헬라어 텍스트

Polybius, Histories, book 3, chapter 45

(폴리비오스, Histories, book 3, chapter 45)

Λυθείσησ δὲ τῆσ ἐκκλησίασ ἧκον τῶν Νομάδων οἱ προαποσταλέντεσ ἐπὶ τὴν κατασκοπήν, τοὺσ μὲν πλείστουσ αὑτῶν ἀπολωλεκότεσ, οἱ δὲ λοιποὶ προτροπάδην πεφευγότεσ. συμπεσόντεσ γὰρ οὐ μακρὰν ἀπὸ τῆσ ἰδίασ στρατοπεδείασ τοῖσ τῶν Ῥωμαίων ἱππεῦσι τοῖσ ἐπὶ τὴν αὐτὴν χρείαν ἐξαπεσταλμένοισ ὑπὸ τοῦ Ποπλίου τοιαύτην ἐποιήσαντο φιλοτιμίαν ἀμφότεροι κατὰ τὴν συμπλοκὴν ὥστε τῶν Ῥωμαίων καὶ Κελτῶν εἰσ ἑκατὸν ἱππεῖσ καὶ τετταράκοντα διαφθαρῆναι, τῶν δὲ Νομάδων ὑπὲρ τοὺσ διακοσίουσ.

γενομένων δὲ τούτων οἱ Ῥωμαῖοι συνεγγίσαντεσ κατὰ τὸ δίωγμα τῷ τῶν Καρχηδονίων χάρακι καὶ κατοπτεύσαντεσ αὖθισ ἐξ ὑποστροφῆσ ἠπείγοντο, διασαφήσοντεσ τῷ στρατηγῷ τὴν παρουσίαν τῶν πολεμίων·

ἀφικόμενοι δ’ εἰσ τὴν παρεμβολὴν ἀνήγγειλαν. Πόπλιοσ δὲ παραυτίκα τὴν ἀποσκευὴν ἀναθέμενοσ ἐπὶ τὰσ ναῦσ ἀνέζευξε παντὶ τῷ στρατεύματι καὶ προῆγε παρὰ τὸν ποταμόν, σπεύδων συμμῖξαι τοῖσ ὑπεναντίοισ.

Ἀννίβασ δὲ τῇ κατὰ πόδασ ἡμέρᾳ τῆσ ἐκκλησίασ ἅμα τῷ φωτὶ τοὺσ μὲν ἱππεῖσ προέθετο πάντασ ὡσ πρὸσ θάλατταν, ἐφεδρείασ ἔχοντασ τάξιν, τὴν δὲ τῶν πεζῶν ἐκίνει δύναμιν ἐκ τοῦ χάρακοσ εἰσ πορείαν.

αὐτὸσ δὲ τοὺσ ἐλέφαντασ ἐξεδέχετο καὶ τοὺσ ἅμα τούτοισ ἀπολελειμμένουσ ἄνδρασ.