Ancient Greek Text

Polybius, Histories, book 3, chapter 30

(폴리비오스, Histories, book 3, chapter 30)

Τούτων δὴ τοιούτων ὑπαρχόντων, ὁμολογούμενον ἦν κἀκεῖνο διότι Ζακανθαῖοι πλείοσιν ἔτεσιν ἤδη πρότερον τῶν κατ’ Ἀννίβαν καιρῶν ἐδεδώκεισαν αὑτοὺσ εἰσ τὴν τῶν Ῥωμαίων πίστιν. σημεῖον δὲ τοῦτο μέγιστον καὶ παρ’ αὐτοῖσ τοῖσ Καρχηδονίοισ ὁμολογούμενον ὅτι στασιάσαντεσ Ζακανθαῖοι πρὸσ σφᾶσ οὐ Καρχηδονίοισ ἐπέτρεψαν, καίπερ ἐγγὺσ ὄντων αὐτῶν καὶ τὰ κατὰ τὴν Ἰβηρίαν ἤδη πραττόντων, ἀλλὰ Ῥωμαίοισ καὶ διὰ τούτων ἐποιήσαντο τὴν κατόρθωσιν τῆσ πολιτείασ.

διόπερ εἰ μέν τισ τὴν Ζακάνθησ ἀπώλειαν αἰτίαν τίθησι τοῦ πολέμου, συγχωρητέον ἀδίκωσ ἐξενηνοχέναι τὸν πόλεμον Καρχηδονίουσ κατά τε τὰσ ἐπὶ τοῦ Λυτατίου συνθήκασ, καθ’ ἃσ ἔδει τοῖσ ἑκατέρων συμμάχοισ τὴν ὑφ’ ἑκατέρων ὑπάρχειν ἀσφάλειαν, κατά τε τὰσ ἐπ’ Ἀσδρούβου, καθ’ ἃσ οὐκ ἔδει διαβαίνειν τὸν Ἴβηρα ποταμὸν ἐπὶ πολέμῳ Καρχηδονίουσ·

εἰ δὲ τὴν Σαρδόνοσ ἀφαίρεσιν καὶ τὰ σὺν ταύτῃ χρήματα, πάντωσ ὁμολογητέον εὐλόγωσ πεπολεμηκέναι τὸν κατ’ Ἀννίβαν πόλεμον τοὺσ Καρχηδονίουσ·

καιρῷ γὰρ πεισθέντεσ ἠμύνοντο σὺν καιρῷ τοὺσ βλάψαντασ.