Polybius, Histories, book 3, chapter 41

(폴리비오스, Histories, book 3, chapter 41)

Τὰ μὲν οὖν κατὰ Κελτοὺσ ἀπὸ τῆσ ἀρχῆσ ἑώσ εἰσ τὴν Ἀννίβου παρουσίαν ἐν τούτοισ ἦν καὶ τοιαύτην εἰλήφει διέξοδον, οἱάν ἔν τε τοῖσ πρὸ τοῦ καὶ νῦν διεληλύθαμεν. οἱ δὲ στρατηγοὶ τῶν Ῥωμαίων ἑτοιμασάμενοι τὰ πρὸσ τὰσ ἰδίασ ἐπιβολάσ, ἐξέπλεον ἐπὶ τὴν ὡραίαν ἐπὶ τὰσ προκειμένασ πράξεισ, Πόπλιοσ μὲν οὖν εἰσ Ἰβηρίαν ἑξήκοντα ναυσί, Τεβέριοσ δὲ Σεμπρώνιοσ εἰσ Λιβύην ἑκατὸν ἑξήκοντα σκάφεσι πεντηρικοῖσ.

οἷσ οὕτωσ καταπληκτικῶσ ἐπεβάλετο πολεμεῖν καὶ τοιαύτασ ἐποιεῖτο παρασκευὰσ ἐν τῷ Λιλυβαίῳ, πάντασ καὶ πανταχόθεν ἁθροίζων, ὡσ εὐθέωσ ἐκ κατάπλου πολιορκήσων αὐτὴν τὴν Καρχηδόνα.

ἀπεβίβαζε τὰσ δυνάμεισ, ἀκούων μὲν ὑπερβάλλειν ἤδη τὰ Πυρηναῖα τὸν Ἀννίβαν ὄρη, πεπεισμένοσ δ’ ἔτι μακρὰν ἀπέχειν αὐτὸν διά τε τὰσ δυσχωρίασ τῶν τόπων καὶ διὰ τὸ πλῆθοσ τῶν μεταξὺ κειμένων Κελτῶν.

Ἀννίβασ δὲ παραδόξωσ τοὺσ μὲν χρήμασι πείσασ τῶν Κελτῶν τοὺσ δὲ βιασάμενοσ ἧκε μετὰ τῶν δυνάμεων, δεξιὸν ἔχων τὸ Σαρδόνιον πέλαγοσ, ἐπὶ τὴν τοῦ Ῥοδανοῦ διάβασιν.

ὁ δὲ Πόπλιοσ, διασαφηθέντοσ αὐτῷ παρεῖναι τοὺσ ὑπεναντίουσ, τὰ μὲν ἀπιστῶν διὰ τὸ τάχοσ τῆσ παρουσίασ, τὰ δὲ βουλόμενοσ εἰδέναι τὴν ἀκρίβειαν, αὐτὸσ μὲν ἀνελάμβανε τὰσ δυνάμεισ ἐκ τοῦ πλοῦ καὶ διενοεῖτο μετὰ τῶν χιλιάρχων ποίοισ χρηστέον τῶν τόπων καὶ συμμικτέον τοῖσ ὑπεναντίοισ·

τριακοσίουσ δὲ τῶν ἱππέων ἐξαπέστειλε τοὺσ ἀνδρωδεστάτουσ, συστήσασ μετ’ αὐτῶν καθηγεμόνασ ἅμα καὶ συναγωνιστὰσ Κελτούσ, οἳ παρὰ τοῖσ Μασσαλιώταισ ἐτύγχανον μισθοφοροῦντεσ.

일치하는 문장이 없습니다.

SEARCH

MENU NAVIGATION