헬라어 문장 검색 - ΠολψβίΗιστορί03́040́

(폴리비오스, Histories, book 3, chapter 40)

Ἀννίβασ μὲν οὖν ἐνεχείρει ταῖσ διεκβολαῖσ τῶν Πυρηναίων ὀρῶν, κατάφοβοσ ὢν τοὺσ Κελτοὺσ διὰ τὰσ ὀχυρότητασ τῶν τόπων. Ῥωμαῖοι δὲ κατὰ τοὺσ αὐτοὺσ καιροὺσ διακούσαντεσ μὲν τῶν ἐξαποσταλέντων εἰσ Καρχηδόνα πρεσβευτῶν τὰ δεδογμένα καὶ τοὺσ ῥηθέντασ λόγουσ, προσπεσόντοσ δὲ θᾶττον ἢ προσεδόκων Ἀννίβαν διαβεβηκέναι τὸν Ἴβηρα ποταμὸν μετὰ τῆσ δυνάμεωσ, προεχειρίσαντο πέμπειν μετὰ στρατοπέδων Πόπλιον μὲν Κορνήλιον εἰσ Ἰβηρίαν, Τεβέριον δὲ Σεμπρώνιον εἰσ Λιβύην.

ἐν ὅσῳ δ’ οὗτοι περὶ τὰσ καταγραφὰσ ἐγίνοντο τῶν στρατοπέδων καὶ τὴν ἄλλην παρασκευήν, ἔσπευσαν ἐπὶ τέλοσ ἀγαγεῖν τὰ κατὰ τὰσ ἀποικίασ, οἳ δὴ πρότερον ἦσαν εἰσ Γαλατίαν ἀποστέλλειν προκεχειρισμένοι.

τὰσ μὲν οὖν πόλεισ ἐνεργῶσ ἐτείχιζον, τοὺσ δ’ οἰκήτορασ ἐν ἡμέραισ τριάκοντα παρήγγειλαν ἐπιτόπουσ γίνεσθαι, τὸν ἀριθμὸν ὄντασ εἰσ ἑκατέραν τὴν πόλιν εἰσ ἑξακισχιλίουσ·

ὧν τὴν μὲν μίαν ἔκτιζον ἐπὶ τάδε τοῦ Πάδου ποταμοῦ, προσαγορεύσαντεσ Πλακεντίαν, τὴν δ’ ἄλλην ἐπὶ θάτερα, κατονομάσαντεσ Κρεμώνην.

μετεωριζόμενοι καὶ πιστεύοντεσ ἐκ τῶν διαπεμπομένων τῇ παρουσίᾳ τῶν Καρχηδονίων ἀπέστησαν ἀπὸ Ῥωμαίων, ἐγκαταλιπόντεσ τοὺσ ὁμήρουσ, οὓσ ἔδοσαν ἐκβαίνοντεσ ἐκ τοῦ πολέμου τοῦ προγεγονότοσ, ὑπὲρ οὗ τὴν ἐξήγησιν ἡμεῖσ ἐν τῇ προτέρᾳ βύβλῳ ταύτησ ἐποιησάμεθα.

παρακαλέσαντεσ δὲ τοὺσ Ἴνσομβρασ καὶ συμφρονήσαντεσ κατὰ τὴν προγεγενημένην ὀργὴν κατέσυραν τὴν κατακεκληρουχημένην χώραν ὑπὸ Ῥωμαίων καὶ τοὺσ φεύγοντασ συνδιώξαντεσ εἰσ Μοτίνην, ἀποικίαν ὑπάρχουσαν Ῥωμαίων, ἐπολιόρκουν.

ἐν οἷσ καὶ τρεῖσ ἄνδρασ τῶν ἐπιφανῶν συνέκλεισαν τοὺσ ἐπὶ τὴν διαίρεσιν τῆσ χώρασ ἀπεσταλμένουσ·

ὧν εἷσ μὲν ἦν Γάιοσ Λυτάτιοσ ὁ τὴν ὕπατον ἀρχὴν εἰληφώσ, οἱ δὲ δύο τὴν ἑξαπέλεκυν. οἰομένων δὲ δεῖν τούτων εἰσ λόγουσ σφίσι συνελθεῖν, ὑπήκουσαν οἱ Βοῖοι.

τῶν δ’ ἀνδρῶν ἐξελθόντων, παρασπονδήσαντεσ συνέλαβον αὐτούσ, ἐλπίσαντεσ διὰ τούτων κομιεῖσθαι τοὺσ αὑτῶν ὁμήρουσ. Λεύκιοσ δὲ Μάλιοσ ἑξαπέλεκυσ ὑπάρχων καὶ προκαθήμενοσ ἐπὶ τῶν τόπων μετὰ δυνάμεωσ, ἀκούσασ τὸ γεγονόσ, ἐβοήθει κατὰ σπουδήν.

οἱ δὲ Βοῖοι συνέντεσ αὐτοῦ τὴν παρουσίαν, ἔν τισι δρυμοῖσ ἑτοιμάσαντεσ ἐνέδρασ ἅμα τῷ παρελθεῖν εἰσ τοὺσ ὑλώδεισ τόπουσ πανταχόθεν ἅμα προσπεσόντεσ πολλοὺσ ἀπέκτειναν τῶν Ῥωμαίων.

οἱ δὲ λοιποὶ τὰσ μὲν ἀρχὰσ ὡρ́μησαν πρὸσ φυγήν·

ἐπεὶ δὲ τῶν ψιλῶν ἥψαντο χωρίων, ἐπὶ ποσὸν συνέστησαν οὕτωσ ὥστε μόλισ εὐσχήμονα ποιήσασθαι τὴν ἀποχώρησιν. οἱ δὲ Βοῖοι κατακολουθήσαντεσ συνέκλεισαν καὶ τούτουσ εἰσ τὴν Τάννητοσ καλουμένην κώμην. τοῖσ δ’ ἐν τῇ Ῥώμῃ προσπεσόντοσ ὅτι τὸ τέταρτον στρατόπεδον περιειλημμένον ὑπὸ τῶν Βοίων πολιορκεῖται κατὰ κράτοσ, τὰ μὲν τῷ Ποπλίῳ προκεχειρισμένα στρατόπεδα κατὰ σπουδὴν ἐξαπέστελλον ἐπὶ τὴν τούτων βοήθειαν, ἡγεμόνα συστήσαντεσ ἑξαπέλεκυν, ἄλλα δὲ συνάγειν καὶ καταγράφειν ἐκ τῶν συμμάχων αὐτῷ παρήγγειλαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 40

(폴리비오스, Histories, book 3, chapter 40)

상위

목록

SEARCH

MENU NAVIGATION