헬라어 텍스트

Polybius, Histories, book 3, chapter 54

(폴리비오스, Histories, book 3, chapter 54)

καὶ συνάψαι πρὸσ τὴν παρεμβολήν. τῆσ δὲ χιόνοσ ἤδη περὶ τοὺσ ἄκρουσ ἁθροιζομένησ διὰ τὸ συνάπτειν τὴν τῆσ Πλειάδοσ δύσιν, θεωρῶν τὰ πλήθη δυσθύμωσ διακείμενα καὶ διὰ τὴν προγεγενημένην ταλαιπωρίαν καὶ διὰ τὴν ἔτι προσδοκωμένην, ἐπειρᾶτο συναθροίσασ παρακαλεῖν, μίαν ἔχων ἀφορμὴν εἰσ τοῦτο τὴν τῆσ Ἰταλίασ ἐνάργειαν· οὕτωσ γὰρ ὑποπεπτώκει τοῖσ προειρημένοισ ὄρεσιν ὥστε συνθεωρουμένων ἀμφοῖν ἀκροπόλεωσ φαίνεσθαι διάθεσιν ἔχειν τὰσ Ἄλπεισ τῆσ ὅλησ Ἰταλίασ.

διόπερ ἐνδεικνύμενοσ αὐτοῖσ τὰ περὶ τὸν Πάδον πεδία καὶ καθόλου τῆσ εὐνοίασ ὑπομιμνήσκων τῆσ τῶν κατοικούντων αὐτὰ Γαλατῶν, ἅμα δὲ καὶ τὸν τῆσ Ῥώμησ αὐτῆσ τόπον ὑποδεικνύων ἐπὶ ποσὸν εὐθαρσεῖσ ἐποίησε τοὺσ ἀνθρώπουσ.

τῇ δ’ ἐπαύριον ἀναζεύξασ ἐνήρχετο τῆσ καταβάσεωσ.

ἐν ᾗ πολεμίοισ μὲν οὐκέτι περιέτυχε πλὴν τῶν λάθρᾳ κακοποιούντων, ὑπὸ δὲ τῶν τόπων καὶ τῆσ χιόνοσ οὐ πολλῷ λείποντασ ἀπέβαλε τῶν κατὰ τὴν ἀνάβασιν φθαρέντων. οὔσησ γὰρ στενῆσ καὶ κατωφεροῦσ τῆσ καταβάσεωσ, τῆσ δὲ χιόνοσ ἄδηλον ποιούσησ ἑκάστοισ τὴν ἐπίβασιν, πᾶν τὸ παραπεσὸν τῆσ ὁδοῦ καὶ σφαλὲν ἐφέρετο κατὰ τῶν κρημνῶν.

οὐ μὴν ἀλλὰ ταύτην μὲν ὑπέφερον τὴν ταλαιπωρίαν, ἅτε συνήθεισ ὄντεσ ἤδη τοῖσ τοιούτοισ κακοῖσ·

ἅμα δὲ τῷ παραγενέσθαι πρὸσ τοιοῦτον τόπον, ὃν οὔτε τοῖσ θηρίοισ οὔτε τοῖσ ὑποζυγίοισ δυνατὸν ἦν παρελθεῖν διὰ τὴν στενότητα, σχεδὸν ἐπὶ τρί’ ἡμιστάδια τῆσ ἀπορρῶγοσ καὶ πρὸ τοῦ μὲν οὔσησ, τότε δὲ καὶ μᾶλλον ἔτι προσφάτωσ ἀπερρωγυίασ, ἐνταῦθα πάλιν ἀθυμῆσαι καὶ διατραπῆναι συνέβη τὸ πλῆθοσ.

τὸ μὲν οὖν πρῶτον ἐπεβάλετο περιελθεῖν τὰσ δυσχωρίασ ὁ τῶν Καρχηδονίων στρατηγόσ·