헬라어 텍스트

Polybius, Histories, book 3, chapter 31

(폴리비오스, Histories, book 3, chapter 31)

Ἔνιοι δὲ τῶν ἀκρίτωσ τὰ τοιαῦτα θεωμένων τάχ’ ἂν φήσαιεν ἡμᾶσ οὐκ ἀναγκαίωσ ἐπὶ πλεῖον ἐξακριβοῦν τοὺσ ὑπὲρ τῶν τοιούτων λόγουσ. ἐγὼ δ’, εἰ μέν τισ ὑπείληφεν πρὸσ πᾶσαν περίστασιν αὐτάρκησ ὑπάρχειν, καλὴν μέν, οὐκ ἀναγκαίαν δ’ ἴσωσ φήσαιμ’ ἂν εἶναι τὴν τῶν προγεγονότων ἐπιστήμην·

ἔτι δὲ μᾶλλον ἀναγκαίαν εἶναί φημι διὰ ταῦτα τὴν τῶν παρεληλυθότων ἐπίγνωσιν.

πῶσ γὰρ ἂν εἴτ’ αὐτὸσ ἀδικούμενόσ τισ ἢ τῆσ πατρίδοσ ἀδικουμένησ βοηθοὺσ εὑρ́οι καὶ συμμάχουσ, εἴτε κτήσασθαί τι καὶ προκατάρξασθαι σπουδάζων τοὺσ συνεργήσοντασ αὐτῷ παρορμήσαι πρὸσ τὰσ ἐπιβολάσ;

πῶσ δ’ ἂν εὐδοκούμενοσ τοῖσ ὑποκειμένοισ τοὺσ βεβαιώσοντασ τὴν αὐτοῦ προαίρεσιν καὶ διαφυλάξοντασ τὴν κατάστασιν παροξύναι δικαίωσ, εἰ μηδὲν εἰδείη τῆσ τῶν προγεγονότων περὶ ἑκάστουσ ὑπομνήσεωσ;

πρὸσ μὲν γὰρ τὸ παρὸν ἀεί πωσ ἁρμοζόμενοι καὶ συνυποκρινόμενοι τοιαῦτα καὶ λέγουσι καὶ πράττουσι πάντεσ ὥστε δυσθεώρητον εἶναι τὴν ἑκάστου προαίρεσιν καὶ λίαν ἐν πολλοῖσ ἐπισκοτεῖσθαι τὴν ἀλήθειαν.

τὰ δὲ παρεληλυθότα τῶν ἔργων, ἐξ αὐτῶν τῶν πραγμάτων λαμβάνοντα τὴν δοκιμασίαν, ἀληθινῶσ ἐμφαίνει τὰσ ἑκάστων αἱρέσεισ καὶ διαλήψεισ καὶ δηλοῖ παρ’ οἷσ μὲν χάριν, εὐεργεσίαν, βοήθειαν ἡμῖν ὑπάρχουσαν, παρ’ οἷσ δὲ τἀναντία τούτων.

ἐξ ὧν καὶ τὸν ἐλεήσοντα καὶ τὸν συνοργιούμενον, ἔτι δὲ τὸν δικαιώσοντα, πολλάκισ καὶ ἐπὶ πολλῶν εὑρεῖν ἔστιν.

ἅπερ ἔχει μεγίστασ ἐπικουρίασ καὶ κοινῇ καὶ κατ’ ἰδίαν πρὸσ τὸν ἀνθρώπινον βίον.

διόπερ οὐχ οὕτωσ ἐστὶ φροντιστέον τῆσ αὐτῶν τῶν πράξεων ἐξηγήσεωσ οὔτε τοῖσ γράφουσιν οὔτε τοῖσ ἀναγινώσκουσιν τὰσ ἱστορίασ, ὡσ τῶν πρότερον καὶ τῶν ἅμα καὶ τῶν ἐπιγινομένων τοῖσ ἔργοισ.

καὶ παραυτίκα μὲν τέρπει, πρὸσ δὲ τὸ μέλλον οὐδὲν ὠφελεῖ τὸ παράπαν.