδρούβᾳ, κατέπλευσε μετ’ ὀλίγων αὐτὸσ εἰσ Πίσασ.

ποιησάμενοσ δὲ τὴν πορείαν διὰ Τυρρηνίασ καὶ παραλαβὼν τὰ παρὰ τῶν ἑξαπελέκεων στρατόπεδα τὰ προκαθήμενα καὶ προσπολεμοῦντα τοῖσ Βοίοισ ἧκε πρὸσ τὰ περὶ τὸν Πάδον πεδία καὶ καταστρατοπεδεύσασ ἐπεῖχε τοῖσ πολεμίοισ, σπεύδων συμβαλεῖν εἰσ μάχην.

일치하는 문장이 없습니다.

SEARCH

MENU NAVIGATION